Mühafizəçi (fr. Maryland)[5][6] — 2015-ci ildə rejissor Elis Vinokur tərəfindən çəkilmiş Fransa və Belçika müştərək istehsalı olan neonuar triller filmi. Film evə hücum mövzusundan bəhs edir, baş rolda isə PTSP-dən əziyyət çəkən keçmiş əsgər rolunda Mattias Şonarts çıxış edir.[7]
| Mühafizəçi | |
|---|---|
| fr. Maryland | |
| Janr | dram filmi[1][2] |
| Rejissor | Elis Vinokur |
| Prodüserlər |
|
| Ssenari müəllifləri |
|
| Baş rolda | Jorj Lepantua |
| Bəstəkar | |
| Montajçı | Jülyen Laşeray |
| Distribütor | Netflix, Hulu[d] |
| İlk baxış tarixi | 2015, 16 may 2015 |
| Müddət | 100 dəq |
| Büdcə | 5.2 milyon $[3] |
| Gəlir | 460.997 $[4] |
| Ölkələr | |
| Dil | fransız dili |
| Rəng | rəngli[d] |
| IMDb | ID4085084 |
Film 2015 Kann Kinofestivalının "Müəyyən baxış" (fr. Un Certain Regard) bölməsində müsabiqədən kənar nümayiş etdirilmişdir.[8][9]
Filmin baş qəhrəmanı Vinsent (Mattias Şonarts) Əfqanıstandan qayıtdıqdan sonra posttravmatik stress pozuntusundan (PTSP) əziyyət çəkən keçmiş hərbçidir. O, Fransız Rivyerasında yerləşən "Maryland" adlı dəbdəbəli villada yaşayan varlı bir iş adamının həyat yoldaşını mühafizə etmək üçün işə götürülür. İş adamı şəhərdə olmadığı müddətdə Vinsent villanın təhlükəsizliyinə cavabdehlik daşıyır.
Vinsent daimi narahatlıq, hallüsinasiyalar və kəskin eşitmə qabiliyyəti ilə müşayiət olunan xəstəliyinə görə villada baş verən hər bir xırda hadisəni potensial təhlükə kimi qəbul etməyə başlayır. Əvvəlcə onun şübhələri ətrafdakılar tərəfindən PTSP-nin təzahürü kimi görünsə də, çox keçmədən villaya həqiqətən də silahlı hücumun təşkil olunduğu məlum olur. Vinsent daxili qorxuları ilə mübarizə apararaq villadakıları müdafiə etməli olur.
- Mattias Şonarts — Vinsent (keçmiş əsgər)
- Dayan Kryuqer — Cessi
- Pol Hami — Denis
- Zaid Erruqui-Demonsan — Əli
- Persi Kemp — İmad Valid
- Mikael Dober — Kevin
- Frank Torresilyas — Frank
1 oktyabr 2014-cü ildə Deadline portalı Mattias Şonarts və Dayan Kryuqerin rejissor Elis Vinokurun yeni filmində baş rolları paylaşacaqlarını xəbər vermişdir.[10]
Filmin çəkilişlərinə 15 oktyabr 2014-cü ildə Fransız Rivyerasında başlanılmışdır. Filmdəki hadisələrin böyük hissəsi Antib burnunda yerləşən "Domaine la Dilecta" malikanəsində cərəyan edir. Çimərlik səhnələri Sen-Jan-Kap-Ferradakı "Passable" çimərliyində (fr. Plage de Passable) lentə alınmışdır.[11] Avtomobil təqibi səhnəsi 14 noyabr 2014-cü ildə Kol d'Ez (fr. Col d'Èze) ərazisində çəkilmişdir.[12] Filmin istehsal prosesi 11 dekabr 2014-cü ildə tamamlanmışdır.[13]
Mühafizəçi filminin premyerası 16 may 2015-ci ildə Kann kinofestivalının "Müəyyən baxış" bölməsində baş tutmuş, 30 sentyabr 2015-ci ildə isə Fransa və Belçikada geniş nümayişə çıxarılmışdır. Sundance Selects şirkəti Kann premyerasından üç gün sonra filmin yayım hüquqlarını satın almışdır.[14] Film həmçinin 2015 Toronto Beynəlxalq Film Festivalının "Qala təqdimatları" bölməsində nümayiş etdirilmişdir.[15]
25 iyul 2015-ci ildə filmin treyleri,[16] 30 iyul 2015-ci ildə isə rəsmi afişası təqdim edilmişdir.
