Müqəddəs Məryəm Yepiskopal Kafedrali və ya Qızıl məbəd, Günəş məbədi (keçua Qurikancha) — Perunun Kusko şəhərində yerləşən İnk imperiyası dövrünün əsas məbədi.O, inklərin baş tanrısı olan günəş tanrısı İntiyə həsr olunub.[2] Koricancha,[3]
| Korikança məbədi | |
|---|---|
 | |
 | |
| Ölkə | |
 Vikianbarda əlaqəli mediafayllar | |
Korikança məbədi Kusko şəhərinin mərkəzində yerləşirdi və İnklərin inanclarına görə, dünyanın mərkəzi sayılırdı. Bu qədim məbəd inklərin ən müqəddəs məbədlərindən biri idi və Günəş Tanrısı İntiyə həsr olunmuşdu. İspanlar Kusko şəhərini işğal etdikdən sonra, Korikançanın üzərində Santo Dominqo kilsəsini tikmişdilər. Bu yer həm ink, həm də ispan memarlığını birləşdirən mühüm bir tarixi məkandır. Korikança məbədi ink memarlığının mühəndislik möcüzəsi sayılır. Tikinti zamanı istifadə olunan daşlar elə dəqiq yonulmuşdu ki, onlar arasında heç bir bıçaq və ya tikan keçmirdi. Məbəd eyni zamanda zəlzələlərə qarşı dayanıqlı idi, bu da inklərin tikinti texnologiyalarının inkişaf səviyyəsini göstərir.[4]
İnk dövründə Korikança məbədi qızıl lövhələrlə bəzədilmişdi. Günəş işığı divarlara dəyəndə məbəd parıldayır və ətrafdakı hər kəsi heyran edirdi. Korikança "Qızıl Saray" mənasını verir. Məbədin həyətində gümüşdən hazırlanmış ay heykəlləri və digər müqəddəs əşyalar saxlanılırdı. Məbəd astronomik mərkəz kimi də istifadə olunurdu. İnklər məbəddən ilin müxtəlif vaxtlarında günəşin və ulduzların hərəkətlərini izləyirdilər. Məbədin xüsusi pəncərələri və dəlikləri günəş şüalarını müəyyən günlərdə, xüsusilə gündönümlərində və bərabərlik günlərində daxil edirdi.[5][6]
İspan fəthindən sonra 1533-cü ildə İspanlar Korikançanı talan edərək məbəddəki bütün qızıl və gümüş əşyaları talan etdilər. Qızıl və digər qiymətli metallar əriyərək Avropaya daşındı. Onlar İnk mədəniyyətinin simvollarını məhv etmək məqsədilə, onun üzərində Santo Dominqo adlı katolik kilsəsini tikdilər. Bu xristianlığın gücünü göstərmək məqsədini daşıyırdı. İndi Korikança məbədinin qalıqları Santa Dominqo kilsəsi ilə yanaşı mövcuddur və bir muzey kompleksi təşkil edir.
Kusko şəhəri və onun daxilindəki Korikança məbədi 1983-cü ildə UNESCO-nun Ümumdünya İrsi Siyahısına daxil edilib.
- ↑ 1 2 GeoNames (ing.). 2005.
- ↑ de Leon, Pedro Cieza. The second part of the Chronicle of Peru. Clements R. Markham tərəfindən tərcümə olunub. London: Hakluyt Society. 1883. səh. 83. OCLC 706928387.
- ↑ "Machu Picchu, la Eternidad de la Piedra". Edición Extraordinaria (ispan). Universidad Alas Peruanas. 6 (9): 79–87. 2011.
- ↑ "GRUPO ARQUEOLÓGICO DE QORICANCHA". İstifadə tarixi: 29 may 2017.
- ↑ en:Pedro Cieza de León (1883), The second part of the Chronicle of Peru (Crónicas del Perú), translator: Clements R. Markham, Hakluyt Society: London, pp. 83–86; 160–164 OCLC 706928387
- ↑ Pedro Sarmiento de Gamboa. XXXI // Clements R. Markham (redaktor). History of the Incas (Historia de los Incas). London: Hakluyt Society (prepared for Project Gutenberg). 2006. OCLC 84961506.