Lionel Zinsu (23 oktyabr 1954[1], Paris) — fransız–beninli iqtisadçı və investisiya bankiri, Beninin keçmiş Baş naziri (2015–2016), mərkəz-sol yönümlü Fransız beyin mərkəzi olan Terra Novanın prezidenti (2017-ci ildən).
| Lionel Zinsu | |
|---|---|
 | |
  | |
| 18 iyun 2015 – 6 aprel 2016 | |
| Əvvəlki | Paskal Kupaki[d] |
| Sonrakı | vəzifə ləğv edilib |
| Şəxsi məlumatlar | |
| Doğum tarixi | 23 oktyabr 1954[1] (71 yaş) |
| Doğum yeri | |
| Partiya | |
| Təhsili | |
| Fəaliyyəti | iqtisadçı, bankir, siyasətçi, nazir |
 Vikianbarda əlaqəli mediafayllar | |
Zinsunun atası Benində, o vaxtlar Dahomeya kimi tanınan ərazidə anadan olub. Parisdə doğulan Zinsun özü isə 1968–1969-cu illərdə Dahomeya Respublikasının prezidenti olmuş Emil Derlin Zinsunun qardaşı oğludur.[2] O, London İqtisadiyyat Məktəbinin məzunudur.
Zinsu fransız sosialist siyasətçi Loran Fabius ilə yaxın əlaqələr qurmuş və 1980-ci illərin ortalarında, Fabius hökumətdə olduğu dövrdə onun rəhbərliyi altında çalışmışdır.[2]
Zinsu2008-ci ildə PAI Partners investisiya fonduna qoşulmazdan əvvəl Rotşildlər bankında tərəfdaş olub. O, həmçinin 2006–2011-ci illərdə Benin pezidenti Yayi Boninin xüsusi müşaviri vəzifəsində çalışmışdır.[2] 2013-cü ildə onun "Zinsu" Fondu Beninin Uida şəhərində Cənubi Afrikadan kənarda, Saharaaltı Afrikada ilk müasir incəsənət muzeyini açmışdır.[3]
18 iyun 2015-ci ildə Prezident Yayi Boni 27 nəfərlik hökumətlə birlikdə Zinsunu Beninin Baş naziri təyin edərək ona iqtisadi inkişaf sahəsinə məsuliyyət vermişdir.[4] Baş nazir vəzifəsi 1990-cı il Konstitusiyasında nəzərdə tutulmur və Yayi Boninin prezidentliyinin böyük hissəsində, eləcə də Konstitusiyanın qüvvəyə mindiyi dövrün əksər hissəsində, bu vəzifəni heç kim tutmamışdır. Zinsunun təyinatı prezidentliyin ikinci müddətinin bitməsinə 10 aydan da az vaxt qalmış həyata keçirilmişdir. Yayi Boninin yenidən seçilmək hüququ olmadığı üçün bəziləri bu təyinatı Zinsunun onun tərəfindən seçilmiş mümkün varisi olduğuna işarə kimi qiymətləndirmişdilər.
Zinsu 1 dekabr 2015-ci ildə 2016-cı il prezident seçkilərində "Yaranan Benin üçün Kaori Qüvvələri"nin namizədi kimi iştirak edəcəyini elan etmişdir. O bildirdi ki, əsas diqqətini kənd təsərrüfatının maliyyələşdirilməsinə və qeyri-rəsmi sektorda çalışan işçilərin rəsmi məşğulluq əldə etməsinə kömək göstərilməsinə yönəldəcək.
Zinsunun vertolyotu 27 dekabr 2015-ci ildə Beninin şimal-qərbindəki Cuqoya səfəri zamanı stadionda qəzaya uğramışdır. O, qəzada xəsarət almamışdır.
2017-ci ilin iyun ayında Zinsun mərkəz-sol yönümlü fransız beyin mərkəzi olan "Terra Nova"nın prezidenti təyin edilmişdir.
- ↑ 1 2 https://www.jeuneafrique.com/personnalites/lionel-zinsou/.
- ↑ 1 2 3 Edmond D'Almeida, "Bénin : cinq choses à savoir sur Lionel Zinsou, le nouveau Premier ministre", Jeune Afrique, 19 June 2015 (in French).
- ↑ Philippe Dagen, "Benin blazes a trail for African modern art with opening of museum in Ouidah", 6 January 2014. Retrieved 29 August 2014.
- ↑ "Bénin: Lionel Zinsou nommé Premier ministre", Radio France Internationale, 19 June 2015 (in French).