Müəlla ibn Xunəys

Müəlla ibn Xunəys (ərəb. المعلى بن خنيس‎) — Hicri 131-ci ildə vəfat edib. İmam Sadiqin (ə) rəvayətçilərindən və maliyyə vəkillərindən biri olmuşdur. İmamiyyə fəqihləri və Rical alimlərindən Şeyx Tusi, Əhməd ibn Məhəmməd Bərqi və Əllamə Hili onu siqə (etibarlı) hesab etmişlər. Ayətullah Xoinin dediyinə görə, Müəlla 80 rəvayət nəql etmişdir. Onun hədislərinin çoxu birbaşa İmam Sadiqdən (ə) nəql olunmuşdur. İbn Məskan kimi icma əshabından olan ravilər ondan rəvayət nəql ediblər. O, Novruzla bağlı nəql olunan hədislərin ravisidir. O, Abbasilərin əmri ilə hicri 131-ci ildə Mədinədə öldürülmüşdür.

Haqqında

Əbu Abdullah Müəlla ibn Xunəys Bəzzaz Kufi İmam Sadiqin (ə) ravilərindən və səhabələrindən biri idi.^[1] O, həm də altıncı İmamın (ə) qulu[2] və maliyyə vəkili kimi təqdim edilmişdir.^[2] Mənbələrdə Müəlla ibn Xunəysin doğum tarixi qeyd edilməmişdir,^[3] lakin onun paltar satıcısı olduğu bildirilmişdir.^[4] Müəlla hicri 131-ci ildə Abbasi hökumətinin sərkərdələrindən olan Davud ibn Əlinin əmri ilə öldürülmüşdür. İmam Sadiq (ə) Müəllanın öldürülməsindən sonra Davud ibn Əliyə etiraz etmiş və Davud ibn Əlinin tabeliyində olan Müəllanın qatilindən qisas almışdır.^[5]

İstinadlar

Hüseyn Saidi, Müəlla ibn Xunəys, onun şəhadəti, etibarlılığı və nəql zənciri, nəşr tarixi: 2020. 217 səh.

[1] Tusi, Əl-Ğeybə, c.1, s.347

[2] Tusi, Ricalut-Tusi, c.1, s.304; İbn Ğəzairi, Ər-Rical, h.q 1422, s.87

[3] Xoyi, Mucəmu ricalil-hədis, c.19, s.258; Mustafa Təfrişi, Nəqdur-rical, Alul-beyt (ə) müəssisəsi, c.4, s.395

[4] Nəcaşi, Ricalun-Nəcaşi, c.1, s.417

[5] Tusi, Ricalul-Kəşşi, c.1, s.377

[1]

[2]

[3]

[4]

[5]