Kuzma Kovaçiç (d. 6 iyun, 1952, Hvar adası, Xorvatiya) — Xorvat mənşəli akademik heykəltaraş və professor.
| Kuzma Kovaçiç | |
|---|---|
| Doğum tarixi | 6 iyun, 1952 |
| Doğum yeri | Hvar adası, Xorvatiya |
| Milliyyəti | Xorvat |
| Vətəndaşlığı | Xorvatiya |
| Fəaliyyəti | heykəltaraş |
| Təhsili | Akademik |
Haqqında
Kuzma Kovaçiç 1952-ci il, iyun ayının 6-da Xorvatiyada, Hvar adasında anadan olub. Orada gimnaziyada təhsil alıb. 1976-cı ildə isə Zaqrebdə İncəsənət Akademiyasını bitirib.
O Hvar Kafedralında altarın müəllifidir. Papa II Con Paulun Braç adasında Selcada inşa edilən heykəlinin müəllifidir. Şkabrinya və Zaqrebdəki Franyo Tucman, Omiş yaxınlığında Qatedə Antun Mihanoviç, Prozor-Rama yaxınlığındakı Diva Qrabovçeva heykəlləri də onun əsərləridir. Kovaçiç Xorvatiya kunalarını (1, 2, 5, 10, 20, 50 lipa və 1,2,̥ 5 və 25 kuna) da dizayn edib. Beynəlxalq səviyyədə əsərləri Zaqrebdəki Müasir Qalereyada və Splitdə İncəsənət qalereyasında sərgilənir. O prezident Franyo Tucman tərəfindən 3 dəfə milli mükafatla təltif edilib. Kovaçiç həm də "Brethren of the Croatian Dragon"un (Xorvat əjdahasının qardaşları) üzvü, Xorvatiya Elmlər və İncəsənət akademiyasının Hvardakı filialının prezidentidir.
O Split Universitetinin İncəsənət akademiyasının professorudur. 2020-ci ildən bəri Xorvatiya Elmlər və İncəsənət akademiyasının həqiqi üzvüdür.
İstinadlar
- 2022-04-20 at the Wayback Machine — official website of National Museum of Modern Art
- 2021-05-12 at the Wayback Machine — Umjetničkoj akademiji u Splitu kiparstvo
- 2021-05-12 at the Wayback Machine — 2022-09-26 at the Wayback Machine