Lif

Lif (digər adları "tekstil lifi", "fiber") — bitkilərdən, heyvanlardan və ya sintetik materiallardan əldə edilə bilən nazik, uzun və əyiləbilən sapa oxşayan maddələr. Liflər əsasən tekstil məhsullarının, ipliklərin və parçaların istehsalında əsas istehsal materialı kimi istifadə olunur. İplikdəki pambıq lifləri, izolyasiya üçün istifadə olunan şüşə liflər və canlılarda əzələ əmələ gətirən əzələ lifləri bu cür materiallara nümunə ola bilər. Tək formada "lif", cəm formada "elyaf" olan söz ərəb (ألياف = alîf) mənşəlidir.^[1]

Təbii və ya süni yolla əldə edilə bilən liflər müxtəlif bağlayıcılarla birlikdə kompozit materialların istehsalında geniş istifadə olunur. Lifləri bir qəlibə və ya müstəvi üzərinə yerləşdirərək üzərinə epoksi əlavə edib bir kompozit material əldə etmək mümkündür.^[2] Həm də güllə keçirməyən zireh hazırlanmasında, polada alternativ olan xam maddənin yaradılmasında, təyyarə və kosmik gəmilərin gövdələrinə və bəzi silahların hissələri üçün istifadə edilə bilər.

Pambıq və zəyrək kimi bitkilərdən alınan liflərə təbii liflər, şüşə lifi və ya şüşə yunu kimi kimyəvi proseslərlə əldə edilən liflərə süni liflər deyilir.^[3]

Lifli qidalar insan qidalanmasında vacib yer tutur. Həzm sisteminin düzgün işləməsi üçün bu cür qidalar qəbul edilməlidir. Bundan əlavə, bütün qidalar bir unikal lifli quruluşa malikdirlər.