Leyla xanım ziyarətgahı — Bilgəhdə Şirvanşahlar dövrünə aid məscid.
| Leyla xanım ziyarətgahı | |
|---|---|
 | |
| 40°35′06″ şm. e. 50°03′29″ ş. u.HGYO | |
| Ölkə |
 Azərbaycan |
| Şəhər |
 Bakı |
| Yerləşir | Bilgəh |
| Aidiyyatı | Şirvanşahlar dövləti |
| Memar | Mahmud ibn Səd |
| Tikilmə tarixi | 1281-1282 |
| Vəziyyəti | 1989-cu ildə təmir olunaraq fəaliyyəti bərpa edilib. |
| Kateqoriya | Məscid |
| Əhəmiyyəti | Ölkə əhəmiyyətli |
Leyla Xanım ziyarətgahı Bakının Bilgəh kəndindədir. VII imam Həzrət Museyi-Kazım əleyhissəlamın qızı Leyla xanım[1] ziyərətgahının memarı Mahmud ibn Səd olub. Şirvanşah II Fərruxzad tərəfindən 1281-1282-ci illərdə inşa etdirilib.
Əsas ibadət zalının sahəsi 12x12 metrədir. Yonulmuş sal daşlardan tikilib. Əsas giriş qapısından içəridə dəhliz yerləşib. Dəhlizin sağ və sol tərəfində yardımçı otaqlar yerləşib. İbadət zalı iki hissəyə-kişilər və qadınlar şöbəsinə ayrılıb. Qadınlar şöbəsi iki mərtəbəlidir. Hər mərtəbənin sahəsi 36 kvadratmetrdir. Tavan sütunlar üzərində dayanıb. Sütunlar tağlarla bir-birinə birləşib. Yerdən tavanadək hündürlüyü 7 metr, yerdən günbəzədək isə 10 metrdir. Günbəzdə iki gözlük qoyulub. Mehrabı üzərində ərəb dilində daş kitabə həkk olunub.
Sovetlər dövründə bağlanaraq anbar kimi istitadə olunub. 1989-cu ildə təmir olunaraq fəaliyyəti bərpa edilib.Təmir-bərpa işləri zamanı məscid üçün eyvan da tikilib.
- ↑ "Heyrət doğuran Bibiheybət". www.anl.az. 2022-01-17 tarixində arxivləşdirilib. İstifadə tarixi: 2025-08-10.
- http://sabunchu-ih.gov.az/page/130.html
- "Bilgəh Xanım Leyla piri (pir Həftəxar)". Sirat.az (az.). 2021-09-20. İstifadə tarixi: 2025-08-10.
- https://kataloq.gomap.az/az/all-poi/culture/sanctuary/8e8699d8d56611e0ad4900226424597d