Mövla ibn Ömər (ərəb. مولى بن عمر; Mədinə – 736[1] və ya 735, Mədinə) və ya Əbu Abdullah ən-Nafi əl-Ədəvi əl-Mədəni — Tabiin nəslinə mənsub hədis alimi[3] və fəqih.
| Mövla ibn Ömər | |
|---|---|
| ərəb. نافع مولى ابن عمر | |
 | |
| Doğum yeri | |
| Vəfat tarixi | 736[1] və ya 735 |
| Vəfat yeri | |
| Elm sahələri | fiqh |
| Tanınmış yetirmələri | Malik ibn Ənəs[1][2] |
Təqribən 651-ci ildə dünya gələn Mövla ibn Ömər, Aişə, Əbu Hüreyrə, Ümmü Sələmə, Rafi ibn Xədic, Əbu Lübabə və başqalarından elm almışdır. Əyyub əs-Sixtiyani, Übeydullah ibn Ömər, İbn Əvn, İbn Cüreyc, Əbu Hənifə, imam Malik, Əvzai, Leys ibn Səd və başqaları ona tələbəlik etmişdir. İmam Buxari, Malik - Nafi - İbn Ömər silsiləsi olan isnadı ən səhih isnad (əsahhul-əsanid) hesab etmişdir. Nafi otuz il Abdullah ibn Ömərə xidmət etmişdir. Buna görə də ona Mövla ibn Ömər (Abdullah ibn Ömərin azad olunmuş köləsi) deyilmişdir.[3]
İmam Malikin dediyinə görə Mövla ibn Ömər ərəb olmadığı üçün tələffüzü qüsurlu olmuşdur. O, rəvayətdəki dil xətalarını aradan qaldırmağı doğru hesab etməmiş, "mən deşitdiyim kimi nəql edirəm" demişdir.[4] Onun rəvayətlərinə Altı kitab başda olmaqla bütün hədis kitablarında yer verilmişdir. Bütün hədis alimləri tərəfindən siqa qəbul edilən Mövla ibn Ömərə qarşı həm avropalı şərqşünaslar,[5] həm də İslam alimləri tərəfindən müəyyən iddialar irəli sürülsə də bu iddialar elm əhli tərəfindən əsassız qəbul edilərək tənqid edilmişdir.[6]
- ↑ 1 2 3 Али-заде А. Нафи ибн Хурмуз (rus.). // Исламский энциклопедический словарь Москва: Ансар, 2007. С. 616.
- ↑ Али-заде А. Малик ибн Анас (rus.). // Исламский энциклопедический словарь Москва: Ансар, 2007.
- ↑ 1 2 Əbu Hənifə Numan ibn Sabit, Tərcümə və şərh edən: Fizuli Hüsiyev. əl-Fiqhul-Əkbər (az.). Bakı: İpəkyolu Nəşriyyatı. 2014. 27. ISBN 978-9952-8221-7-5.
- ↑ İbn Əsakir. Tarixu Dəməşq, cild LXI (ərəb). 437.
- ↑ J. Schacht. The Origins of Muhammadan Jurisprudence (eng). Oksford. 1950.
- ↑ Zəhəbi. Aləmun-nubəla, cild V (ərəb). 101.