Laplas təzyiqi

Laplas təzyiqi — maye səthinin əyriliyindən asılı olan əlavə təzyiqdir, P. Laplas müəyyən etmişdir ki, maye səthinin qabarıq və ya çökük olmasından asılı olaraq səthi gərilmə qüvvəsi hesabına əlavə təzyiq əmələ gəlir; bu təzyiq hər iki halda əyrinin içəri tərəfinə yönəldiyindən qabarıq səthdə daxili təzyiqə əlavə olunur (şəkil 1), çökük səthdə isə ondan çıxılır (şəkil 2). Ona görə də əyri səth altındakı təzyiq ${\displaystyle P_{i}=p_{i}+\delta p}$

burada P_i-daxili təzyiq, p_i-molekulyar təzyiq, ${\displaystyle \delta p}$-Laplas təzyiqidir. Laplas təzyiqi:
${\displaystyle \delta p=\sigma ({\frac {1}{R_{1}}}+{\frac {1}{R_{2}}})}$
-burada R₁ və R₂-maye səthinin əyrilik radiusu ${\displaystyle \sigma }$ -səthi gərilmə əmsalıdır.
Üfiqi vəziyyətdə qoyulmuş silindirin içində olan maye üçün ${\displaystyle R_{1}=\infty }$ və ${\displaystyle R_{2}=R}$ olduğundan Laplas təzyiqi:
${\displaystyle \delta p={\frac {\sigma }{R}}}$ -olar.
Kürə şəklində olan maye üçün ${\displaystyle R_{1}=R_{2}=R}$ olduğuna görə ${\displaystyle \delta p={\frac {2\sigma }{R}}}$ Daxili təzyiq isə
${\displaystyle P_{i}=p_{i}+\sigma ({\frac {1}{R_{1}}}+{\frac {1}{R_{2}}})}$
olur.