Qaralama:Leyla Ramazanlı

Leyla Nurəddin qızı Ramazanlı 30 avqust^[3][4] 1988-ci ildə Bakı şəhərində ziyalı ailəsində anadan olmuşdur ^{[2] [5]}.O, fəlsəfə elmləri doktoru, professor Fərrux Fətulla oğlu Ramazanovun^[6] nəvəsidir^[7]. Atası Nurəddin Ramazanov Mədəniyyət Nazirliyinin əməkdaşı olmuş və Birinci Qarabağ Müharibəsi dövründə könüllü olaraq cəbhəyə yollanmış, Qubadlı və Laçın^[8] istiqamətində gedən döyüşlərdə şəhid olmuşdur^[9].

Leyla orta təhsilini Bakıda 132 nömrəli məktəbdə almış,^[10], daha sonra ali təhsilini Azərbaycan Dövlət İqtisad Universitetinin Beynəlxalq İqtisadi Münasibətlər ixtisası üzrə tamamlamışdır^[9] Ikinci ali təhsilini isə Azərbaycan Dövlət Mədəniyyət və İncəsənət Universitetinin Musiqi Sənəti fakültəsində tamamlamışdır^[2].

Leyla Ramazanlı 1 iyun – Uşaqların Beynəlxalq Müdafiəsi Günündə Ulu Öndər Heydər Əliyevin qarşısında çıxış etmiş, onun iştirakı ilə keçirilən tədbirlərdə mahnılar ifa etmişdir. Türkiyədə 23 Nisan Çocuk Festivalında iştirak edərək Türkiyə Prezidenti Süleyman Dəmirəllə görüşmüş, fəxri fərmanlarla təltif olunmuşdur^[2].

Kiçik yaşlarından incəsənətə maraq göstərmiş, Tofiq İsmayılov adına Uşaq-Gənclər Yaradiciliq Sarayının “Cücələrim” ansamblında rəqs, piano, rəsm və vokal dərnəklərində iştirak etmişdir^[11].

İlk səhnə çıxışı 3 yaşında Heydər Əliyev Sarayında “Cücələrim” mahnısı ilə olub. Ansamblla Fransa, İspaniya, Türkiyə, Almaniya, Braziliya, Kipr, Rusiya və digər ölkələrdə Azərbaycanı təmsil etmişdir.^[12]

Musiqi karyerasına 7 yaşında Eldar Mansurovun mahnısını ifa etməklə başlamışdır. Vahid Əziz, Baba Vəziroğlu, Faiq Sücəddinov, Nadir Əzimov, Naile və Hikmət Mirməmmədlilər, Elçin İmanov kimi bəstəkarlarla əməkdaşlıq etmişdir^[9].

Azərbaycan Dövlət Televiziyasında “Sehrli güzgü (veriliş, 1990)”, “Pəncərə” və digər uşaq verilişlərinin aparıcısı olub.^[9]

Karyerası boyu “İlin müğənnisi”, “Qran-pri” (Heydər Əliyev adına Sarayda “Qələbə” mahnısına görə), “İlin klipi”, “İlin mahnısı” kimi mükafatlara layiq görülmüşdür. 2012-ci ildə Emre Aydınla Buta Palace-da konsert vermişdir^[13].

Onun haqqında yerli və xarici jurnal və qəzetlərdə məqalələr dərc olunmuşdur. Sənət fəaliyyəti ilə yanaşı, Leyla Ramazanlı mədəniyyət sahəsində fəaliyyət göstərmişdir. O, Tofiq İsmayılov adına Uşaq-Gənclər Yaradiciliq Sarayında bədii rəhbər, Bakı Şəhər Mədəniyyət Baş İdarəsində menecer və Səttar Bəhlulzadə adına Mədəniyyət Sarayında direktor vəzifələrində çalışmışdır^[14], hal-hazırda Sərhəd Xidmətinin Mədəniyyət Mərkəzində çalışır^[2].

O, 2019-cu ildə ailə həyatı qurmuş,^[15], bir oğlu^[16]və bir qızı^[17]var.

