Linkoln abidəsi (Lincolnmonumentet) Norveçin Oslo şəhərindəki Froqner parkında yerləşir. Əsərin müəllifi Pol Fyeldedir. Abidə 1914-cü il iyulun 4-də ABŞ-ın Şimali Dakota ştatı tərəfindən Norveçə hədiyyə edilmişdir. O, Henriett Veqner pavilyonu yaxınlığında, 19-cu əsrdə tikilmiş mənzərəli parkda yerləşir. Bürünc lövhədə Gettisberq nitqindən bir hissə qeyd edilib:"Xalqın, xalq tərəfindən, xalq üçün idarəçi olduğu bu dövlətin yer üzündən silinməsin" ("Government of the people, by the people, for the people, shall not perish from the earth."). Sol tərəfdəki lövhədə bu yazı yerləşdirilib: "Şimali Dakota, ABŞ xalqı xalqı tərəfindən Norveçə hədiyyə edilmişdir" ("Presented to Norway by the people of North Dakota, U.S.A. July 4th, 1914.").[1][2]
500 funtluq bürünc büst 4 iyul 1914-cü ildə Osloda bir neçə nüfuzlu şəxsin iştirakı ilə ictimaiyətə təqdim olundu. Təqdimatçılar arasında Şimali Dakota qubernatoru Lui Bencamin Hanna, Karl Berner və Yörgen Lövland yer almışdı.[3]
Abidə 1999-cu ildə Qamleparkendən hazırda olduğu yerə köçürüldü.[4] İndiki yerləşdiyi yer Oslo Muzeyindən şərqdədir (Froqner Menor adlanan yerdə).
1912-ci ildə Norveç ABŞ-ın Şimali Dakota ştatına 10-cu əsrdə yaşamış vikinqlərin başçısı Rollonnun heykəlini hədiyyə etdi. İyulun 12-də Farqoda Böyük Şimal Dəmir Yolu Deposunun yaxınlığında yerləşdirilmiş bir ithaf mərasimi keçirildi. Heykəl daha sonra indiki yerləşdiyi məskənə, Farqonun mərkəzindəki Elm Lüteran Kilsəsinə köçürüldü. Luis Bencamin Hanna həmin ilin sonunda Şimali Dakota qubernatoru seçildi və o, bu hədiyyənin qarşılığını vermək niyyətində idi. 1913-cü ildə Şimali Dakota qanunverici orqanı Norveçin 1914-cü ildə keçiriləcək Yüzillik Konstitusiya gününü qeyd etmə mərasimində təqdimat vermək üçün 10,000 dollar ayırdı. Qubernator Hanna həmin tədbirə aid uyğun hədiyyə tapmaq üçün beş nəfərdən ibarət komitə yaratdı. Komitə iştirakçıları arasında Herman O. Fyelde (Pol Fyeldenin əmisi) və Meri Dim yer alırdı.[5]
Komitə hədiyyənin Avraam Linkolnın büstü olacağına razılaşdı və təkliflər üçün müsabiqə elan olundu. Qalib Pol Fyelde seçildi. Fyeldenin müəllif olduğu model tamamlananda, komitənin hər bir üzvü hazırlanan büstə baxmaq üçün Çikaqoya yollandı. Qubernator Hannanın başçılıq etdiyi Şimali Dakota ştatı nümayəndə heyəti Fyeldenin 500 funtluq bürünc büstü ilə birgə Norveçə səfər etdi. 4 iyul 1914-cü ildə abidə yüksək rütbəli qonaqların iştirak etdiyi açılış mərasimində Oslonun Froqner parkında ucaldıldı. Daha sonra, abidənin nüsxəsi Şimali Dakotanın Hillsboro şəhərinin məhkəmə binasının ərazisində yerləşdirildi.[6]
- ↑ Kunkel, Mabel (1976). Abraham Lincoln, Unforgettable American. Kentucke Imprints. Page 314. ISBN 9780935680270.
- ↑ Luther College Concert Band (1914). Norgesfærden. Nabu Press. Pages 426-427. ISBN 9781273149467.
- ↑ Oslo Museum (1996). "Frognerparken - fra dyrket mark til byens park". Byminner: tidsskrift for Oslo museum. 1996 Nr. 1/2. Page 36. ISSN 0007-7631. Retrieved from the National Library of Norway on June 11, 2023, from https://urn.nb.no/URN:NBN:no-nb_digitidsskrift_2017053081129_001
- ↑ Tvedt, Knut Are. "Frognerparken". Great Norwegian Encyclopedia. Retrieved on June 11, 2023, from https://snl.no/Frognerparken
- ↑ Fjelde, Paul (2017). Statues of Abraham Lincoln. Lincoln Financial Foundation Collection. FB&C Limited. Pages 10-12. ISBN 9780331141672.
- ↑ Fjelde, Paul (2017). Statues of Abraham Lincoln. Lincoln Financial Foundation Collection. FB&C Limited. Pages 10-12. ISBN 9780331141672.