Kofuku stansiyası (幸福駅, Kofuku-eki?) – Yaponiyanın Obihiro şəhərində yerləşən Hiroo xəttinə daxil olan keçmiş dəmiryol stansiyası. Hazırda Kofuku Qəsəbəsi Sakinləri Assosiasiyasının mülküdür.[1] Stansiya 1987-ci ildə bağlanılsa da, populyar yerlərdən biridir. Çünki stansiyanın adı yaponca "xoşbəxtlik" mənasına gəlir.[2]
| Kofuku stansiyası | |
|---|---|
 | |
 | |
| Ümumi məlumatlar | |
| Ölkə | |
| Koordinatlar | 42°44′43″ şm. e. 143°09′42″ ş. u.HGYO |
| Digər məlumatlar | |
| koufuku-eki.com | |
 Vikianbarda əlaqəli mediafayllar | |
Kofuku stansiyası hazırda fəaliyyət göstərməyən 84 kilometrlik Hiroo xəttinin 22-ci kilometrliyində yerləşir. Bu xətt Obihiro şəhəri ilə Hiroo qəsəbəsində yerləşən Hiroo stansiyasını əlaqələndirirdi.[3]
Stansiya öz adını yerləşdiyi bölgənin adından götürmüşdür. Bölgənin orijinal adı Koşin olsa da, 1910-cu ildə "Koşin" sözündəki "ko" ilə "Fukui" sözündəki "fuku" sözlərinin birləşməsindən əmələ gələn "Kofuku" adı ilə adlandırılmışdır. Belə ki, 1902-ci ildə baş verən daşqınlardan sonra Fukui prefekturasından sonra olan fermerlər bu əraziyə köç etmişdirlər.[2]
Stansiyanın adı yapon dilindən tərcümədə "xoşbəxtlik" mənasına gəldiyi üçün insanlar stansiyanın gözləmə otağına vizitkalarını və mesajlarını yapışdırıb xoşbəxtlik arzulayırlar.[2] Stansiyada ziyarətçilər iki dizel lokomotivinin istifadə olunmamış vaqonlarına minib dövrə ata bilərlər. Stansiyanı ziyarət edən şəxslərə Hiroo xətti biletinin replikası verilir və onu stansiyaya yapışdırmaq təklif olunur. Stansiyanın yanında "Xoşbəxtlik zəngi" yerləşir. Cütlüklər toyu xatırladan "xoşbəxtlik mərasimi"ndə iştirak edə bilərlər. Stansiyanın yaxınlığındakı poçt məntəqəsində xüsusi xatirə poçt markaları satılır.[4]
Kofuku stansiyası 1 noyabr 1956-cı ildə açılmışdır.[3] Hiroo xəttinin bağlanmasından sonra stansiya da 1987-ci ildə bağlanmışdır.[1] Stansiya 1973-cü ildə NHK kanalı tərəfindən yayımlanmış səyahət sənədli filmindən sonra populyar olmuşdur. 1972-ci ildə iki stansiya arasında cəmi 7 nəfər səyahət etsə də, 1973-cü ilə rəqəm 3 milyon olmuşdur. Stansiya 1981-ci ildə Hiroo xəttinin gəlirinin 80%-nin formalaşmasına töhfə vermişdi.[4] 2012-ci ildə stansiya təxminən 175.000 nəfər tərəfindən ziyarət edilmiş və bölgənin ən populyar turistik yerlərindən biri olmuşdur.[1] Stansiya üçün anime talismanı yaradılmışdır.[4]
Stansiyanın konsturksiyası köhnəldiyi üçün Obihiro şəhərinin hökuməti stansiyanı 2013-cü ilin sentyabr–noyabr aylarında yeniləmə (33 milyon yenlik büdcə ilə) işləri aparılmışdır.[1]
-
İnteryeri. -
Xoşbəxtlik zəngi. -
Keçmiş platforma. -
Qabaqdan görünüşü.
- ↑ 1 2 3 4 Shimada, Kenichiro. "Hokkaido's popular 'happiness' station to be closed for renovation". Asia & Japan Watch. Japan: The Asahi Shimbun Company. 31 August 2013. 2014-02-15 tarixində orijinalından arxivləşdirilib. İstifadə tarixi: 3 may 2025.
- ↑ 1 2 3 "Abandoned railway station with 'happy' name a big draw". Asia & Japan Watch. Japan: The Asahi Shimbun Company. 1 yanvar 2012. 1 yanvar 2012 tarixində orijinalından arxivləşdirilib. İstifadə tarixi: 3 may 2025.
- ↑ 1 2 日本国有鉄道停車場一覧 [JNR Station Directory]. Japan: Japanese National Railways. 1985. səh. 200. ISBN 4-533-00503-9.
- ↑ 1 2 3 "Kofuku Train Station". Atlas Obscura (ingiliscə). 22 aprel 2025. İstifadə tarixi: 3 may 2025.
- koufuku-eki.com — rəsmi saytı (yap.)