Lübek kafedralı (alm. Lübecker Dom) — Almaniyanın Lübek şəhərində yerləşən və kərpicdən tikilmiş Lüteran kafedralı olmaqla, Lübek Ümumdünya İrsi siyahısına daxildir.[1] 1173-cü ildə Aslan Henri tərəfindən Lübek yepiskopu üçün kafedral kimi tikilməyə başlanmışdır. İkinci Dünya müharibəsi (1942) zamanı Arp Şnitger orqanı yanğın nəticəsində dağılsa da, lakin sonradan bərpa edildi.
| Xristian–katolik | |
| Lübek kafedralı | |
|---|---|
| alm. Lübecker Dom | |
.jpg) | |
 | |
| Yerləşməsi | |
| Ölkə |
 Almaniya |
| Vilayət | Şlezviq-Holşteyn |
| Şəhər | Lübek |
| Memarlıq | |
| Üslubu | bazilika |
| Materialı | kərpic |
| Uzunluğu | 131 m |
| Hündürlüyü | 20 m |
| Dağılıb | 29 mart 1942 |
| domzuluebeck.de | |
 Vikianbarda əlaqəli mediafayllar | |
Həmçinin, kafedral Bernt Notke və Tomas Kvelinusun əsərləri ilə məşhurdur. Hans Memlinqin məşhur qurbangahı hazırda Lübekin Müqəddəs Annen Muzeyindədir.[2] Hazırkı kilsə 1982-ci ildə tamamlanıb.
1873-cü ildə 700 illik yubileyi qeyd edilən kafedralın həyətində Türingiya, Ştaynbaxda yerləşən Lüteran Xatirə Fıstıq ağacının bir budağı əkildi.
1160-cı ildə yepiskop Gerold yepiskopluğunun paytaxtını Oldenburqdan Lübekə köçürdü. 1173-cü ildə Lübekin qurucusu Henri Aslan şəhərdə Lübek yepiskopluğunun kafedralının tikintisini sifariş etdi. Yepiskop kilsəsi olaraq Vəftizçi İohanna, kilsə olaraq isə Müqəddəs Nikolaya həsr olunmuşdur.
Reformasiyadan əvvəl kafedral bölməsi yalnız yepiskopa tabe idi, reformasiyadan sonra və 1803-cü ilə qədər kafedral şəhərin və kapitulun birgə mülkiyyətinə daxil idi və kapitulun ləğvindən sonra şəhərin mülkiyyətinə çevrildi.
Əsrlər boyu Lübek kafedralı sərt Baltik hava şəraitinə məruz qalmışdı. 1611-ci ildə şimal qülləsinin damı dəyişdirildi, 1648-ci ildə hava fleyeri qoparıldı və 1766-cı ilə qədər köhnəlmiş kiçik yan qüllələr söküldü.
1173-cü ildə Aslan Henri, 1160-cı ildə yepiskopluğun Oldenburq-in-Holnşteyn şəhərindən yepiskop Geroldun rəhbərliyi altında köçürülməsindən sonra Lübek yeparxiyasına xidmət etmək üçün kafedralın əsasını qoydu.
O vaxtkı Roman memarlığı üslubundakı kafedral təxminən 1230-cu ildə tamamlandı, lakin 1266-1335-ci illər ərzində müəyyən dəyişikliklərlə qotik üslublu binaya çevrildi.
Marienkirxanın yenidən qurulmasına daha çox üstünlük verildiyindən, kafedralın yenidən qurulması bir neçə onilliklər çəkdi. İşlər yalnız 1982-ci ildə başa çatdı.
2002-ci ildə Lübek Musiqi Akademiyası ilə birlikdə Arp Şnitger orqanının yenidən qurulması üçün simpozium keçirildi. Belə bir yenidənqurmanın mümkün olacağı qənaətinə gəlinsə də, heç bir qərar qəbul edilmədi. Müzakirə İsveçin Göteborq şəhərindəki Universitetdə aparılan tədqiqat layihəsinin ardınca baş tutdu. Lübek orqanının yenidən qurulması 1990-cı illərin ortalarından bəri davam edir.
Kilsə hazırda konsert zalı kimi yenidən qurulub.
-
1942-ci ildən əvvəlki interyeri. -
İnteryeri, 23 noyabr 1914. -
1942-ci ildəki hava hücumundan sonra yanan Lübek kafedralı. -
Bərpadan sonrakı nef, 2016.
- ↑ "Hanseatic City of Lübeck". UNESCO World Heritage Centre. United Nations Educational, Scientific, and Cultural Organization. İstifadə tarixi: 11 iyun 2022.
- ↑ "Archived copy". 27 iyul 2007 tarixində orijinalından arxivləşdirilib. İstifadə tarixi: 27 iyul 2007.
