Kosmos Muzeyi (ukr. Музей космосу) – Ukraynada keçmiş kilsə binasında yaradılmış elmi muzey. Pereyaslav şəhərinin "muzeylər şəhərciyi"ndə yerləşən 30-dan çox muzeydən biridir. Kilsə binası 1891-ci ildə tikilmiş, 1971-ci ildə baş vermiş daşqınlardan sonra köçürülmüş və 1973-cü ildə yenidən tikilmişdir.
| Kosmos Muzeyi | |
|---|---|
 | |
 | |
| Əsası qoyulub | 1979 |
| Ölkə | |
| 50°03′35″ şm. e. 31°28′32″ ş. u.HGYO | |
| niez-pereyaslav.com.ua/u… | |
 Vikianbarda əlaqəli mediafayllar | |
Kosmos Muzeyi Ukraynanın Pereyaslav şəhərinin "muzeylər şəhərciyi"ndə yerləşir. Muzey burada yerləşən 30-dan çox muzeydən biridir[1] və Orta Dnepr Milli Tarixi-Etnoqrafik Qoruğunun Folklor Həyatı və Memarlığı Muzeyinin tərkib hissəsinə daxildir.[2]
Muzey üçün istifadə olunan tikili Müqəddəs Paraskevanın adını daşıyan taxta kilsə olmuşdur.[1][3] Kilsə 1891-ci ildə tikilmişdir. 1971-ci ildə kilsənin yerləşdiyi regionda güclü daşqınlar baş vermiş və kilsə köçürülmüşdür. 1973-cü ildə kilsə yenidən tikilmişdir.[2]
Kilsə binası xaç formasında plana malikdir. Zəng gülləsi şam ağacı taxtasından hazırlanmışdır. Üç tərəfində artırma yerləşir: dördüncü tərəfində yerləşən artırma muzeyin yaradılması zamanı sökülmüşdür.[2]
Muzey 1979-cu ildə Mixail Sikorskun təşəbbüsü və elmlər akademiyasının dəstəyi ilə açılmışdır. Muzey 2003-cü ilə qədər Dünya Elm və Sülhpərvər Kosmik Tədqiqat Muzeyi adlanmışdır. Muzeydəki 450-dən çox eksponat kilsənin 5 böyük otağında sərgilənir.[4] Muzeydə Sergey Korolyov və Aleksandr İşlinskinin dövrünə aid memorial otaqlar yerləşir. Burada RD-219 raket mühərriki, Minsk-32 kompüter sistemi, Ukraynanın ilk Fuko kəfkiri (10 kiloqram ağırlığa malikdir), kosmik nəqliyyat vasitələrində istifadə olunmuş cihazlar, Soyuz 23-ə aid olan SK-II kosmik geyimi sərgilənir. Muzey ekspozisiyasına Ayın Yerdən keçərkən çəkilmiş fotoları, eləcə də, Mars 5, Mars 6 və Venera 9 cihazları vasitəsilə çəkilmiş fotolar daxildir.[5] Muzey müasir kosmos tədqiqatlarını və Ukraynanın kosmik nailiyyətlərini də nümayiş etdirir.[4]
-
Muzeyin interyeri. -
Kosmik geyimlər. -
İlk süni peykin maketi. -
Kosmik qidalar.
- ↑ 1 2 "Discover Ukraine : Kyiv : Pereiaslav-Khmelnytskyi". discover-ukraine.info (ingilis). İstifadə tarixi: 26 aprel 2025.
- ↑ 1 2 3 "Національний історико-етнографічний заповідник Переяслав — Церква св. Параскеви з с. В'юнище Переяслав-Хмельницького району". niez.com.ua (ukrayna). 24 February 2017 tarixində orijinalından arxivləşdirilib. İstifadə tarixi: 26 aprel 2025.
- ↑ Planet, Lonely. "Pereyaslav-Khmelnytsky, Ukraine - Lonely Planet". Lonely Planet (ingilis). İstifadə tarixi: 26 aprel 2025.
- ↑ 1 2 "Museum of Space Exploration". Atlas Obscura (ingiliscə). 1 dekabr 2021. İstifadə tarixi: 26 aprel 2025.
- ↑ УКРАЇНСЬКИЙ ТЕХНІЧНИЙ МУЗЕЙ (PDF). 2008. səh. 69. İstifadə tarixi: 26 aprel 2025.
- niez-pereyaslav.com.ua/u… — rəsmi saytı