Mühafizəçi tənqidçilər tərəfindən əsasən müsbət rəylər almış, xüsusilə Mattias Şonartsın ifası yüksək qiymətləndirilmişdir. Rotten Tomatoes saytında 80 rəy əsasında 73% müsbət reytinq qazanmış və orta hesabla 6.4/10 balla qiymətləndirilmişdir. Saytın tənqidçilərinin müştərək rəyində deyilir: "Yaxşı ifa olunmuş və peşəkarlıqla hazırlanmış Mühafizəçi intellektual və intim psixoloji triller üçün zəmin hazırlayan, səbirlə qurulmuş gərginliyə söykənir."[17] Metacritic saytında film 22 tənqidçinin rəyi əsasında 100-dən 66 bal əldə edərək "əsasən müsbət rəylər" kateqoriyasına daxil olmuşdur.[18]
Variety jurnalının tənqidçisi Qay Loc yazır:[19]
 |
Mühafizəçi, Şonartsın "Öküz başı" (ing. Bullhead) və "Pas və sümük" (ing. Rust and Bone) filmləri ilə ad qazandığı o həssas, lakin qaba personaj tipinə möhtəşəm qayıdışını qeyd edir. İri gövdəli, qısa saçlı və sərt döymələri olan o, orta statistik cazibədar aktyordan daha qorxunc bir simaya sahibdir ki, bu da Vinokurun məqsədlərinə tam müvafiqdir: Əfqanıstan veteranı kimi o, istənilən an həm ətrafındakılara, həm də tamaşaçıya qarşı dönə biləcək bir qəhrəmandır. Posttravmatik stress pozuntusu son dövr kinosunda çox işlənmiş bir mövzu olsa da, Şonarts bunu heyranedici bir sadəliklə, hətta ən adi məişət dialoqlarında belə sinirlərinin tarıma çəkildiyini hiss etdirərək canlandırır. |  |
Empire jurnalından Kim Nyuman filmə 5 ulduzdan 4-nü verərək qeyd etmişdir ki: "Rejissor və ssenarist Elis Vinokurun bu gərgin triller/xarakter təhlili sanki Şantal Akermanın rejissorluq etdiyi bir Daşıyıcı (ing. Transporter) filminə oxşayır. Mattias Şonarts isə hər kölgədə bir şərin olduğunu hiss edən, daxilən qapanmış və paranoid keçmiş əsgər rolunda mükəmməl iş çıxarır…"[20]
| Mükafat / Film Festivalı | Kateqoriya | Namizəd(lər) | Nəticə |
|---|---|---|---|
| Kann kinofestivalı (2015)[8] | Müəyyən baxış mükafatı | Elis Vinokur | Namizəd |
| AFI Fest[21] | Rejissor işinə görə Münsiflər Heyətinin Xüsusi Qeydi | Elis Vinokur | Qazandı |
| Lümyer mükafatı (21-ci mərasim)[22] | Ən yaxşı musiqi | Gesaffelstein | Namizəd |
Gesaffelstein ləqəbi ilə tanınan Mayk Levi bu film üçün tammetrajlı musiqi müşayiəti bəstələmişdir.[23] Filmin saundtreki 24 sentyabr 2015-ci ildə 1000 nüsxəlik məhdud sayda tirajla satışa çıxarılmışdır.[24]
Gesaffelsteinin bəstələri filmdəki gərginliyi və baş qəhrəmanın daxili psixoloji sarsıntılarını vurğulamaq üçün qaranlıq elektron və texno elementlərindən ibarətdir.
Məhdud sayda çıxan vinil versiyasına aşağıdakı bəstələr daxildir:
- Maryland Theme
- Disorder
- Trauma
- Oceans
- Close
- Conspiracy
- Wall
- Ultra-Violence
15 sentyabr 2016-cı ildə Deadline portalı Sony Pictures və Escape Artists şirkətlərinin "Mühafizəçi" filminin Amerika remeykinin ssenarisini yazmaq üçün Teylor Şeridanla razılaşdıqlarını xəbər vermişdir. Remeykin prodüserliyini Todd Blek, Ceyson Blumental, Stiv Tiş və Toni Şounun edəcəyi, Devid Boberin isə studiya adından layihəyə nəzarət edəcəyi bildirilmişdi.[25] Filmin rejissoru kimi isə Ceyms Manqoldun adı açıqlanmışdır.[26]
- ↑ http://www.metacritic.com/movie/disorder.
- ↑ http://www.imdb.com/title/tt4085084/.
- ↑ "Maryland (2015) - JPBox-Office". jpbox-office.com. İstifadə tarixi: 12 mart 2019.
- ↑ "Disorder (2016) - International Box Office Results - Box Office Mojo". www.boxofficemojo.com. İstifadə tarixi: 12 mart 2019.
- ↑ "Maryland" (fransız). Mars Films. 13 iyul 2017 tarixində orijinalından arxivləşdirilib. İstifadə tarixi: 28 iyun 2015.
- ↑ "Maryland (Disorder)" (ingilis). Kann kinofestivalı. İstifadə tarixi: 22 iyun 2015.
