Lazar Dokiç (serb. Лазар Докић; 27 sentyabr 1845, Belqrad – 13 dekabr 1893, Оpаtiya) — Serbiya həkimi, anatomu, pedaqoqu və siyasətçisi. O, Serbiya krallığının təhsil naziri, sonra baş naziri olmuş, kral Aleksandr Obrenoviçin müəllimi kimi çalışmışdır. Dokiç Serbiya Elmlər və İncəsənət Akademiyasının fəxri akademiki (15 noyabr 1892-ci ildən), Serbiya Elmi Cəmiyyətinin üzvü (25 yanvar 1870-ci ildən) olmuşdur.
| Lazar Dokiç | |
|---|---|
| serb. Лазар Докић | |
 | |
| Doğum tarixi | 27 sentyabr 1845 |
| Doğum yeri | |
| Vəfat tarixi | 13 dekabr 1893 (48 yaşında) |
| Vəfat yeri | |
| Elm sahələri | tibb[1], anatomiya |
| Elmi adı | |
| İş yeri | |
| Təhsili |
|
| Üzvlüyü |
|
 Vikianbarda əlaqəli mediafayllar | |
Lazar Dokiç 27 sentyabr 1845-ci ildə Serbiyanın paytaxtı olan Belqrad şəhərində anadan olmuşdur. O, Belqradda ibtidai məktəb və gimnaziyanı bitirdikdən sonra Vyana və Praqada tibb təhsili almış, Serbiyaya qayıdaraq on beş il Ujitse şəhərində rayon həkimi kimi çalışmışdır.[2]
Serbiya–Osmanlı müharibəsi zamanı Dokiç Serbiya ordusunun Şumadiya korpusunda hərbi həkim kimi xidmət etmişdir. Müharibədən sonra Lazar Dokić Belqrad Universitetində anatomiya, zoologiya və fiziologiya professoru təyin edilmişdir. O, 1883-cü ildə kral ailəsinin şəxsi həkimi və gənc vəliəhd şahzadə Aleksandr Obrenoviçin tərbiyəçisi olmuşdur. Obrenoviçlərin sadiq tərəfdarı kimi tanınan Dokiç 1889-cu ildə Dövlət Şurasının sədri vəzifəsinə təyin edilmişdir.[3]
1 aprel 1893-cü ildə on altı yaşlı şahzadə, ordu və hökumət üzvlərinin dəstəyi ilə, Serbiya konstitusiyasını pozaraq, özünü yetkin elan etmiş və yeni Serbiya kralı elan edilmişdir.[4] Bu çevriliş nəticəsində regentlik və nazirlər kabineti süqut etmişdir. Gənc hökmdar Lazar Dokiçi baş nazir təyin etmişdir.[5] Buna baxmayaraq, "Brokhauz və Efronun ensiklopedik lüğəti"nə görə, Dokiç siyasətlə xüsusilə maraqlanmırdı:[6]
|
Onun öz siyasəti heç vaxt olmamışdır. O, sakit alim həyatı sürmüşdür, lakin onun simpatiyaları radikalların tərəfində idi və o, onlara qoşulmuşdur. | 
|
Dokiç Xalq Radikal Partiyasının üzvü olduğuna görə onun formalaşdırdığı nazirlər kabineti, Serbiya Hərb Nazirliyi istisna olmaqla, tamamilə radikal idi. Cəmi iki ay sonra Dokiç xəstələnmiş və onun yoxluğunda kral nazirlərlə münaqişəyə girmişdir. Nəticədə hərbi nazir Draqutin Franasoviç istefa vermişdir. Onun yerinə Sava Qruiç gəlmişdir və o, Dokiçin ayrılmasından (5 dekabr 1893) sonra üçüncü dəfə kabinetə rəhbərlik etmişdir. Lazar Dokiç 13 dekabr 1893-cü ildə Opatiyada vəfat etmişdir.[7]
- ↑ 1 2 3 4 Докич, Лазарь (rus.). // Энциклопедический словарь СПб: Брокгауз — Ефрон, 1893. Т. Xа. С. 891.
- ↑ St. Protić, Milan. Between Democracy and Populism: Political Ideas of the Peopleʹs Radical Party in Serbia:(The Formative Period: 1860ʹs to 1903). Balkanološki institut SANU. 2015. səh. 148. ISBN 978-8-67179-094-9.
- ↑ St. Protić, Milan. Between Democracy and Populism: Political Ideas of the Peopleʹs Radical Party in Serbia:(The Formative Period: 1860ʹs to 1903). Balkanološki institut SANU. 2015. səh. 148. ISBN 978-8-67179-094-9. "Источник". 2022-04-03 tarixində arxivləşdirilib. İstifadə tarixi: 2022-04-09.
- ↑ Slobodan Jovanović, Vlada Milana Obrenovića, vol. I (Belgrade, 1934)
- ↑ Raša Milošević, Državni udar odozgo i Prvi april 1893; svrgnuće krujeg kraljevskog namesništva (Belgrade, 1936)
- ↑ // Энциклопедический словарь Брокгауза и Ефрона: В 86 томах (82 т. и 4 доп.). СПб.. 1890–1907.
- ↑ Stokes, Gale. Politics as Development: The Emergence of Political Parties in Nineteenth Century Serbia. Duke University Press. 1990.