Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinLola Emili Meri Yanq (4 yanvar 2001[1], Kroydon, Böyük London[2]) — İngiltərə müğənnisi. 2024-cü ildə yayımladığı "Messy" (tərc. "Dağınıq") sinqlı "UK Singles Chart"da birinci yerə çatıb. Müğənni 2024-cü ildə "This Wasn't Meant for You Anyway" (tərc. "Bu elə də sənə ünvanlanmamışdı") və 2025-ci ildə "I'm Only F**king Myself" (tərc. "Özümü məhvə sürükləyirəm") adlı studiya albomları daxil olmaqla üç albom buraxıb.
| Lola Yanq | |
|---|---|
 | |
| Ümumi məlumatlar | |
| Doğum tarixi | 4 yanvar 2001[1] (24 yaş) |
| Doğum yeri | |
| Musiqiçi məlumatları | |
| Fəaliyyəti | müğənni, musiqiçi, gitaraçı, müğənni-bəstəkar, pianoçu, multi-instrumentalist[d] |
| Fəaliyyət illəri | 2019-cu ildən |
| Albom şirkəti | Island Records |
| Təhsili |
|
| lola-young.com | |
 Vikianbarda əlaqəli mediafayllar | |
L. Yanq 2021-ci ildə "Brit" mükafatının "Yüksələn ulduz" nominasiyasına, 2025-ci ildə "Ən yaxşı pop ifaçı" nominasiyasına namizəd olub və 2022-ci ildə BBC-nin "İlin səsi" sorğusunda dördüncü yeri tutub. 2025-ci ildə "Ayvor Novello" mükafatına layiq görülüb.[3]
Lola Emili Yanq London şəhərinin Bekenhem bölgəsində yamaykalı-çinli ata və ingilis anadan doğulub.[4] İbtidai təhsilini Bekenhemdə Balqovan məktəbində alıb. Orta təhsilini Kinqsdeyl Təməl Məktəbində davam etdirib. Sonra musiqi və səhnə sənəti üzrə ixtisaslaşmış Kroydon şəhərindəki BRIT Məktəbinə daxil olub.[5][6] Musiqiyə marağının formalaşmasında ailə mühiti mühüm rol oynayıb. Ögey atası professional bas-gitara ifaçısı olub. Anası da onun musiqi təhsilinə xüsusi diqqət yetirib. Qoca xala/bibisi, məşhur uşaq yazıçısı Culiya Donaldson "Qruffalo" kitabının müəllifidir.[7][8] Yaradıcılığının inkişafında qoca xala/bibisinin də təsiri olub. Altı yaşından piano və gitara çalmağı öyrənməyə başlayıb, eyni zamanda vokal dərsləri alıb. On bir yaşında artıq müstəqil mahnı bəstələməyə başlayıb.
On yeddi yaşında ona şizoaffektiv pozuntu və DÇHP diaqnozları qoyulub.[9] Səs telləri kistlərindən əziyyət çəkməsi vokal ifalarına təsir edib, bu səbəbdən konsertlərinin bir qismi təxirə salınıb.[10] 2025-ci ildə biseksual olduğunu bəyan edib.[11] 2024-cü ilin sonunda kokain asılılığından müalicə almaq üçün reabilitasiya mərkəzinə yerləşdirilib.[12]
Studiya albomları
- My Mind Wanders and Sometimes Leaves Completely (2023)
- This Wasn't Meant for You Anyway (2024)
- I'm Only F**king Myself (2025)
- ↑ 1 2 https://www.allmusic.com/artist/lola-young-mn0003886373.
- ↑ 1 2 Daly R. Lola Young: the distinctly south London star breaking America (ing.). 2024.
- ↑ "Ivor Novello Awards: Charli XCX wins songwriter of the year". www.bbc.com (ingilis). 22 may 2025. İstifadə tarixi: 6 iyun 2025.
- ↑ Mukhtar, Amel. "Introducing Lola Young, The Singer Behind The New John Lewis Christmas Ad". British Vogue. 5 noyabr 2021.
- ↑ Annunzio, Gianna. "Lola Young's New Album Wasn't Meant for You Anyway". Sixtysix (ingilis). 28 fevral 2025. İstifadə tarixi: 5 avqust 2025.
- ↑ "Lola Young". First Avenue (ingilis). İstifadə tarixi: 5 avqust 2025.
- ↑ "What The Lola Young Backlash Tells Us About How We Treat Successful Women". 25 mart 2025.
- ↑ Halls, Eleanor. "'I try to see it as a superpower': pop star Lola Young on being schizoaffective". The Daily Telegraph (ingilis). 19 fevral 2022. ISSN 0307-1235. 19 fevral 2022 tarixində arxivləşdirilib. İstifadə tarixi: 31 may 2024.
- ↑ iHeartRadio. Lola Young On How Her ADHD Diagnosis Changed Her Life (YouTube Video). Interviewed by Curl, Emily. 18 fevral 2025. İstifadə tarixi: 21 sentyabr 2025.
- ↑ "Lola Young". First Avenue (ingilis). İstifadə tarixi: 10 yanvar 2025.
- ↑ "26 celebs who came out in 2025 (so far)". www.out.com (ingilis). İstifadə tarixi: 4 iyun 2025.
- ↑ D'Souza, Shaad. "'Addiction teaches you a lot': breakout pop star Lola Young on sex, substances and self-loathing". The Guardian (ingilis). 12 sentyabr 2025. ISSN 0261-3077. İstifadə tarixi: 30 sentyabr 2025.
- lola-young.com — rəsmi saytı
- Lola Yanq — IMDb səhifəsi