Lotus 1–2-3 – Lotus Software şirkəti tərəfindən işlənib hazırlanmış cədvəl prosessoru. 1–2-3 adlandırılmasına səbəb onun 3 elementi: cədvəlləri, qrafikləri və verilənlər bazasının əsas funksional imkanlarını özündə birləşdirməsi idi.
İlk versiyası 26 yanvar 1983-cü ildə təqdim olunub və bir il ərzində satış həcminə görə ən populyar cədvəl proqramı olan VisiCalc proqramını ötüb keçib. Populyarlığının başlıca səbəbi səhvsiz və yüksək sürətlə işləməsi olub. Lotus şirkəti 1995-ci ildə IBM tərəfindən alınıb. Bundan sonra Lotus 1–2-3 proqramı Lotus Smart Suite ofis paketinin bir hissəsi kimi inkişaf edib. Rəqibi olan Microsoft Excel proqramı tərəfindən yavaş-yavaş bazardan sıxışdırılıb çıxarılıb.
- İsmayıl Calallı (Sadıqov), "İnformatika terminlərinin izahlı lüğəti", 2017, "Bakı" nəşriyyatı, 996 s.