Mübariz Süleymanlı

Mübariz Aslan oğlu Süleymanlı 15 fevral 1962-ci ildə Azərbaycanın Sabirabad rayonunun Qəzli kəndində dünyaya göz açmışdır.^[1][2]

13 dekabr 2023-cü ildə Azərbaycan Dövlət Mədəniyyət və İncəsənət Universitetinin 100 illiyi münasibətilə "Tərəqqi" medalı ilə təltif edilmişdir.^[4]

İbtidai təhsilə 1969-cu ildə başlamış, 1977-ci ildə Qəzli kənd səkkizillik, 1979-cu ildə Quruzma kənd tam orta məktəbini bitirmişdir.^[1][2]

1985-ci ildə Bakı Mədəni-Maarif məktəbini, 1989-cu ildə isə Azərbaycan Dövlət İncəsənət Universitetinin "Mədəni-maarif" fakültəsini fərqlənmə diplomları ilə başa vurmuşdur.^[1][2]

Əmək fəaliyyətinə Azərbaycan Dövlət İncəsənət Universitetində 1989-cu ildə laborant kimi başlayan Mübariz Süleymanlı, sonralar müəllim, baş müəllim, dosent və professor vəzifələrinə qədər ucalıb. Hazırda universitetin "Sosial-mədəni fəaliyyət" kafedrasına rəhbərlik edir.^[1]

O, 2000-ci ildə "M. Ə. Rəsulzadə və Azərbaycan mədəniyyəti" mövzusunda namizədlik dissertasiyasını müvəffəqiyyətlə müdafiə edərək sənətşünaslıq ixtisası üzrə elmi dərəcə almışdır.^[2]

M. Süleymanlı 2001-ci ildən 2009-cu ilə qədər təsisçisi olduğu və AAK-ın qeydiyyatına saldırdığı "Mədəniyyət dünyası" jurnalının baş redaktoru olub. Hazırda AAK-ın qeydiyyatında olan "Simurq" kulturoloji jurnalın baş redaktor müavinidir. "Simurq" Azərbaycan Mədəniyyət Assosiasiyası idarə heyətinin üzvü və Kulturoloqlar Cəmiyyətinin sədr müavinidir.^[1]

2014-cü ildə isə "XX əsrin əvvəllərində Azərbaycan kulturoloji fikri" mövzusunda doktorluq dissertasiyası müdafiə etmişdir.^[1]

O, 2003-cü ildən Azərbaycan Jurnalistlər Birliyinin, 2016-cı ildən isə Azərbaycan Respublikasının Prezidenti yanında AAK-ın "Fəlsəfə, psixologiya və sosiologiya elmləri üzrə ekspert şurası"nın üzvüdür.^[1]

M. Süleymanlı 5 monoqrafiyanın, 5 dərsliyin, 3 metodik vəsaitin, 10-dan çox tədris proqramının və 100-dən çox elmi məqalənin müəllifidir.^[5][6][7][8]

Alimin məhsuldar elmi fəaliyyətinin nəticəsi olan "Əhməd Ağaoğlunun ilk elmi əsəri: Şiə dinində məzdəki inancları", "Əhməd Ağaoğlunun "İslama görə və islamiyyətdə qadın" əsərinə elmi-tənqidi yanaşmalar", "Azərbaycan kulturoloji fikir tarixindən (XX əsrin əvvəlləri)" və "Kulturoloji irsin tədqiqi problemləri (XX əsrin əvvəllərinin mənbələri əsasında)" monoqrafiyaları oxucular və mütəxəssislər tərəfindən yüksək qiymətləndirilir.^[1]

1. ↑ ^{1 2 3 4 5 6 7 8 9} "Alim düşüncəsinin işığında". 1 avqust 2023 tarixində arxivləşdirilib. İstifadə tarixi: 15 fevral 2023.
2. ↑ ^{1 2 3 4 5} "Prof. Dr. Mübariz SÜLEYMANLI". 29 avqust 2019 tarixində arxivləşdirilib. İstifadə tarixi: 15 fevral 2023.
3. ↑ "XX əsrin əvəllərində Azərbaycan kulturoloji fikri: Fəlsəfə üzrə elmlər doktoru elmi dərəcəsi almaq üçün təqdim edilmiş dissertasiyanın AVTOREFERATI" (PDF). 1 avqust 2023 tarixində arxivləşdirilib (PDF). İstifadə tarixi: 15 fevral 2023.
4. ↑ "Azərbaycan Dövlət Mədəniyyət və İncəsənət Universitetinin əməkdaşlarının təltif edilməsi haqqında Azərbaycan Respublikası Prezidentinin Sərəncamı". 13 dekabr 2023 tarixində arxivləşdirilib. İstifadə tarixi: 13 dekabr 2023.
5. ↑ "Kulturoloji irsin tədqiqi problemləri: Monoqrafiya" (PDF). 6 may 2016 tarixində arxivləşdirilib (PDF). İstifadə tarixi: 15 fevral 2023.
6. ↑ ""ŞUŞANIN MƏDƏNİ İRSİ: PROBLEMLƏR VƏ PERSPEKTİVLƏR" ADLI DƏYİRMİ MASA". 7 iyul 2022 tarixində arxivləşdirilib. İstifadə tarixi: 15 fevral 2023.
7. ↑ "ADMİU-DA "TOLERANTLIQ MULTİKULTURALİZMIN TƏMƏLİDİR" MÖVZUSUNDA ELMI SEMİNAR KEÇİRİLİB". 17 noyabr 2016 tarixində arxivləşdirilib. İstifadə tarixi: 15 fevral 2023.
8. ↑ Azərbaycan Milli Kitabxanasının Elektron kataloqunda professor Mübariz Süleymanlının elmi əsərlərinin siyahısı