Leça Abdulayev (15 fevral 1953) — Çeçen yazıçı, şair, publisist, tərcüməçi, Çeçenistan və Rusiya Yazıçılar Birliyinin üzvü, Çeçenistan və Rusiya Jurnalistlər Birliyinin üzvü, Çeçenistan Respublikasının Xalq Şairi, Çeçen Dövlət Universitetinin fəxri professoru, Çeçenistan Respublikasının Əməkdar jurnalisti.
| Leça Abdulayev | |
|---|---|
| Doğum tarixi | 15 fevral 1953 (72 yaş) |
| Təhsili | |
| Fəaliyyəti | yazıçı, şair, nasir, tərcüməçi, publisist |
| Fəaliyyət illəri | 1976-cı ildən |
Deportasiya illərində Orta Asiyada anadan olmuşdur. Repressiya olunan xalqların reabilitasiyasından sonra 1957-ci ildə ata-baba yurdu olan Kətir-Yurt kəndinə qayıdır. 1970-ci ildə orta məktəbi bitirir. Daha sonra Çeçen-İnquş Dövlət Universitetinin Tarix və Filologiya fakültəsinin milli şöbəsinə daxil olaraq oranı bitirir.
Məzun olduqdan sonra doğma kəndində ana dili və ədəbiyyat müəllimi, sonra Açxoy-Martan rayonu "Leninskoe Znamya" qəzetində jurnalist kimi çalışır. Rus dilində material yazmaq istəmədiyi üçün millətçilikdə və anti-sovet təbliğatında ittiham olunur və redaksiyadan qovulur. Bir müddət sonra Qroznı vilayətinin "Zavetı İliça" qəzetində işləməyə başlayır və eyni bəhanə ilə işdən azad edilir. Sovet İttifaqının dağılmasından sonra, XX əsrin səksəninci illərinin sonlarından etibarən «Daymoxkom» ("Vətən") adlandırılmağa başlayan "Lenian Nek" qəzetinin baş redaktoru olur. "Daymoxkom" qəzetinin dirçəlişinin ilk günündən baş redaktoru olmuşdur[1].
Məktəb illərində şeir yazmağa başlayırı. Ancaq poeziya ilə yalnız universitetdə, gənc yazarların "Prometey" klubuna daxil olduğu yerdə ciddi şəkildə başlamışdır. İlk nəşr olunan əsəri 1976-cı ildə rayon "Leninskoe Znamya" qəzetində nəşr olunan "Zelimxan" şeiri idi. Bundan sonra şeirləri mütəmadi olaraq yerli qəzet və jurnallarda, gənc yazıçıların kolleksiya məcmuələrində çıxır. Eyni zamanda bir neçə şeir toplusunu nəşr etdirir.
Çeçen dilinə Antuan de Sent-Ekzüperinin "Balaca şahzadə" əsərini, rus və Avropa şairlərinin bir çox şeirlərini tərcümə etmişdir.
Çeçenistan Respublikasının xalq şairi;
Çeçen Dövlət Universitetinin fəxri professoru;
Çeçenistan Respublikasının Əməkdar Jurnalisti;
"Gümüş Bayquş" mükafatı.
Köklər və Qanadlar (1985)[2];
İkinci dalğa (1989);
"Xəyallarım haqqında" (2002);
"Çeçenistan, mənim Çeçenistanım" (2005);
"Yaddaş və lənət" (2009).
- ↑ "Союз писателей Чеченской республики. Леча Абдулаев". Союз писателей ЧР. 12.03.2015. 2019-08-24 tarixində arxivləşdirilib. İstifadə tarixi: 2019-09-07.
- ↑ "Леча Абдулаев". 2022-01-20 tarixində arxivləşdirilib. İstifadə tarixi: 2021-12-23.
- "Абдулаев Леча". Elibia.ru. 2016-03-04 tarixində arxivləşdirilib. İstifadə tarixi: 2015-06-09.
- "Обзор чеченской прессы за 03.03.08-09.03.08 № 23". «Вести республики». 2008-03-10. 2016-12-12 tarixində orijinalından arxivləşdirilib. İstifadə tarixi: 2015-06-09.