1. ↑ Azərbaycan gəncliyi – Azərbaycanın gələcəyi / red. Ə. M. Qarayev. Bakı: Azərbaycan nəşriyyatı, 2003, 143 s., səh. 83. — Prezident Kitabxanası.
2. ↑ ^{1 2 3 4 5} . “Leyla Ramazanlı klassik Azərbaycan musiqisinə yeni nəfəs verdi”, Sonxeber.az. Giriş tarixi: https://sonxeber.az/385384/leyla-ramazanli-klassik-azerbaycan-musiqisine-yeni-nefes-verdi
3. ↑ “Leyla Ramazanlı ailəsi ilə ad gününü qeyd etdi – FOTO – VİDEO”, Day.Az, 2 sentyabr 2021. Giriş tarixi: https://news.day.az/azerinews/1375562.html
4. ↑ “Müğənni Leyla Ramazanlı doğum gününü kiminlə keçirdi? – FOTOLAR”, Publika.az, 31 avqust 2015. Giriş tarixi: https://publika.az/news/magazin1/105823.html
5. ↑ “Biznesmenlə ailə quran müğənnimizin xınayaxdısından özəl fotolar”, Lent.az, 3 aprel 2019. Giriş tarixi: https://lent.az/xeber/maqazin/xeber__b_biznesmenle_aile_quran_mugennimizin_color_red__xinayxdisindan_ozel_fotolar__b___color__-310197
6. ↑ “Fəlsəfə elmləri doktoru Fərrux Ramazanov vəfat edib”, Report.az, 10 dekabr 2017. Giriş tarixi: https://report.az/elm-ve-tehsil-xeberleri/felsefe-elmleri-doktoru-ferrux-ramazanov-vefat-edib
7. ↑ “Leyla Ramazanlının ailəsində ağır itki”, Kaspi.az, 11 dekabr 2017. Giriş tarixi: https://kaspi.az/az/leyla-ramazanlinin-ailesinde-air-itki
8. ↑ “Şəhidlər ölməz, Vətən bölünməz layihəsində igid döyüşçü Nurəddin Ramazanov xatırlanıb”, az.baku-art.com, 2 oktyabr 2020. Giriş tarixi: https://az.baku-art.com/az/shehidler-olm-z-v-t-n-b-lunm-z-layih-sind-igid-d-y-shch-nur-ddin-ramazanov-xatirlan-b
9. ↑ ^{1 2 3 4} “Gənc müğənni Leyla Ramazanlı: ‘Neçə ildir mən də şəhid atamın acısıyla yaşayıram’”, Musavat.com, 11 aprel 2016. Giriş tarixi: https://musavat.com/news/genc-mugenni-leyla-ramazanli-nece-ildir-men-de-sehid-atamin-acisiyla-yasayiram-foto-video_338926.html
10. ↑ “Şou-biznes nümayəndələrinin "son zəng" xatirələri – SORĞU”, Milli.Az, 31 may 2014. Giriş tarixi: https://news.milli.az/showbiz/271496.html
11. ↑ “S.Bəhlulzadə adına Mədəniyyət evinin yorulmayan direktoru Leyla Ramazanlı”, Aia.az, 16 avqust 2016. Giriş tarixi: https://aia.az/7796-sbehlulzade-adina-medeniyyet-evinin-yorulmayan-direktoru-leyla-ramazanli.html
12. ↑ “Leyla Ramazanlı: “Düşünürəm ki, müğənninin oxumasını ailə razılığı ilə etməsi daha yaxşıdır” – MÜSAHİBƏ”, Day.Az, 15 iyun 2018. Giriş tarixi: https://news.day.az/showbiz/398808.html
13. ↑ “Emre Aydın özü məni seçdi”, Qafqazinfo.az, 28 noyabr 2012. Giriş tarixi: https://qafqazinfo.az/sou-20/emre-aydin-ozu-meni-secdi-30103
14. ↑ “Azərbaycanlı müğənni direktor imiş – FOTOLAR”, Qafqazinfo.az, 17 iyul 2018. Giriş tarixi: https://qafqazinfo.az/news/detail/azerbaycanli-mugenni-direktor-imis-fotolar-133496
15. ↑ “Leyla Ramazanlıdan XƏBƏR – FOTO/VİDEO”, Publika.az, 20 mart 2018. Giriş tarixi: https://publika.az/news/magazin1/275464.html
16. ↑ “Azərbaycanlı müğənninin oğlu oldu – FOTO”, Day.Az, 27 yanvar 2020. Giriş tarixi: https://news.day.az/azerinews/1197356.html
17. ↑ “Leyla Ramazanlı qız anası olub – FOTO”, AzXeber.com, 26 iyun 2024. Giriş tarixi: https://azxeber.com/az/leyla-ramazanli-qiz-anasi-olub-foto/maqazin/