Kolibri əməliyyatı (ing. The Hummingbird Project) — yüksək tezlikli ticarət və birjaya birbaşa çıxışın ultra-aşağı ləngiməsi haqqında olan Kanada və Belçika müştərək istehsalı olan dramatik triller filmi. Filmin ssenari müəllifi və rejissoru Kim Nquen, prodüseri isə Pyer Evendir. Baş rollarda Cessi Ayzenberq, Aleksandr Skarsqard, Maykl Mendo, Sara Qoldberq və Salma Hayek çəkilmişdirlər.
| Kolibri əməliyyatı | |
|---|---|
| ing. The Hummingbird Project | |
| Janr | triller filmi, dram filmi |
| Rejissor | Kim Nquen |
| Prodüser | Pyer Even |
| Ssenari müəllifi | Kim Nquen |
| Baş rollarda |
|
| Operator | Nikolya Boldük |
| Bəstəkar | Yves Gourmeur |
| İstehsalçılar | HanWay Films[d] |
| İlk baxış tarixi | 2018, 3 may 2019, 28 mart 2019[2] |
| Müddət | 111 dəq |
| Ölkələr | |
| Dil | ingilis dili |
| IMDb | ID6866224 |
Filmin dünya premyerası 8 sentyabr 2018-ci ildə Toronto Beynəlxalq Film Festivalında baş tutmuşdur. ABŞ-də isə 15 mart 2019-cu ildə The Orchard şirkətinin distribütorluğu tərəfindən nümayiş olunmuşdur.
Birja maklerləri olan Vinsent və Anton Zalevski yüksək tezlikli ticarət sahəsində bir ideyanı reallaşdırmaq qərarına gəlirlər. Onlar minimum gecikmə müddətini təmin etmək üçün Kanzas və Nyu-York birjaları arasında məlumat ötürücü kabel çəkməyi planlaşdırırlar. Bu, onlara rəqabət üstünlüyü qazandıracaqdı. Bunun üçün kabel ən qısa marşrut üzrə çəkilməlidir.
Qardaşlar işlədikləri şirkətdən ayrılaraq öz işlərini yaradır, investorlar tapır və kabelin çəkilişinə başlayırlar. Onların keçmiş rəhbəri Eva Torres Zalevskilərin təşəbbüsündən xəbər tutduqda rəqabətə qoşulur və problemə fərqli tərəfdən yanaşır. O, yeni protokolun köməyi ilə mikrodalğalı rabitə retranslyatorları sistemi vasitəsilə qabaqcıl məlumat ötürmə texnologiyası haqqında öyrənir. Qüllələr şəbəkəsinin tikintisi kabel çəkilişindən daha ucuz başa gəlir və o başa düşür ki, layihəni birinci başa çatdıra bilər. Tərəflər bir-birinə mane olmağa çalışırlar və nəticədə heç kim layihəni tam reallaşdıra bilmir.
| Aktyor | Rol |
|---|---|
| Cessi Ayzenberq | Vinsent Zaleskiy |
| Aleksandr Skarsqard | Anton Zaleskiy |
| Salma Hayek | Yeva Torres |
| Maykl Mendo | Mark Veqa |
| Sara Qoldberq | Maşa |
| Anna Maquayr | Cenni |
| Frenk Şorpion | Brayan Teylor |
Rotten Tomatoes rəy aqreqatorunda film 123 tənqidçinin rəyi əsasında 58% "yaxşı" (rus. свежести) reytinqi almışdır. Saytın konsensusunda deyilir: "Ağıllı və yaxşı çəkilmiş, lakin uğursuz olan bu film, eyni zamanda ssenarist və rejissor Kim Nquenin filmoqrafiyasını tamamlayır".[3]
The Guardian qəzetindən Mayk Makkehil filmə beş ulduzdan ikisini verərək belə nəticəyə gəlmişdir: "Biz maraqlı süjet, dekorasiyalar və məkanlar gördük. Lakin süjet döngələrinin sayını nəzərə alsaq — tamaşaçılarda baxışdan sonra cavabsız qalacaq çox sayda sualın yaranacağına zəmanət verirəm".[4]
- 1 2 3 CineTV (fr.).
- ↑ http://nmhh.hu/dokumentum/198182/terjesztett_filmalkotasok_art_filmek_nyilvantartasa.xlsx.
- ↑ "The Hummingbird Project (2018)". Rotten Tomatoes. Fandango Media. 20 sentyabr 2022 tarixində arxivləşdirilib.
- ↑ "The Hummingbird Project review – deeply odd tunnel-digging drama". the Guardian (ingilis). 13 iyun 2019. 22 sentyabr 2022 tarixində arxivləşdirilib. İstifadə tarixi: 19 sentyabr 2022.
- Kolibri əməliyyatı — IMDb səhifəsi
- Adler, Jerry. "Raging Bulls: How Wall Street Got Addicted to Light-Speed Trading". Wired (magazine). 8 mart 2012. İstifadə tarixi: 15 mart 2020.
- The Hummingbird Project at Library and Archives Canada