Mühitdin Üstündağ
Mühitdin Üstündağ (türk. Muhittin Üstündağ; 1 yanvar 1884, Xios – 30 aprel 1953, İstanbul) — türk bürokratı, keçmiş polis məmuru, İstanbulun keçmiş valisi və meri.[1]
| Mühitdin Üstündağ | |
|---|---|
| türk. Muhittin Üstündağ | |
 | |
İstanbul valisi və İstanbulun 49-cu meri | |
| 14 oktyabr 1928 – 4 dekabr 1938 | |
| Əvvəlki | Emin Ərkul |
| Sonrakı | Lütfi Kırdar |
Türkiyə Böyük Millət Məclisinin 7-ci çağırış millət vəkili | |
| 8 mart 1943 – 14 iyun 1946 | |
| Seçim bölgəsi | 1943 – İstanbul |
| Şəxsi məlumatlar | |
| Doğum tarixi | 1 yanvar 1884 |
| Doğum yeri | |
| Vəfat tarixi | 30 aprel 1953 (69 yaşında) |
| Vəfat yeri | |
| Partiya | |
| Təhsili | İstanbul Universitetinin Hüquq fakültəsi |
| Fəaliyyəti | diplomat və siyasətçi |
 Vikianbarda əlaqəli mediafayllar | |
Muhittin Üstündağ 20 oktyabr 1884-cü ildə (hicri təqvimi: 29.12.1301) Osmanlı imperiyasında Sakız adasında anadan olub.[2] O, İmbros valisi Hayri bəy və Cəmilə xanımın ailəsində dünyaya göz açıb.[2][1] Mühitdin Üstündağ, Demokrat Partiyası dövründə Səhiyyə və Sosial Rifah naziri vəzifəsində çalışan Əkrəm Hayri Üstündağın böyük qardaşıdır. Mühitdin Üstündağ İstanbul Universitetinin Hüquq fakültəsindən məzun olub.[1] O, Mekri və Milas Rayon məhkəmələri və Respublika Prokurorluğunda katib, Bəyoğlu Sancaqda polis məmuru, İstanbul Bələdiyyəsində müfəttiş, Üsküdar Bələdiyyəsində direktoru və müfəttişi, İstanbul Bələdiyyəsində Baş müfəttiş, Daxili İşlər Nazirliyində Təhlükəsizlik üzrə Baş direktor, İstanbul meri, İstanbul valisi və Türkiyə Böyük Millət Məclisinin 7-ci dövr İstanbul millət vəkili vəzifələrində çalışmışdır. Milas rayonunda xidmət edərkən Muhitdin bəy 1912-ci ildə Müşərrəf xanımla evlənir.[2] Onların bu nikahından: Günsəli, Mətin və Mehmed Üstün adlı üç övladları dünyaya gəlir. Həyatının son illərində, həyat yoldaşı Müşərrəfdən ayrıldıqdan sonra Ülviyə adlı xanımla evlənir.[2]
Təhlükəsizlik Müdirliyində Baş direktor vəzifəsində çalışarkən İstanbul valisi təyin edildi. Qısa müddət sonra Xüsusi İdarənin və Bələdiyyənin birləşməsi səbəbindən ona həm də mer vəzifəsi verildi. O, 14 oktyabr 1928-ci ildən 4 dekabr 1938-ci ilə qədər on ildən çox müddətdə vali və mer vəzifələrində çalışıb. Onun vəzifə müddəti Atatürkün islahatlarının həyata keçirilməsi və yekunlaşdırılması dövrünü əhatə etdi.
Muhitdin Üstündağ Şəhər teatrlarını İstanbula gətirdi. O, şəhərin şəhərsalma planının hazırlanmasına da rəhbərlik etmişdi. Atatürk körpüsünün inşasını da Mustafa Üstendağ həyata keçirib. O, Eminönü meydanında genişmiqyasda mülkiyyətlərin müsadirəsinə başladı və nəticədə meydanın yenidən təşkilini həyata keçirdi.
Muhittin Üstündağ həmçinin İstanbulda ibtidai məktəb kampaniyasına başlatan ilk şəxs olub. Bundan əlavə, onun səyi nəticəsində tikilmiş bir neçə yol bu gün də istifadədədir.
Qardaşı Əkrəm Hayri Üstündağ Türkiyə Respublikasının Səhiyyə naziri olub.
- ↑ 1 2 3 "TBMM Albümü 1. Cilt (1920-1950)" (PDF). TBMM Basın ve Halkla İlişkiler Müdürlüğü. 6 Şubat 2016 tarixində arxivləşdirilib (PDF). İstifadə tarixi: 22 Temmuz 2022.
- ↑ 1 2 3 4 "Muhittin Memduh Üstündağ'ın İstanbul Valiliği ve Belediye Reisliği Dönemi (1926-1938)". 18 Eylül 2022 tarixində arxivləşdirilib.