Müqəddəs Pyotr kilsəsi (alm. St. Peter) — Münxen şəhərində yerləşən Katolik kilsəsi.
| katolisizm | |
| Müqəddəs Pyotr kilsəsi | |
|---|---|
 | |
 | |
| Həsr olunub | Müqəddəs Pyotr |
| Ölkə | |
| Üslubu | qotika |
 Vikianbarda əlaqəli mediafayllar | |
Müqəddəs Pyotr kilsəsi Münhen şəhərinin daxili hissəsində yerləşən Roma-Katolik məhəllə kilsəsidir. Kilsənin 91 metr hündürlüyündə olan qülləsi "Alter Peter" (Köhnə Pyotr) adı ilə tanınır və Münhenin simvollarından biridir. Müqəddəs Pyotr kilsəsi Münhendə qeydə alınmış ən qədim məhəllə kilsəsidir və ehtimal ki, o, şəhərin əsası ilə birgə qoyulub.[3]
Münhenin 1158-ci ildə şəhər kimi qurulmasından əvvəl bu ərazidə Merovinqlər sülaləsi dövründən əvvələ aid bir kilsə var idi. VIII əsrdə rahiblər bu kilsə ətrafında, Petersberql adlı təpədə yaşayırdılar. XII əsrin sonunda Bavariya Romanesk üslubunda yeni bir kilsə təqdis edildi və 1327-ci ildə baş verən böyük yanğından qısa müddət əvvəl Qotika üslubunda genişləndirildi. Yanğın nəticəsində bina tamamilə məhv oldu. Yenidənqurmadan sonra kilsə 1368-ci ildə yenidən təqdis edildi. XVII əsrin əvvəllərində 91 metrlik qülləyə İntibah dövrü üslubunda zirvə əlavə edildi və yeni Barokko xor hissəsi tikildi.[4]
İkinci Dünya müharibəsi zamanı Münhenin müttəfiq bombardmanı nəticəsində kilsə ağır ziyan gördü.[5]
Kilsənin daxili interyerində Erasmus Grasser tərəfindən hazırlanmış Müqəddəs Pyotr heykəlinin yerləşdiyi yüksək altar əsas yer tutur. Digər dövrlərin şedevrləri arasında Jan Polak tərəfindən hazırlanmış beş Qotik rəsm və İqnaz Günther tərəfindən hazırlanmış bir neçə qurbangah var. Yohan Baptist Zimmermann tərəfindən 1753–1756-cı illərdə hazırlanmış tavan freskası 1999–2000-ci illərdə bərpa edilmişdir.
- ↑ 1 2 ArchINFORM (alm.). 1994.
- ↑ 1 2 Corpus of Baroque Ceiling Painting in Germany.
- ↑ Helmuth Stahleder. Chronik der Stadt München (Band 1: Herzogs- und Bürgerstadt. Die Jahre 1157–1505). München: Heinrich Hugendubel Verlag. 1995. 28–29. ISBN 3-88034-835-9.
- ↑ Josef H. Biller, Hans-Peter Rasp. München Kunst & Kultur. München. 2003. 352. ISBN 3-7787-5125-5.
- ↑ "Источник" (PDF). 20 oktyabr 2021 tarixində arxivləşdirilib (PDF). İstifadə tarixi: 18 noyabr 2020.