Bu məqaləni vikiləşdirmək lazımdır. |
Müasir kompüterlərin yaradılmasının əsas prinsipləri XX əsrin 40-cı illərində Amerikanın alimləri Con fon Neyman və Bers tərəfindən verilmişdir. Başqa sözlə desək, hələ də kompüterlər Fon Neyman arxitekturası ilə işləyir. Bu arxitekturaya görə kompüter iki hissədən ibarətdir: mərkəzi və perferiya hissələrdən.
Mərkəzi hissə hesab-məntiqi qurğusundan (HMQ), idarəetmə qurğusundan (IQ) və daxili yaddaş qurğularından ibarətdir. Daxili yaddaşlar — operativ yaddaş (RAM) və daimi yaddaşdan (ROM) ibarətdir.
Müasir kompüterlər HMQ və IQ prosessor adlanan qurğuda birləşir.
Periferik hissəyə isə xarici yaddaş qurğuları, daxiletmə qurğuları, çıxış qurğuları və idarəetmə pultu aiddir.
Kompüterlərin imkanlarını qiymətləndirmək üçün onları müəyyən əlamətlərə görə qruplara ayırırlar, yəni təsnif edirlər. Təsnifat əlamətləri ölçülərinə, məhsuldarlığına, qiymətinə və element bazasına görə seçilə bilər. Kompüterlər ölçülərinə görə aşağıdakı siniflərə bölünür.
- Çox böyük kompüterlər
- Böyük kompüterlər
- Orta kompüterlər
- Kiçik kompüterlər
- Mikrokompüterlər
Son illərdə böyük kompüterləri meynfreym adlandırırlar. Mikrokompüterlərin əsas sinfini fərdi kompüterlər təşkil edir.
- Stolüstü kompüterlər (Desktop): ev şəraitində istifadə olunan kompüterlər
- İşçi stansiyalar: müəssisələrdə, firmalarda istifadə olunan kompüterlər
- Serverlər: paylaşdırıcı kompüterlər
- Stolüstü mini kompüterlər
- Planşet kompüterlər
- Yığcam kompüterlər (notebooklar)
- Subnotebooklar
- Cib kompüterləri