- ↑ McNary, Dave. "Cannes: Matthias Schoenaerts' 'Disorder (Maryland)' Bought by Sundance Selects". Variety (ingilis). Penske Business Media. 18 may 2015. İstifadə tarixi: 18 may 2015.
- 1 2 "2015 Official Selection" (ingilis). Kann kinofestivalı. 15 aprel 2015. İstifadə tarixi: 16 aprel 2015.
- ↑ "Screenings Guide" (ingilis). Kann Kinofestivalı. 6 may 2015. 18 may 2015 tarixində orijinalından arxivləşdirilib. İstifadə tarixi: 8 may 2015.
- ↑ Yamato, Jen. "'The Bridge's Diane Kruger Sets Indies 'Maryland' & 'Sky'". Deadline Hollywood. Penske Business Media. 1 oktyabr 2014. İstifadə tarixi: 26 iyul 2015.
- ↑ Rudent, Sylvie. "Diane Kruger et Matthias Schoenaerts tournent à Saint-Jean-Cap-Ferrat". Nice-Matin (fransız). 7 noyabr 2014. İstifadə tarixi: 21 yanvar 2016.
- ↑ Palazon, Ludovic. "Au col d'Eze, Diane Kruger au cœur d'une course-poursuite pour "Maryland"". Nice-Matin (fransız). 14 noyabr 2014. İstifadə tarixi: 21 yanvar 2016.
- ↑ "Fin du tournage de "Maryland" avec Diane Kruger et Matthias Schoenaerts". Destination Ciné (fransız). 15 dekabr 2014. 28 yanvar 2016 tarixində orijinalından arxivləşdirilib. İstifadə tarixi: 21 yanvar 2016.
- ↑ Kilday, Gregg. "Matthias Schoenaerts Starrer 'Maryland (Disorder)' Goes to Sundance Selects". The Hollywood Reporter. Prometheus Global Media. 18 may 2015. İstifadə tarixi: 26 iyul 2015.
- ↑ Punter, Jennie. "Sandra Bullock's 'Our Brand Is Crisis,' Robert Redford's 'Truth' to Premiere at Toronto". Variety. Penske Business Media. 18 avqust 2015. İstifadə tarixi: 18 avqust 2015.
- ↑ Cobain, Shirley. "Maryland (Disorder) (2015) Official Trailer/Bande Annonce HD - Matthias Schoenaerts, Diane Kruger". YouTube. 25 iyul 2015. İstifadə tarixi: 26 iyul 2015.
- ↑ "Disorder (Maryland) (2015)". Rotten Tomatoes. Fandango Media. İstifadə tarixi: 21 dekabr 2022.
- ↑ "Disorder Reviews". Metacritic. CBS Interactive. İstifadə tarixi: 22 avqust 2018.
- ↑ Lodge, Guy. "Cannes Film Review: 'Disorder'". Variety. Penske Business Media. 16 may 2015. İstifadə tarixi: 23 iyun 2016.
- ↑ Newman, Kim. "Disorder Review". Empire. 21 mart 2016. İstifadə tarixi: 23 iyun 2016.
- ↑ Lincoln, Ross A. "Jury And Audience Winners At AFI Fest 2015 Unveiled". Deadline Hollywood. Penske Business Media. 12 noyabr 2015. İstifadə tarixi: 22 avqust 2018.
- ↑ "Prix Lumières 2016 : Trois souvenirs de ma jeunesse et Mustang en tête des nominations". AlloCiné (fransız). Webedia. 4 yanvar 2016. İstifadə tarixi: 22 avqust 2018.
- ↑ McCarthy, Will. "Gesaffelstein's countdown ends with the release of 'Maryland' soundtrack". Dancing Astronaut (ingilis). 11 sentyabr 2015. İstifadə tarixi: 22 yanvar 2016.
- ↑ "Gesaffelstein - Maryland". VF Editions Shop (ingilis). The Vinyl Factory. 28 yanvar 2016 tarixində orijinalından arxivləşdirilib. İstifadə tarixi: 22 yanvar 2016.
- ↑ Fleming, Mike Jr. "'Sicario' Scribe Taylor Sheridan To Script French Remake 'Disorder'". Deadline Hollywood. Penske Business Media. 15 sentyabr 2016. İstifadə tarixi: 21 sentyabr 2016.
- ↑ Giroux, Jack. "James Mangold to Direct Disorder Remake". /Film. 8 iyun 2017. İstifadə tarixi: 12 iyun 2017.
- sodapictures.com/film/disorder/ — rəsmi saytı
- Mühafizəçi — IMDb səhifəsi
- Mühafizəçi (film, 2015) Rotten Tomatoes saytında (ing.)
- Mühafizəçi Metacritic-də