Müqəddəs Kanisius kilsəsi (Vyana)

1896-cı ildə 4-cü Avstriya Katolik Günündə (Katholikentag), "Marianische Kaufmannskongregation" (İş adamlarının Marian Cəmiyyəti), kapellan və Vyana Yepiskop Vikarı Müqəddəs Peter Kanisiusun (1553 və 1554) 300 illik vəfatına münasib bir abidə ucaltmaq təklifini irəli sürdü. 1897-ci ildə Kanisius Kilsəsi Tikinti Birliyi təşkil edildi və gələcək Avstriya İmperatoru I Karlın anası Arşidüşes Mariya Jozefanın himayəsinə girdi. 31 İyul 1899-cu ildə Müqəddəs İqnati Loyolanın bayram günündə kilsənin inşasına başlandı və 18 Oktyabr 1903-cü ildə İmperator I Frans İosifin iştirakı ilə təqdis edildi. Cəmi üç illik qısa müddətdə, böyük quruluş tamamlandı. Kilsənin tikintisi zamanı Peter Kanisius, alman dilindəki ilk Yezuit hələ müqəddəslərə aid olmadığı üçün (1925-ci ildə kanonlaşdırılıb), yeni kilsə onun adına təqdis edilmədi. Buna görə də "Bağçada Əziyyət Çəkən Xilaskar" və "Ağrılı Tanrı Anası" təqdis adı olaraq seçildi. Peter Kanisius 1925-ci ildə kanonlaşdırıldı və Kilsə Doktoru statusuna yüksəldildi. Beləliklə, Mərasimlər Cəmiyyətinin qərarı ilə onu Kanisius Kilsəsinin əsas himayədarı elan etmək üçün yol açıldı. 1939-cu ildən bəri Vyana Kanisius Kilsəsi eyni adlı paraxiyanın paraxiya kilsəsidir.^[3]