Koral Ridc Presviterian kilsəsi (ing. Coral Ridge Presbyterian Church) — Florida ştatının Fort-Loderdeyl şəhərində yerləşən və Amerika Presviterian Kilsəsinə məxusu kilsə. Bu kilsə 1960-cı ildə D.Ceyms Kennedi (1930–2007) tərəfindən qurulmuşdur. Kennedi ölümündən qısa müddət əvvələ qədər kilsənin baş pastoru vəzifəsində xidmət etmişdir.
| Koral Ridc Presviterian kilsəsi | |
|---|---|
 | |
| Ölkə | |
| Rəsmi sayt | crpc.org |
| 26°12′00″ şm. e. 80°06′41″ q. u. | |
 |
|
Kilsənin hazırkı binası 2300 nəfərlik tutuma malikdir və 3 fevral 1974-cü ildə evangelist Billi Qraham tərəfindən təqdis edilmişdir.[1] Kilsə 16 may 1978-ci ildə Amerika Presviterian Kilsəsinə qoşulmuşdur. Koral Ridc 1983-cü ilə qədər "Cənub" kilsəsi adlanan Amerika Birləşmiş Ştatları Presviterian Kilsəsinin üzvü idi. 1978-ci ildən başlayaraq, baş pastor D.Ceyms Kennedi dövründə kilsənin həftəlik ibadətləri "Coral Ridge Hour" adı altında televiziyada yayımlanmış və nəticədə 3 milyondan çox izləyiciyə çatmışdır. Kennedinin ölümündən sonra 2007-ci ildə kilsədən yeni yayımların istehsalı dayandırılsa da, hazırda keçmiş fraqmentlərin və aktual xəbər bölümlərini özünün həftəlik yarım saatlıq televiziya proqramı "Truths That Transform"da yayımlayır.[2]
Kilsə 22 may 1960-cı ildə D.Ceyms Kennedi tərəfindən qurulmuşdur. İlk vaxtlar bazar günləri ibadətlərə 45 nəfərlik icma kirayə olunmuş məktəb binasında baş tuturdu.
Koral Ridc 1960-cı illərdə ABŞ-də ən sürətlə böyüyən Presviterian kilsəsi oldu və 1968-ci ilə qədər üzv sayı 1366-ya çatdı.[3] 1960-cı illərin əvvəllərində tikilən ilk kilsə binasını artıq tuta bilmədiyi üçün, 1970-ci illərin əvvəllərində 2300 nəfərlik yeni ibadət zalının tikintisinə başlanıldı.[4] Bu bina 92 metr hündürlüyündə bir qüllə ilə üstü örtülmüş və müasir üslubda dizayn edilmişdir. 21 dekabr 1973-cü ildə yeni binada ilk ibadətlər keçirildi. Fevral 1974-cü ildə ibadət zalı Billi Qraham tərəfindən rəsmi olaraq təqdis edildi.[5] 1980-ci illərə qədər kilsənin üzv sayı bir neçə min nəfərə çatmışdı. 1970-ci ildə çəkilmiş "Like a Mighty Army" filmi, aktyor Kris Robinsonın Kennedi rolunda çıxış etdiyi və kilsədəki "Evangelism Explosion" hekayəsini təsvir edən bir əsərdir.[6][7]
- ↑ "Megachurch Search Results - Hartford Institute for Religion Research". 12 mart 2015 tarixində orijinalından arxivləşdirilib. İstifadə tarixi: 17 avqust 2013.
- ↑ Robert Samuels. "Coral Ridge Presbyterian votes to retain controversial new pastor". Miami Herald. 21 sentyabr 2009. İstifadə tarixi: 5 oktyabr 2009. [ölü keçid]
- ↑ "Church History". Coral Ridge Presbyterian Church. 2009. 22 may 2009 tarixində orijinalından arxivləşdirilib. İstifadə tarixi: 24 aprel 2009.
- ↑ Chandler, E. Russell. The Kennedy Explosion. Elgin, IL: David C. Cook Publishing. 1972. ISBN 0-912692-02-2.
- ↑ Davis, James D. "Coral Ridge Presbyterian Church chooses pastor". South Florida Sun-Sentinel. 19 yanvar 2009. 23 yanvar 2009 tarixində orijinalından arxivləşdirilib. İstifadə tarixi: 30 yanvar 2009.
- ↑ "D. James Kennedy, influential Christian broadcaster, retires". St. Petersburg Times. 26 avqust 2007. 23 oktyabr 2020 tarixində arxivləşdirilib. İstifadə tarixi: 9 oktyabr 2025.
- ↑ Kennedy, D. James. "The Genesis, Development, and Expansion of Evangelism Explosion International, 1960-1976". DAI. 40 (3): 1381.