Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinLənkəran mayakı — Azərbaycanın Lənkəran şəhərinin şimal-şərqində yerləşən, fəaliyyətdə olan mayak. Mayak hündürlüyü 30,5 m olan bir tikilinin üzərində 2,9 metrlik fanarın quraşdırılması ilə meydana gəlmişdir. İlk əvvəllər mayak dəniz sahilində yerləşirdi. Hazırda isə Xəzər səviyyəsinin enməsi ilə dənizdən xeyli aralıda yerləşir[1].
| Lənkəran mayakı | |
|---|---|
 Lənkəran mayakı | |
| Ölkə | |
| Su hövzəsi | Xəzər dənizi |
| Yerləşir | Lənkəran, Azərbaycan |
| Koordinatlar | 38°45′34″ şm. e. 48°51′19″ ş. u. |
| Yandırılma ili | 1747 |
| Tikilmə tarixi | 1869 |
| Tikinti materialı | daş |
| Forması | İki kvadrat prizma |
| Əlamət | Rənglənməmiş, aşağı mərtəbəsində şəhər üçün silah saxlanılır; fənəri qırmızı-ağ |
| Hündürlüyü | 30,5 m (33,4 m — fanarla) |
| Diapazon | əsas: 24 dəniz mili (45 km) |
| HRMC nömrəsi | AZE-001 |
 |
|
 Vikianbarda əlaqəli mediafayllar | |
1747-1786-cı illərdə tikildiyi ehtimal olunur. Lənkəran qalasının dayaq məntəqələrindən biri olmuşdur. 1869-cu ildə hazırkı mayakda fəaliyyət göstərək həsxana ləğv edilir. Binanın başına fanar qoymaqla mayak kimi istifadə edilməyə başlanılır. Mayak Rusiya İmperiyasının Xəzər dəniz donanmasına verilir.
1957-ci ildə mayak təmir edilir. 1969-cu ildə isə mayakın yüz illik yubleyi qeyd edilir. 2002-ci ildə mayak binasında cari təmir aparılmışdır.
Mayakdan onun oxşarı olan və onunla eyni vaxtda inşa edilən Dairəvi Qalaya vaxtilə yeraltı yol olmuşdur. Onun qalıqları bu günə kimi qalmaqdadır[2]. Binanın divarlarının qalınlığı aşağı hissədən 2 metrdən artıqdır.
1934-cü ildə mayakda meteoloji stansiya quraşdırılmışdır.
Mayak hazırda Xəzər Dəniz Gəmiçiliyinin tabeçiliyindədir.
- ↑ "Сергей Доля: субтропики Азербайджана". 25 noyabr 2011 tarixində arxivləşdirilib. İstifadə tarixi: 5 dekabr 2011.
- ↑ "Tarixi abidələr: Mayak, Dairəvi Qala (Zindan)" (az.). lankaran.az. 25 noyabr 2011 tarixində arxivləşdirilib.