Kokuşi (vəzifə)

Kokusi və ya Kuni-no-tsukasa (国司, こくし, くにづかさ, くにのつかさ^?, hərf. "vilayət rəisi") — VIII–XI əsrlərdə Yaponiyanın ritsuryo sistemi dövründə vilayət başçısı və onun əyalət administrasiyasının rəhbəri üçün işlədilən inzibati titul. Bu vəzifənin başqa, daha çinləşdirilmiş adı Kokuşay (yap. 国宰, こくさい) olmuşdur.

Kokuşi hökuməti dörd səviyyəli məmur iyerarxiyasından ibarət idi. Birinci səviyyədə vilayət başçısı (yap. 守, kami), ikinci səviyyədə müavin (yap. 介, suke), üçüncü səviyyədə məsləhətçilər (yap. 掾, coo), dördüncü səviyyədə isə köməkçilər (yap. 目, saken) dururdu. Bundan əlavə, hökumətdə katiblər (yap. 史生, sişo) də fəaliyyət göstərirdi. Kokuşi və onun aparatının üzvləri paytaxt məmurları arasından seçilərək mərkəzi hökumət tərəfindən təyin olunurdular.^[1]

Kokuşi administrasiyası kokuqa adlanırdı, onun yerləşdiyi inzibati mərkəz isə kokufu kimi tanınırdı. Vilayətdə imperator hökumətinin nümayəndəsi qismində çıxış edən kokusi vəzifəsi XVI əsrə qədər mövcudluğunu qorumuşdur, lakin zaman keçdikcə faktiki hakimiyyət vilayətlərdə hərbi qubernatorlar — şuqoların, yəni şoqun hökumətinin nümayəndələri əlinə keçmişdir.^[1]