Louder, Please (tərc. "Daha ucadan, lütfən") — İngiltərə müğənnisi Rouz Qreyin 17 yanvar 2025-ci ildə "PIAS Recordings" leyblının təqdimatında işıq üzü görən debüt studiya albomu. Albomun hazırlanmasında Aleks Metrik, Seqa Bodeqa, Raylend Blekinton, Von Oliver və Şon Vasabi kimi prodüserlər yaxından iştirakçılıq edib. Layihə 2024-cü ilin ikinci yarısında beş sinqlla tanıdılıb. İyuldan dekabradək "Free", "Angel of Satisfaction", "Switch", "Wet & Wild" və "Party People" mahnıları dinləyicilərə təqdim olunub.
| Louder, Please | |||||||
|---|---|---|---|---|---|---|---|
 | |||||||
| Rouz Qrey[ing.] tərəfindən ifa olunmuş studiya albomu | |||||||
| Yayımlanma tarixi | 17 yanvar 2025 | ||||||
| Janr | dans-pop | ||||||
| Müddət | 41:26 | ||||||
| Leybl | PIAS[ing.] | ||||||
| Rouz Qrey[ing.] albomlarının xronologiyası | |||||||
|
|||||||
|
|||||||
"Louder, Please" albomunun yazılması iki il çəkib, daha sonra altı ay ərzində studiyada işlənib və yekun halına gətirilib.[1]
Albomdan ilk mahnı "Free" 2024-cü il iyulun 10-da dinləyicilərə təqdim olunub.[2] Avqustun 14-də növbəti sinql "Angel of Satisfaction" yayımlanıb.[3] Sentyabrın 18-də R. Qrey albomun "Louder, Please" adlandığını bəyan edib və eyni gün üçüncü mahnı "Switch"i paylaşıb.[4] Noyabrın 7-də "Wet & Wild" adlı dördüncü sinql buraxılıb.[5] İlin son günü, dekabrın 31-də "Party People" albomun beşinci və sonuncu mahnısı kimi çıxıb.[6] "NME" mətbu orqanı "Louder, Please" albomunu 2025-ci ildə ən çox gözlənilən buraxılışlar arasında göstərib.[7] "PIAS Recordings" 2025-ci il yanvarın 17-də albomu rəsmi olaraq təqdim edib.
Genişləndirilmiş buraxılış "A Little Louder, Please" adı ilə 2025-ci il oktyabrın 24-də çıxıb. Xəbəri verərkən R. Qrey "April" sinqlını da yayımlayıb. İki yeni mahnıdan əlavə, bu buraxılışda Melani Si, Ceyd, Şayqörl və Keysi Emkyu ilə birgə hazırlanmış kompozisiyalar yer alıb. "A Little Louder, Please" həmçinin albomdan seçilmiş mahnıların yenidən işlənmiş və klub versiyalarını ehtiva edib.[8]
| İcmallar | |
|---|---|
| Ümumi qiymət | |
| Mənbə | Reytinq |
| Metacritic | 77/100[9] |
| Any Decent Music? | 7.2/10[10] |
| Tənqidçilərin qiyməti | |
| Mənbə | Reytinq |
| Clash | 7/10[11] |
| Dork |   [12] |
| The Guardian | [13] |
| NME | [14] |
| Pitchfork | 6.7/10[15] |
"Louder, Please" albomu musiqi ekspertlərindən olduqca müsbət qiymətlər alıb. Müxtəlif mənbələrdən gələn rəyləri vahid şkala üzərində toplayan "Metacritic" veb-saytı 5 tənqidçinin fikrini ümumiləşdirərək alboma 100 üzərindən 77 bal verib. Sayt bunu "ümumi razılıq ifadə edən rəylər" kimi təsnif edib. "AnyDecentMusic?" adlı resurs da 7 ayrı mənbədən götürdüyü qiymətləndirmələri birləşdirərək əsərə 10 ballıq sistemdə 7.2 xal təyin edib.
"Dork" jurnalında Martin Yanq albomu "2025-ci ilin bütün partilərində lazım olacaq baş, bədən və ruh üçün səs səfəri" kimi təsvir edib. "The Guardian" yazarı Maykl Kreqq əsərin mərkəzində həzz və əyləncə axtarışının dayandığını deyib, "qəlbə toxunan dans-pop himnlərini" xüsusi vurğulayıb. "Rolling Stone UK" albomu həftənin ən uğurlu işləri sırasına salıb. Jurnalın komandası R. Qreyin "rəqs musiqisində ən maraq doğuran yeni səslərdən biri olaraq özünü sübut etdiyini" və bu işin "ilin əsas dans (janr) albomlarından birinə çevrilə biləcəyini" yazıb.[16] "Exclaim!" nəşrindən Sidni Brazil qeyd edib ki, R. Qrey "rəqs meydançasına öz xüsusi toxunuşunu gətirir" və albomda canql ilə haus musiqisinin əlamətləri var.[17] "NME" mütəxəssisi Rişi Şah mahnıların melodiyalarını bəyənərək bildirirb ki, R. Qreyin keçmiş minialbomlarında işlətdiyi haus və reyv-pop üslubları "Louder, Please" albomunda "daha da dərinə, anderqraund tərəfə gedir". "Clash" jurnalından Eymi Filips yazısını belə bitirib ki, albom "yeni bir şey icad etmir", amma "rəqs meydançasının mahiyyətini tam səmimiyyətlə göstərir".
