Livan şahini

"Livan şahini" (ərəb. هلا يا صقر لبنان‎) — ərəb dünyasında "Hizbullah" lideri Həsən Nəsrullah haqqında məşhur mahnı. Mahnı 2006-cı il İsrail–Livan müharibəsinin gedişində az tanınan Fələstin qrupu "Firkət əl-Şimal" tərəfindən yazılmışdır. Mahnının sözləri bir neçə sadə qafiyənin davamlı təkrarlanmasından ibarətdir: «Ey, sən, Livanın qartalı. Ey, sən, Nəsrullah. Sənin adamların Hizbullahdandır və Allahın köməyi ilə zəfər sənin olacaq». Baş ifaçı və menecer Əla Əbu əl-Haycə, bildirmişdir ki, o, dinləyicilərə eşitmək istədiklərini təqdim edir: «Mən görürəm ki, insanlar islama yönəlir, ona görə də mən buna uyğun mahnı oxumalıyam».^[1]