Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinLeksi Lü (çin. 刘柏辛; 21 dekabr 1998, Çansa) və ya əsl adı ilə Lü Yuyu – Çin müğənnisi, repçisi və mahnı yazarı.
| Leksi Lü | |
|---|---|
| çin. 刘柏辛 | |
.jpg) | |
| Ümumi məlumatlar | |
| Doğum tarixi | 21 dekabr 1998 (26 yaş) |
| Doğum yeri | |
| Musiqiçi məlumatları | |
| Fəaliyyəti | müğənni |
| Fəaliyyət illəri | 2016-cı ildən |
| Albom şirkəti | 88rising |
 Vikianbarda əlaqəli mediafayllar | |
2015-ci ildə "K-pop ulduzu 5" müsabiqəsində iştirak etmiş və qrupu ilə birlikdə 4-cü yeri tutmuşdur. 2018-ci ilin iyulunda "Çin repi" verilişində 4-cü yerin qalibi olmuşdur. Bu uğurundan sonra solo karyeraya başlamışdır.[1] 2019-cu ilin fevralında "2030" adlı ilk minialbomunu buraxmışdır.[2] "League of Legends" video oyununun K/DA musiqi qrupu üçün Serafin personajını bir neçə dəfə səsləndirmişdir.
Leksi Lü Çinin Çansa şəhərində anadan olmuş və orda böyümüşdür. 4 yaşında rəqs etməyi, 6 yaşında pianoda çalmağı öyrənib. 7-ci sinifdə beynəlxalq liseyə keçib. 12-ci sinifdə isə musiqi ilə məşğul olmaq üçün təhsilinə fasilə verib və Cənubi Koreyaya yollanıb. Cənubi Koreyada "Mazinga S" adlı musiqi kvarteti ilə "K-pop ulduzu 5" müsabiqəsinə qatılmış və 4-cü yeri tutmuşdur.[3]
Verilişdə iştirak edərkən Fordhem Universitetinə qəbul olunmuş, lakin musiqi karyerasına üstünlük vermişdir.
Lünün ilk orijinal sinqlı olan "Coco Made Me Do It" 2017-ci ilin yanvarında buraxılıb və 5 milyon baxış əldə edib. 2017-ci ilin fevralında ABŞ-də keçirilən SXSW musiqi festivalında iştirak edib.[4][5]
2018-ci ildə müğənni Li Yifen üçün "Role" mahnısını yazıb. İyul ayında "Mulan" mahnısı ilə "Çin repi" verilişinin finalına daxil olub və 4-cü yeri tutub. Müsabiqədə iştirak edərkən "88rising" leyblı ilə müqavilə imzalayıb.[6] Noyabr ayında "Sleep Away" adlı yeni mahnısını buraxıb və mahnı bəzi tənqidçilər tərəfindən çox bəyənilib. 18 dekabrda "Nada" adlı kiberpank tərzində sinql buraxıb.[7]
2019-cu ilin fevralında ABŞ-də "2030" adlı debüt minialbomunu buraxıb. Alboma "Outta Time" və "Love and Run" kimi yeni sinqllar da daxil edilmişdir.[8] Sentyabr ayında "Ok, Ok, Ok" sinqlı, 27 dekabrda isə "Meta Ego" albomu buraxılıb.[9][10][11][12]
28 oktyabr 2020-ci ildə K/DA virtual musiqi qrupunun "More" mahnısında Serafin adlı personajı səsləndirib.[13] 2020-ci ildə Şanxayda keçirilən League of Legends üzrə Dünya çempionatında çıxış edib.[14]
28 yanvar 2021-ci ildə "Gone Gold" adlı yeni minialbomunu buraxıb. Alboma "ALGTR" adlı yeni sinql da daxil edilmişdi.[15] 23 aprel 2024-cü ildə Uqinin "Yuqi1" minialbomunun "On Clap" mahnısında yer almışdır.
