Müqəddəs Məryəm Ananın Dua Örpəyi Kilsəsi
Bu səhifədə iş davam etməkdədir. |
Müqəddəs Məryəm Ananın Dua Örpəyi Kilsəsi — Quba rayonunun Hacıhüseynli kəndində 1897-ci ildə tikilmiş kilsə və tarix memarlıq abidəsi.
| Müqəddəs Məryəm Ananın Dua Örpəyi Kilsəsi | |
|---|---|
| Ölkə |
 Azərbaycan |
| Yerləşir | Hacıhüseynli kəndi, Quba rayonu |
| Memar | Pavel Koqnovitski |
| Sifarişçi | Rusiya İmperiyasının Daxili İşlər Nazirliyi |
| Tikilmə tarixi | 1897 |
| Vəziyyəti | fəaliyyət göstərmir |
| İstinad nöm. | 4653 |
| Kateqoriya | Məbəd |
| Əhəmiyyəti | Yerli əhəmiyyətli |
Kilsə, Azərbaycan Respublikası Nazirlər Kabinetinin 2 avqust 2001-ci ildə verdiyi 132 nömrəli qərar ilə yerli əhəmiyyətli daşınmaz tarix və mədəniyyət abidələrinin siyahısına salınıb.
Kilsənin tikildiyi kənd 1892-ci ilə qədər Hacıhüseynli kəndi adlanıb.[1] 1891-ci ildə buranın yerli türk əhalisi köçürülüb və onların yerinə əraziyə ruslar yerləşdiriliblər.[2][3] Daha sonra isə kəndin adı dəyişdirilərək Bakı qubernatoru Roggenin həyat yoldaşının şərəfinə Yelenovka adlandırılıb.[4][5] Eyni dövrdə ətraf ərazilərdə başqa 3 rus kəndini də salınıb.[4] Yeni köçürülən rusların istəyi ilə Yelenovka kəndində kilsənin tikilməsi ilə bağlı qərar qəbul olunub. Tikinti üçün Rus imperiyasının Daxili İşlər Nazirliyi vəsait ayırıb. Kilsənin tikintisi 1897-ci ildə yekunlaşıb.[5] 1897-ci il avqustun 10-da kilsə protoierey Yunistski tərəfindən təqdis olunub.[1][4]
Azərbaycanda sovet işğalından sonra dinlə mübarizəyə başladılar.[6] Bir çox məscid, kilsə və sinaqoqlar maarifləndirici istiqamətlərdə istifadə üçün klubların balansına verildi.[7] Müqəddəs Məryəm Ananın Dua Örpəyi Kilsəsi də o dövrdə ibadətə bağlanıb və kilsənin binasından anbar kimi istifadə olunub.[8]
Kilsə Azərbaycan Respublikası Nazirlər Kabinetinin 2 avqust 2001-ci ildə verdiyi 132 nömrəli qərar ilə yerli əhəmiyyətli daşınmaz tarix və mədəniyyət abidələrinin siyahısına salınıb.[9][10]
- ↑ 1 2 Yunitski, 1906. səh. 115
- ↑ Bağırov, 2009. səh. 635
- ↑ "Zəvvarlar Azərbaycanın şimal bölgəsinə səfər ediblər. Xəbərlər 2023. Bakı və Azərbaycan Yeparxiyasının". az.pravoslavie.az. 2023-08-15. İstifadə tarixi: 2025-07-23.
- ↑ 1 2 3 Bağırov, 2009. səh. 636
- ↑ 1 2 Свечников, Дионисий. "Церковь Покрова Пресвятой Богородицы селения Гаджигусейнли (Еленовка) | История Православных храмов Азербайджана | Бакинско-Азербайджанская епархия РПЦ". pravoslavie.az. 2021-11-27. İstifadə tarixi: 2025-07-23.
- ↑ Yunusov, Arif. Azərbaycanda İslam (PDF) (az.). Bakı: Zaman. 2004. səh. 140. ISBN 9952-8052-2-5. 2023-07-05 tarixində arxivləşdirilib (PDF). İstifadə tarixi: 2022-12-14.
- ↑ Yunusov, Arif. Azərbaycanda İslam (PDF) (az.). Bakı: Zaman. 2004. səh. 141. ISBN 9952-8052-2-5. 2023-07-05 tarixində arxivləşdirilib (PDF). İstifadə tarixi: 2022-12-14.
- ↑ "Qubanın Yelenovskaya Pokrova Prosvyatoy Boqoroditsı pravoslav kilsəsi". Shimal.news (az.). 2022-06-16. İstifadə tarixi: 2025-07-23.
- ↑ "Azərbaycan Respublikası Nazirlər Kabinetinin 2001-ci il 2 avqust Tarixli 132 nömrəli qərarı ilə təsdiq edilmişdir" (PDF) (az.). mct.gov.az. 2001-08-02. 2021-07-07 tarixində arxivləşdirilib (PDF). İstifadə tarixi: 2022-12-14.
- ↑ Ramazanlı, Ramiz. Quba - multikultural diyar (az.). Bakı: Ecoprint. 2017. 118. ISBN 978-9952-29-103-2.
- Yunitski, Aleksandr. История церквей и приходов Бакинской губернии (1815-1905 г. г.) (rus). Bakı: Издание Бакинского Братства законоучителей. 1906. səh. 192.
- Bağırov, Fikrət. Переселенческая политика царизма в Азербайджане. 1830-1914 гг (rus). Moskva: Издательство «Маросейка». 2009. səh. 704. ISBN 978-5-903271-26-9.