Münhendəki Pivə və Oktoberfest Muzeyi (alm. Bier- und Oktoberfestmuseum) — pivə tarixinə və hər il Münhendə payızda keçirilən Oktoberfest festivalına həsr olunub.[1]
| Münhen Pivə və Oktoberfest muzeyi | |
|---|---|
| alm. Bier- und Oktoberfestmuseum | |
 | |
 | |
| Açılış tarixi | 2005, 7 sentyabr |
| Təsisçi | The Foundation Edith-Haberland-Wagner |
| Mövzu | Oktoberfest, pivə |
| Ölkə | Almaniya Federasiyası |
| Yerləşir | Münxen |
| Ünvan | Sterneckerstraße, 2 |
| Telefon | +49-89-24231607 |
| İş rejimi | II-VI saat 13:00-18:00 |
| 48°08′07″ şm. e. 11°34′49″ ş. u.HGYO | |
| bier-und-oktoberfestmuseum.de | |
 Vikianbarda əlaqəli mediafayllar | |
Muzey 7 sentyabr 2005-ci ildə açılıb. Köhnə şəhərdə, Sterneckerstraße, 2 ünvanında, 1327-ci ildə inşa olunmuş tarixi binada yerləşir. Dördmərtəbəli, 500 ildən çox yaşı olan bu binaya 43 pilləkən vasitəsilə qalxılır.[2]
Münhen Pivə və Oktoberfest muzeyi Augustiner Pivə Zavodunun sahibi Edith Haberland Vaqner Fondu tərəfindən idarə olunur.
Muzeydə Alman Pivə Muzeyindən miras qalmış müxtəlif eksponatlar, pivə dequstasiyası dərsləri, mağaza və pivə zalı fəaliyyət göstərir. Birinci mərtəbədə pivə tarixindən bəhs edən otaqlar yerləşir. Sərgi otaqları binanın ikinci, üçüncü və dördüncü mərtəbələrində yerləşir. Son mərtəbədəki otaqlar muzey rəhbərliyinə məxsusdur. Birinci mərtəbədə, həmçinin Museumsstüberl adlı restoran yerləşir.
Muzeyin daimi sərgisi iki tematik sahəyə bölünür: Pivə Muzeyi və Oktoberfest Muzeyi.
Pivə muzeyi ikinci mərtəbədə yerləşir. Burada təşkil olunmuş “Pivə və pivə sənətinin tarixi” sərgisində antik pivə hazırlama alətləri, çəlləklər, çənlər və tarixi pivə fincanları nümayiş etdirilir. Ziyarətçilər hələ də alman pivəsinin keyfiyyət standartı hesab edilən 1516-cı ildə imzalanmış “Bavariya Pivəsinin Təmizlik Qanunu”nun mətnini oxuya bilərlər.
Oktoberfest Muzeyində təşkil olunmuş “Oktoberfest tarixi” sərgisində 1810-cu ildən Münhendə keçirilən festivala həsr olunmuş at yarışları ilə bağlı ilk illəri əks etdirən sənədlər, qravüra və rəsmlər yer alıb.[3]
Dördüncü mərtəbədəki otaqlar çox vaxt xüsusi sərgilər üçün istifadə olunur.[4]
Muzey həftənin II-VI günləri saat 13:00-dan 18:00-dək açıq olur.
Bazar ertəsi, Bazar və bayram günləri bağlı olur.
Əvvəlcədən razılaşma yolu ilə təşkil olunmuş mütəşəkkil qruplara saat 19:00-a qədər xidmət göstərilir.
-
Muzeydə nümayiş etdirilən mixi lövhədə yazılıb: qədim dövrlərdə Mesopotamiyada tünd, süzülməmiş buğda pivəsini hazırlamaq üçün taxıl, səməni və qıcqırdılmış ədviyyatlı çörəkdən istifadə edilmişdir. -
Orta əsrlərdə Bavariyada pivə bişirmə otağı. -
Münhendəki Pivə və Oktoberfest muzeyinin 500 il yaşı olan köhnə, taxta, hündür və ensiz pilləkənləri. -
Altıguşəli ulduz (hexagram) orta əsrlərdə Bavariyada keyfiyyətli pivə nişanının göstəricisi olmuşdur. XIX əsrdə yəhudilər onu Davud ulduzu simvolu kimi istifadə etdikləri üçün pivə istehlakçıları nişanlarını dəyişmişlər. -
Qədim Misirdə pivə əsas məhsul hesab olunurdu. Piramidaların inşasına cəlb olunan fəhlələrin gündəlik rasionuna pivə və çörək daxil edilmişdir. Onu qəbirlərə belə qoyurdular ki, mərhum sonrakı həyatında da pivə içə bilsin.
- ↑ "Das Museumsstüberl". Internetauftritt des Bier- und Oktoberfestmuseums (German). 2021-10-30 tarixində orijinalından arxivləşdirilib. (#invalid_param_val)
- ↑ "Das Biermuseum – Brau- und Bierkultur von der Antike bis heute". Internetauftritt des Bier- und Oktoberfestmuseums (German). 2021-10-30 tarixində orijinalından arxivləşdirilib. (#invalid_param_val)
- ↑ "Das Oktoberfestmuseum – Von einer königlichen Hochzeit zum größten Volksfest der Welt". Internetauftritt des Bier- und Oktoberfestmuseums (German). 2021-10-30 tarixində orijinalından arxivləşdirilib. (#invalid_param_val)
- ↑ "Sonderausstellungen". Internetauftritt des Bier- und Oktoberfestmuseums (German). 2021-10-30 tarixində orijinalından arxivləşdirilib. (#invalid_param_val)