Leksi Lünün fərqli görünüşü dəb sənayesinin diqqətini cəlb etmişdir. O, Şərqi Asiyanın "Vogue me", "BAZAAR China", "Nylon Japan", "Nylon China" kimi nəşrlərində peyda olub.[16]
ABŞ dəb jurnalı "V" onu "Yeni Çin sənətçiləri nəsilinin üzü" adlandırmışdı.[17] Digər dəb və mədəniyyət jurnalı "Flaunt" Lünün "2030" albomunu tərifləmişdir.[18]
| İl | Albomun adı |
|---|---|
| 2018 | 2029 |
| 2019 | 2030 |
| 2019 | Meta Ego (無限意識) |
| 2021 | Gone Gold (上线了) |
| İl | Əsər | Tədbir | Müküfat | Nəticə | İst. |
|---|---|---|---|---|---|
| 2021 | "More" | GANG mükafatı | Ən yaxşı orijinal mahnı | Qazandı | [19] |
- ↑ 《中国新说唱》艾热夺冠 那吾克热惜败获亚军 Arxivləşdirilib 2018-12-15 at the Wayback Machine 2018-10-06 新浪娱乐
- ↑ 2030 by Lexie Liu (ingilis), 3 aprel 2019 tarixində arxivləşdirilib, İstifadə tarixi: 14 fevral 2019
- ↑ "Lexie Liu's Got Tricks, and Tracks You Need to Hear". PAPER (ingilis). 21 yanvar 2019. 6 sentyabr 2021 tarixində arxivləşdirilib. İstifadə tarixi: 14 fevral 2019.
- ↑ 劉昱妤國內首個 Hip-Hop 藝人登陸美國 SXSW Arxivləşdirilib 2021-09-06 at the Wayback Machine 2017-03-21 新岳陽 每日頭條
- ↑ 刘昱妤受邀献唱SXSW音乐节 系中国音乐人首次 Arxivləşdirilib 2021-09-06 at the Wayback Machine 2017-03-22 搜狐音乐
- ↑ Dunn, Frankie; Pressigny, Clementine de. "meet 88rising's newest signing: chinese r&b star lexie liu". I-D (ingilis). 19 iyun 2018. 16 oktyabr 2021 tarixində arxivləşdirilib. İstifadə tarixi: 14 fevral 2019.
- ↑ Lexie Liu drops new visual for “Nada” via 88rising Arxivləşdirilib 2022-12-28 at the Wayback Machine 2018-12-18 The Hype Magazine
- ↑ Watch Lexie Liu Traverse a Pastel Dreamscape in Her Video for ‘Sleep Away’ Arxivləşdirilib 2020-09-30 at the Wayback Machine 2018-11-30 RollingstoneIndia
- ↑ 2030 by Lexie Liu (ingilis), 3 aprel 2019 tarixində arxivləşdirilib, İstifadə tarixi: 14 fevral 2019
- ↑ Nast, Condé. "Why Chinese Rapper Lexie Liu Is All About Having a Signature Minimalist Look". Allure (ingilis). 23 oktyabr 2021 tarixində arxivləşdirilib. İstifadə tarixi: 14 fevral 2019.
- ↑ Ok, Ok, Ok - Single, 23 aprel 2020 tarixində arxivləşdirilib, İstifadə tarixi: 6 sentyabr 2021
- ↑ Meta Ego by Lexie Liu (ingilis), 3 dekabr 2020 tarixində arxivləşdirilib, İstifadə tarixi: 3 fevral 2021
- ↑ Lara Lunardi. "K/DA ALL OUT EP to feature (G)-IDLE, Kim Petras, Madison Beer, Lexie Liu, TWICE, and more". Invenglobal. 16 oktyabr 2020. 9 noyabr 2020 tarixində arxivləşdirilib. İstifadə tarixi: 6 sentyabr 2021.
- ↑ Huang, Zheping. "Tencent Bets Billions on Gamers With More Fans Than NBA Stars". Bloomberg News. 7 aprel 2021. 16 aprel 2021 tarixində arxivləşdirilib. İstifadə tarixi: 18 aprel 2021.
- ↑ Jake Newby. "Gone Gold: Lexie Liu On Her New Musical Direction and Having "the Courage to Reshape the Future"". Radii China. 28 yanvar 2021. 5 dekabr 2021 tarixində arxivləşdirilib. İstifadə tarixi: 6 sentyabr 2021.
- ↑ VOGUEme 中国新说唱 Arxivləşdirilib 2021-09-06 at the Wayback Machine 2018-09-01 VOGUEme
- ↑ LEXIE LIU RETURNS WITH “SLEEP AWAY” Arxivləşdirilib 2021-09-06 at the Wayback Machine 2018-11-30 V Magazine
- ↑ Q&A | LEXIE LIU Arxivləşdirilib 2021-01-31 at the Wayback Machine 2019-02-01 Flaunt Magazine
- ↑ Antonio Ferme. "G.A.N.G. Awards Winners: 'The Last of Us Part II' Leads With Eight Wins". Variety. 28 aprel 2021. 28 iyun 2022 tarixində arxivləşdirilib. İstifadə tarixi: 6 sentyabr 2021.