Koroğlu məbədi — Azərbaycan Respublikasının Qazax rayonunun Daş Salahlı kəndində, Avey dağıda, Qarabulaqdan 300-500 metr şimalda yerləşən IV-V əsrlərə aid mağara-məbəddir.[1]
Məbəd IV-V əsrlərə aid olunur. Məbədin giriş hissəsi bir qədər düzbucaqlı formada olub, hündürlüyü təxminən 5 metrə yaxındır. İçərisi uzunsov formalıdır.[2]
Çöküntü qatları arasında ilk orta əsrlərə aid xeyli keramika nümunələri aşkar edilmişdir. Bunlar əsasən yaxşı hazırlanmış və təmiz gil tərkibli saxsı parçalarından ibarətdir.
Koroğlu məbədi Çar Rusiyası dövründə yerli qaçaqların sığınacaq yeri kimi də fəaliyyət göstərmişdir. Əlverişli strateji sahədə qərarlaşması buranın hökümətdən narazı kəndli qaçaq nümayəndələrinin sığınacaq yeri kimi fəaliyyətinə şərait yaratmışdır.
- ↑ "Koroğlu məbədi" (az.). Azərbaycan Respublikası Mədəniyyət Nazirliyi Qazax-Tovuz Regional Mədəniyyət İdarəsi. İstifadə tarixi: 28 may 2025.
- ↑ Xəqani Alməmmədov, Elvin Əliyev, Şamil Nəcəfov. AZƏRBAYCANIN QƏRB RAYONLARINDA MÜXTƏLİF DÖVR ARXEOLOJİ ABİDƏLƏRİN ELEKTRON QEYDİYYATI VƏ XƏRİTƏLƏŞMƏSİ. 2017. səh. 352. ISBN 978-9952-516-07-4.