Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinLoki – Marvel Comics nəşriyyatı tərəfindən 1962-cü ildə yaradılmış komiks personajı. Yaradıcıları Sten Li, Larri Liber və Cek Körbidir. Personajın ilkin versiyası 1949-cu ildə "Venus" komiksində görünmüşdür. Müasir versiyası isə 1962-ci ildə "Journey into Mystery" komiksinin 85-ci sayında peyda olmuşdur. Loki ögey qardaşı və superqəhrəman olan Torun əsas düşmənlərindən biridir. Personaj Skandinaviya mifologiyasında eyniadlı personaj əsasında yaradılmışdır və antiqəhrəman kimi təsvir olunur.
| Loki | |
|---|---|
| ing. Loki | |
 Loki "Thor: First Thunder" I Cild, #2 nəşrinin (dekabr, 2010) üz qabığında. Rəssam: Cey Anakleto | |
| Nəşriyyat |
 Marvel Comics |
| Yayım tarixi |
Tarixi: Venus #6 (avqust 1949) Müasir: Journey into Mystery #85 (oktyabr 1962) |
| Yaradıcı(lar) |
Sten Li Larri Liber Cek Körbi |
| Xüsusiyyətlər | |
| Əsl adı | Loki Lafeyson |
| Doğum yeri | Yotunhaym |
| Cinsiyyəti | kişi |
| Boyu | 193 sm |
| Çəkisi | 238 kq |
| Göz rəngi | yaşıl |
| Saç rəngi | qara |
| Növü | Yotun (Buz nəhəngi) |
| Komiks bioqrafiyası | |
| Kainat | Earth-616 |
| Üzvlükləri |
İntiqam hərəkatı[ing.] Heyranedici Qisasçılar[ing.] İntriqaçılar[ing.] Gənc Qisasçılar[ing.] |
| Yaxınları | Odin (ögey atası), Tor (ögey qardaşı) |
| Düşmənləri | Tor, Dəmir adam, Şahingöz, Qisasçılar |
| Ləqəbləri | Loki Odinson, Sekkure, İkol |
| Gücləri | manipulyasiya və hiylə ustası, uzunömürlülük, supergüc, superdayanıqlılıq, telepatiya, uçmaq, ölçülərarası teleportasiya, illüziya, görünüşünü dəyişmək, hipnoz, yuxugörən |
Loki IGN tərəfindən "Bütün dövrlərin ən böyük supercinayətkarları" siyahısında 2009-cu 8-ci yerdə,[1] 2014-cü ildə 4-cü yerdə göstərilmişdir.[2]
Loki personajı Marvel Kinematoqrafiya Kainatında Tom Hiddlston tərəfindən canlandırılmışdır: "Tor" (2011), "Qisasçılar" (2012), "Tor 2: Zülmət aləmi" (2013), "Tor: Raqnarök" (2017), "Qisasçılar: Sonsuzluq savaşı" (2018) və başlıqsız Qisasçılar filmi.
Loki ilk dəfə "Venus" komiksinin 6-cı buraxılışında (avqust 1949) görünmüşdür. Loki Yeraltı dünyaya sürgün edilmiş yunan tanrılarından biri kimi təsvir olunmuş və şeytanı təcəssüm etmişdir. Loki Yupiterdən Yerə gedib nifrət səpələmək üçün icazə istəmişdir.
Lokinin müasir versiyası isə ilk dəfə "Journey into Mystery" komiksinin 85-ci buraxılışında (oktyabr 1962) debüt etmişdir. Burada Loki Torun əzəli düşməni kimi təqdim edilmişdir. Müasir Lokinin yaradıcıları Sten Li, Cek Körbi və Larri Liberdir.
Torun əzəli düşməni olduğundan tez-tez Tor komikslərində peyda olur. Bundan əlavə, personaj Qisasçılar, İks-adamlar,[3] Müdafiəçilər və Hörümçək-adam komikslərində də görünmüşdür. 2004-2010-cu illərdə buraxılmış "Loki" komiks seriyasının baş qəhrəmanı olmuşdur.[4][5][6]
Uzun illər bundan öncə Asqard hökmdarı Bor buz nəhənglərinə qarşı döyüşərkən yaralanmış bir buz nəhənginin dalınca düşür, lakin qəflətən qarşılaşdığı sehrbaz tərəfindən qara döndərilir. Borun oğlu Odin atasını tapır və Bor oğlundan sehrbazı tapıb onu azad etməsini istəyir. Lakin Odin atasını xilas etmək üçün heç bir cəhd göstərmir. Bor Odini lənətləyir: o, ölmüş kralın oğlunu götürəcək və onu öz oğlu kimi böyüdəcək. Heç bir həftə keçməmiş asqardlılara başçılıq edən Odin şəxsi döyüşdə Laufeyi öldürür. Laufeyi öldürdükdən sonra Odin buz nəhənglərinin əsas qalasında gizlədilmiş asqardlı ölçüsündə olan uşaq tapır. Tapdığı uşaq Loki idi: Laufey onu kiçik ölçüsünə görə xalqından gizlədirdi. Odin ona yazığı gəldiyi və atası Laufey döyüşdə layiqli rəqib olduğuna görə Lokini övladlığa götürür və onu bioloji oğlu Torla birlikdə böyüdür.[7]
Uşaqlığı və yeniyetməliyi boyunca Loki Torla arasındakı fərqlərə görə asqardlıların ona göstərdiyi münasibətə öyrəşir. Asqardlılar hər şeydən öncə döyüşdə gücə, əzmə və cəsarətə dəyər verirdilər və Loki bu keyfiyyətlərinə görə qardaşından geri qalırdı. Ölçü və gücə görə geri qalsa da, bir sehrbaz kimi özünü inkişaf etdirir. Loki böyüyəndə onun gücləri də mənfiyə doğru yönəlir və "Yalan və hiylə tanrısı" ləqəbini qazanır. Sonda isə Loki intiqam və gücə həris birinə çevrilir. Tordan xilas etmək üçün bir çox hiylələrdən istifadə edir. Getdikcə statusu böyüyür və "Şər tanrısı" ləqəbini qazanır. Əsrlər boyunca Loki Asqardın hakimiyyətini ələ keçirməyə Toru məhv etməyə çalışır. Bu məqsədlə hətta dəfələrdə Asqardın düşmənlərinə kömək edir.