| Nəşr | Siyahının adı | Sıra | Şablon:Ref. |
|---|---|---|---|
| Coup de Main | 2025-ci ilin ən yaxşı albomları | 10 | [18] |
| Dork | 2025-ci ilin albomları | 11 | [19] |
| Elle | 2025-ci ilin ən yaxşı albomları | — | [20] |
| The Forty-Five | 2025-ci ilin ən yaxşı 45 albomu | 15 | [21] |
| NME | 2025-ci ilin 50 ən yaxşı albomu | 47 | [22] |
| Vogue | 2025-ci ilə aid 45 ən yaxşı albom | — | [23] |
| № | Başlıq | Müddət |
|---|---|---|
| 1. | "Damn" | 2:25 |
| 2. | "Free" | 3:11 |
| 3. | "Wet & Wild" | 3:02 |
| 4. | "Just Two" | 3:22 |
| 5. | "Tectonic" | 3:16 |
| 6. | "Party People" | 3:14 |
| 7. | "Angel of Satisfaction" | 3:31 |
| 8. | "Switch" | 3:00 |
| 9. | "Hackney Wick" | 3:50 |
| 10. | "First" | 3:08 |
| 11. | "Everything Changes (But I Won't)" | 3:51 |
| 12. | "Louder, Please" | 5:30 |
| 41:26 | ||
- ↑ Hess, Liam. "Is Rose Gray the Next Big British Pop Star?". Vogue. 19 sentyabr 2024. İstifadə tarixi: 23 yanvar 2025.
- ↑ Newton, Felicity. "Rose Gray ushers in her debut album era with euphoric new single 'Free'". Dork. 11 iyul 2024. İstifadə tarixi: 23 yanvar 2025.
- ↑ Murray, Robin. "Rose Gray Shares New Single 'Angel Of Satisfaction'". Clash. 14 avqust 2024. İstifadə tarixi: 23 yanvar 2025.
- ↑ Pappis, Konstantinos. "Rose Gray Announces Debut Album, Shares New Single 'Switch'". Our Culture Mag. 19 sentyabr 2024. İstifadə tarixi: 23 yanvar 2025.
- ↑ "Rose Gray has shared her new single 'Wet & Wild', about a crazy night in New York". Dork. 7 noyabr 2024. İstifadə tarixi: 23 yanvar 2025.
- ↑ Kelly, Tyler Damara. "Rose Gray unveils new single, "Party People"". The Line of Best Fit. 2 yanvar 2025. İstifadə tarixi: 23 yanvar 2025.
- ↑ "NME's most anticipated album releases of 2025". NME. 8 yanvar 2025. İstifadə tarixi: 23 yanvar 2025.
- ↑ "Rose Gray has shared her new single 'April' from the deluxe edition of 'A Little Louder, Please'". Dork. İstifadə tarixi: 2 oktyabr 2025.
- ↑ "Louder, Please by Rose Gray Reviews and Tracks". Metacritic. İstifadə tarixi: 25 yanvar 2025.
- ↑ "Louder, Please by Rose Gray reviews". AnyDecentMusic?. İstifadə tarixi: 24 yanvar 2025.
- ↑ Philips, Aimee. "Rose Gray – Louder, Please". Clash. İstifadə tarixi: 23 yanvar 2025.
- ↑ Young, Martyn. "Rose Gray – Louder, Please". Dork. 15 yanvar 2025. İstifadə tarixi: 23 yanvar 2025.
- ↑ Cragg, Michael. "Rose Gray: Louder, Please review – escapist dance-pop fizzes with inventiveness". The Guardian. 17 yanvar 2025. İstifadə tarixi: 23 yanvar 2025.
- ↑ Shah, Rishi. "Rose Gray – 'Louder, Please' review: transcendence and escapism from London's underground raves". NME. 15 yanvar 2025. İstifadə tarixi: 23 yanvar 2025.
- ↑ Shah, Rishi. "Rose Gray – Louder, Please". Pitchfork. 4 fevral 2025. İstifadə tarixi: 2 mart 2025.
- ↑ "6 albums you need to hear this week". Rolling Stone UK. 17 yanvar 2025. İstifadə tarixi: 23 yanvar 2025.
- ↑ Brasil, Sydney. "Rose Gray Bets on Herself as the Next Big Pop Girl with 'Louder, Please'". Exclaim!. 20 yanvar 2025. İstifadə tarixi: 23 yanvar 2025.
- ↑ "The best albums of 2025". Coup de Main. 3 dekabr 2025. 23 dekabr 2025 tarixində arxivləşdirilib. İstifadə tarixi: 3 dekabr 2025.
- ↑ "Dork's albums of the year 2025: 20-11". Dork. 5 dekabr 2025. 23 dekabr 2025 tarixində arxivləşdirilib. İstifadə tarixi: 5 dekabr 2025.
- ↑ Maude, Samuel. "The best albums of 2025 might prove your Spotify listening age wrong". Elle. 22 dekabr 2025. 23 dekabr 2025 tarixində arxivləşdirilib. İstifadə tarixi: 23 dekabr 2025.
- ↑ Ling, Geena; Gunn, Charlotte. "The 45 best albums of 2025 – as voted by the Forty-Five". The Forty-Five. 3 dekabr 2025. 3 dekabr 2025 tarixində arxivləşdirilib. İstifadə tarixi: 5 dekabr 2025.
- ↑ Gwee, Karen. "The 50 best albums of 2025". NME. 5 dekabr 2025. 5 dekabr 2025 tarixində arxivləşdirilib. İstifadə tarixi: 5 dekabr 2025.
- ↑ "The 45 best albums of 2025". Vogue. 17 dekabr 2025. 18 dekabr 2025 tarixində arxivləşdirilib. İstifadə tarixi: 18 dekabr 2025.