Lixtenşteyn Sədaqət Assosiasiyası (alm. Heimattreue Vereinigung Liechtenstein, HVL) — İkinci Dünya müharibəsi zamanı Lixtenşteyndə qeyri-partiya təşkilatı. Təşkilat Lixtenşteyndə Alman Milli Hərəkatına (VBDL) qarşı çıxmaq və Lixtenşteynin müstəqilliyini qorumaq məqsədi ilə yaradılmışdır.
| Lixtenşteyn Sədaqət Assosiasiyası | |
|---|---|
| Yaranma tarixi | 24 yanvar 1939 |
| Ləğvolma tarixi | 1945 |
| Mərkəzi | |
Assosiasiya 24 yanvar 1939-cu ildə sahibkar Emanuel Konradın rəhbərliyi ilə 21 nəfərlik qrup tərəfindən təsis edilmişdir. Bu qrup Lixtenşteyndə Alman Milli Hərəkatının nasist fəaliyyətlərinə qarşı çıxmaq üçün təşkilat komitəsi yaratmışdır.[1]
24 mart 1939-cu ildə VBDL-nin çevriliş cəhdindən sonra assosasiya Lixtenşteynin müstəqilliyini yenidən təsdiqləmək, knyaz II Frans İosifə sədaqət və ölkənin İsveçrə ilə siyasi-iqtisadi bağlılığını davam etdirmək üçün imza kampaniyası başlatmışdır.[1][2] Bu kampaniyaya Lixtenşteyndə 2492 nəfər qoşulmuşdur. 1940-cı ilin iyul ayından etibarən Riçard Meyerin rəhbərliyi altında fəaliyyət göstərən assosasiya Alfons Qopun rəhbərliyi ilə yenidən formalaşan VBDL-nin fəaliyyətlərinə qarşı ayıq-sayıq mövqe tutmuşdur.[1]
Təşkilat 1945-ci ildə nasist Almaniyasından təhlükə aradan qalxdıqdan və VBDL ləğv edildikdən sonra səssizcə buraxılmışdır.[3]
- ↑ 1 2 3 Marxer, Wilfried. "Heimattreue Vereinigung Liechtenstein". Historisches Lexikon des Fürstentums Liechtenstein (alman). 31 December 2011. İstifadə tarixi: 17 November 2023.
- ↑ Büchel, Donat. "Anschlussputsch". Historisches Lexikon des Fürstentums Liechtenstein (alman). 31 December 2011. İstifadə tarixi: 14 November 2023.
- ↑ Peter Geiger. Kriegszeit. Liechtenstein 1939 bis 1945 (alman). Vaduz: Liechtenstein Institute. 2010. 846.