- Loki "Halk Tora qarşı" video filmində görünmüş və Qraham Maktaviş tərəfindən səsləndirilmişdir.[8]
- Lokinin yeniyetmə versiyası "Tor: Asqard nağılları" video filmində peyda olmuş və Rik Qomez tərəfindən səsləndirilmişdir.[9]
- Loki personajını Marvel Kinematoqrafiya Kainatında Tom Hiddlston tərəfindən canlandırılmışdır: "Tor" (2011), "Qisasçılar" (2012), "Tor 2: Zülmət aləmi" (2013), "Tor: Raqnarök" (2017), "Qisasçılar: Sonsuzluq savaşı" (2018) və başlıqsız Qisasçılar filmi.[10][11][12][13][14] Hiddlston "Qisasçılar: Altron dövrü" filminin çəkilişlərində iştirak etsə də, səhnələri kəsilmişdir.[15]
- ↑ "Loki is number 8". IGN. 2 dekabr 2012 tarixində arxivləşdirilib. İstifadə tarixi: 5 dekabr 2012.
- ↑ Loki is number 4 Arxivləşdirilib 2012-12-02 at the Wayback Machine, IGN.
- ↑ X-Men and Alpha Flight No. 1 (December 1985)
- ↑ Mayerson, Ginger, Poonsombat, Nirut. "Interview: Esad Ribić". The Journal of the Lincoln Heights Literary Society Miscellanea and Ephemeron. 9 noyabr 2004. 2 may 2010 tarixində arxivləşdirilib. İstifadə tarixi: 31 iyul 2010.
- ↑ Richards, Dave. "Aguirre-Sacasa Gets Mischievous With "Loki"". Comic Book Resources. 13 iyul 2010. İstifadə tarixi: 31 iyul 2010.
- ↑ Ching, Albert. "AGUIRRE-SACASA Details LOKI's Origin in October". Newsarama. 13 iyul 2010. 16 iyul 2010 tarixində arxivləşdirilib. İstifadə tarixi: 27 sentyabr 2010.
- ↑ Thor Vol 3 #7-8 (May, June 2008)
- ↑ Mel Valentin. "Movie Review - Hulk Vs". efilmcritic.com. 28 yanvar 2009. 14 sentyabr 2012 tarixində orijinalından arxivləşdirilib. İstifadə tarixi: 8 sentyabr 2010.
- ↑ "New Thor: Tales of Asgard Movie Clip". Marvel.com. 8 aprel 2011. 14 aprel 2011 tarixində arxivləşdirilib. İstifadə tarixi: 9 aprel 2011.
- ↑ "Marvel Studios Update: Loki Officially Cast in 2011 Thor Movie". Marvel Comics. 18 may 2009. 12 mart 2010 tarixində arxivləşdirilib. İstifadə tarixi: 19 may 2009.
- ↑ "Profile on Marvel Studios with Big Updates from Kevin Feige". Firstshowing.net. 7 iyun 2009. 25 noyabr 2010 tarixində arxivləşdirilib. İstifadə tarixi: 28 dekabr 2010.
- ↑ "Kevin Feige THOR 2, IRON MAN 3, AVENGERS Sequel Interview". Collider. 16 iyul 2020 tarixində arxivləşdirilib. İstifadə tarixi: 1 mart 2015.
- ↑ McLean, Craig. "Idris Elba interview: Marvel movies are 'torture'". The Daily Telegraph. 2 noyabr 2014. 2 noyabr 2014 tarixində arxivləşdirilib. İstifadə tarixi: 2 noyabr 2014.
- ↑ Babbage, Rachel. "Loki to appear in Thor: Ragnarok and both parts of Avengers: Infinity War". Digital Spy. 1 noyabr 2014.[ölü keçid]
- ↑ "Joss Whedon Explains Why There's No Loki In 'Avengers: Age Of Ultron'". MTV News. 2 may 2015 tarixində arxivləşdirilib. İstifadə tarixi: 18 dekabr 2017.
- Loki Marvel.com-da