Mübariz Orucov (tam adı Orucov Mübariz Mənsur oğlu; 27 aprel 1974, Sumqayıt) — Azərbaycanlı sabiq futbolçu. müdafiəçi mövqeyində çıxış etmişdir.
| Mübariz Orucov | ||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Ümumi məlumatlar | ||||||||||||||||||||||||||||||||||||||||
| Doğum tarixi | ||||||||||||||||||||||||||||||||||||||||
| Doğum yeri | Sumqayıt, Azərbaycan SSR | |||||||||||||||||||||||||||||||||||||||
| Vətəndaşlığı |
 SSRİ→ Azərbaycan |
|||||||||||||||||||||||||||||||||||||||
| Boyu | 1.71 | |||||||||||||||||||||||||||||||||||||||
| Mövqeyi | müdafiəçi | |||||||||||||||||||||||||||||||||||||||
| Klub haqqında məlumat | ||||||||||||||||||||||||||||||||||||||||
| Klub | karyerasını bitirib | |||||||||||||||||||||||||||||||||||||||
| Karyerası | ||||||||||||||||||||||||||||||||||||||||
|
||||||||||||||||||||||||||||||||||||||||
|
|
||||||||||||||||||||||||||||||||||||||||
Mübariz Orucov 27 aprel 1974-cü ildə Sumqayıt şəhərində anadan olmuşdur[1].
1991–1995-ci illərdə Azərbaycan Dövlət Bədən Tərbiyəsi və İdman Akademiyasında təhsil almışdır[1].
Mübariz Orucov dövrünün ən istedadlı müdafiəçilərindən biri olmuşdur.
O, peşəkar futbola 1991-ci ildə Sumqayıt "Xəzər"ində başlamışdır.
1997-ci ildə Masallının "Viləş" klubuna keçib; bu komanda ilə Azərbaycan çempionatında bürünc medallara sahib çıxan Mübariz, 1999–2001-ci illər ərzində "Şəmkir"lə ardıcıl iki dəfə Azərbaycan çempionu olub[2].
2001–2006-cı illər ərzində "Qarabağ"ın şərəfini qorumuş və Ağdam təmsilçisi ilə Azərbaycan kubokunu qazanmaqla yanaşı, ölkə çempionatının bürünc medalını da qazanıb[2]. Onun futbolçu kimi sonuncu komandası isə Premyer Liqanın 2006/2008 mövsümündə oynadığı "Karvan" olub[2].
Mübariz Orucov Azərbaycan çempionatlarında ən çox forma geyinən 8-ci futbolçudur[2]. O, milli çempionatda 311 dəfə meydana çıxıb[2].
2001-ci ildə Azərbaycan milli futbol komandasına dəvət olunmuş və 2 oyunda meydana çıxmışdır.
Mübariz Orucov futbolçu karyerasını başa vurduqdan sonra B kateqoriyalı məşqçi kurslarını uğurla başa vuraraq "Qarabağ"da məşqçilik fəaliyyətinə başlayıb. O, Ağdam klubunun U-15 komandasının baş məşqçisi kimi 2009/2010 mövsümünü "Kapital Bank U-15 Liqası"nın çempion kimi tamamlayıb. Onun rəhbərlik etdiyi "Qarabağ"ın U-17 komandası isə 2011/12 mövsümdə gümüş medallara sahib çıxıb[2].
2012-ci ilin yayında "Sumqayıt"ın əvəzedici komandasına məşqçi təyin olunmuşdur[2].
- ↑ 1 2 MÜBARİZ ORUCOV. affa.az (az.)
- ↑ 1 2 3 4 5 6 7 "Doğma şəhərimdə futbolun inkişafı üçün əlimdən gələni etməyə hazıram" Arxivləşdirilib 2020-10-19 at the Wayback Machine. stadium.az, 11.06.2012 (az.)
- Mübariz Orucov National-Football-Teams.com'da