Müqəddəs Patrik kafedralı həmçinin Müqəddəs Patrik kafedralı və kiçik bazilika (ing. St Patrick's Cathedral) — Avstraliyanın Viktoriya ştatının Melburn şəhərində yerləşən Roma-Katolik Melburn Arxeyparxiyasının kafedral kilsəsi. Hal-hazırda arxiyepiskop Peter Comensolinin iqamətgahı burda yerləşir.[1]
| Müqəddəs Patrik kafedralı | |
|---|---|
| St Patrick's Cathedral | |
 | |
 | |
| 37°48′36″ c. e. 144°58′33″ ş. u.HGYO | |
| Ölkə | |
| Tikilmə tarixi | 1858 |
| Üslubu | neoqotika |
| Hündürlüyü | 105 m |
| Rəsmi sayt | cam1.org.au/cathedral |
 Vikianbarda əlaqəli mediafayllar | |
1974-cü ildə Papa VI Pavel tərəfindən ona "kiçik bazilika" titulu və statusu verilib. 1986-cı ildə Papa II İohann Pavel kafedralı ziyarət edib və papalıq səfəri zamanı ruhanilərə müraciət ünvanlayıb.[2]
1848-ci ildə Avqustin rahibi Ceyms Quld Melburnun ilk yepiskopu təyin edildi. Onun təklifi ilə Melburnun Şərq Təpəsi ərazisində kilsə üçün beş akr torpaq sahəsinin verilməsi ilə bağlı müzakirələr 1848-ci ildə başlandı. 1 aprel 1851-ci ildə, Melburnun qurulmasından cəmi 16 il sonra, Viktoriya koloniyasının katibi bu ərazini Roma-Katolik Kilsəsinə verdi.
Ceyms Quld bu kafedralı Şərq Təpəsində tikmək qərarına gəldi. O dövrdə Melburnun katolik icması demək olar ki, tamamilə irlandlardan ibarət olduğu üçün kafedral İrlandiyanın himayədar müqəddəsi olan Müqəddəs Patrikə həsr edildi.
1851-ci ildə tikintiyə başlanıldı, lakin koloniyadakı bütün işləyə bilən kişilər qızıl yataqlarına tələsdiyi üçün 1856-cı ilə qədər çox az iş görüldü. Müqəddəs Patrik Kafedralı İngiltərənin böyük orta əsrlər kafedralları əsasında XIII əsrin sonu Qotik üslubu əsasında tikildi. Xüsusilə Həndəsi Dekorativ Qotik üslubunda olan kilsə, bu üslubun ən mürəkkəb nümunəsini nefin böyük qərb pəncərəsində nümayiş etdirir. Şərq qanadı və onun fransız üslubunda şapelləri əsasən XIII əsrin sonu ingilis üslubundadır və bu üslubda XIX əsrdə cəhd edilən ən tam nümunədir. Vilyam Uordell son dərəcə iddialı və bacarıqlı bir memar idi.[3] O, daha sonra Müqəddəs Patrik Kafedralından daha böyük olan və tamamilə ingilis kvadrat Şərq Ucu ilə hazırlanan ikinci Müqəddəs Məryəm Kafedralının da (Sidney) memarı oldu.
Kafedral Melburnun Şərq Təpəsində, Albert küçəsi, Gisborn küçəsi, Lansdovn küçəsi və Kafedral Meydanı ilə əhatə olunmuş ərazidə yerləşir. Qərbdə, Gisborn küçəsinin o tərəfində 1846-1848-ci illərdə inşa edilmiş Müqəddəs Pyotr Kilsəsi yerləşir ki, bu da Melburnun Anglikan iparxiyasının kilsəsidir.
1858-ci ildə Vilyam Uordell kafedralın planını hazırlamaq üçün tapşırıq aldı və 8 dekabr 1858-ci ildə müqavilə imzalandı.[4] Həmin il tikinti işlərinə başlanıldı. Nef 10 il ərzində tamamlansa da, tikinti yavaş irəlilədi və 1891-ci ildə Melburnu vuran ağır böhran daha da gecikmələrə səbəb oldu. Arxiyepiskop Tomas Kerrin rəhbərliyi altında kafedral 1897-ci ildə təqdis edildi və hətta o zaman belə tamamlanmamışdı.[5] O dövrdə katolik icmasının ölçüsünü nəzərə alaraq, nəhəng Qotik kafedralı böyük və çox bahalı bir layihə idi. Bu səbəbdən vəsait toplanana qədər uzun gecikmələr oldu. Müqəddəs Patrik Kafedralı XIX əsrdə dünyanın iki ən böyük kilsədən biri oldu. Digəri isə ABŞ-dakı Nyu-York Müqəddəs Patrik kafedralıdır. 1917-ci ildə Melburn Arxiyepiskopu olan Daniel Mannix kafedralın tikintisinin tamamlamması üçün gərgin əmək sərf etdi. 30 il ərzində inşası ləngiyən kafedralın tikintisi sürətləndi.[6] O, 1930-cu illərin sonunda qüllələrin və yeni əsas qapının tikintisini şəxsən nəzarətə götürdü və onun təşəbbüsü ilə qüllələr Uordellin orijinal dizaynından daha hündür tikildi.[7] Tamamlanmış bina rəsmi olaraq 1939-cu ildə tamamlandı.[8]
-
Müqəddəs Patrik kafedralı -
Müqəddəs Patrik kafedralı -
Müqəddəs Patrik kafedralının daxili interyeri -
Müqəddəs Patrik Katedralın önündə olan heykəl İrlandiya millətçilərinin lideri Daniel O'Connellə aiddir -
Müqəddəs Patrik kafedralının inşası zamanı çəkilmiş foto, 1866-cı il
- ↑ "St Patrick's Cathedral Precinct". Victorian Heritage Database. en:Government of Victoria. 24 November 2023 tarixində arxivləşdirilib. İstifadə tarixi: 25 November 2023.
- ↑ Burgmann, Verity; Burgmann, Meredith. Green Bans, Red Union: Environmental Activism and the New South Wales Builders Labourers' Federation. 1998. 50.
- ↑ Anderson, Jaynie; Vodola, Max; Carmody, Shane, redaktorlar The invention of Melbourne: a baroque archbishop and a gothic architect. Carlton, Vic: The Miegunyah Press. 2019. ISBN 978-0-522-87563-8.
- ↑ "William Wardell : building with conviction / A.G. Evans - Catalogue | National Library of Australia". catalogue.nla.gov.au (ingilis). İstifadə tarixi: 2025-04-29.
- ↑ "St. Patricks Cathedral, Melbourne". Sydney Mail and New South Wales Advertiser. 1897-11-06. 2025-04-29 tarixində arxivləşdirilib. İstifadə tarixi: 2025-04-29.
- ↑ "£150,000 WANTED FOR SPIRES". Sun News-Pictorial. 1929-01-16. İstifadə tarixi: 2025-04-29.
- ↑ "ST PATRICKS CATHEDRAL PRECINCT". Victorian Heritage Database. 2023-11-24 tarixində arxivləşdirilib. İstifadə tarixi: 2023-05-20.
- ↑ "Spires Clear Soon At St. Patrick's". Herald. 1939-07-06. İstifadə tarixi: 2024-05-16.
- O'Farrell, Patrick. The Catholic Church and Community in Australia. Thomas Nelson (Australia), west Melbourne. 1977.
- Anderson, Jaynie; Vodola, Max; Carmody, Shane, eds. (2019). The invention of Melbourne: a baroque archbishop and a gothic architect. Carlton, Vic: The Miegunyah Press