Kobus maqnoliyası (lat. Magnolia kobus) — bitkilər aləminin maqnoliyaçiçəklilər dəstəsinin maqnoliyakimilər fəsiləsinin maqnoliya cinsinə aid bitki növü.
| Kobus maqnoliyası | ||||||||||
|---|---|---|---|---|---|---|---|---|---|---|
 | ||||||||||
| Elmi təsnifat | ||||||||||
|
Domen: Klad: Ranqsız: Aləm: Klad: Klad: Klad: Klad: Klad: Klad: Klad: Dəstə: Fəsilə: Cins: Növ: Kobus maqnoliyası |
||||||||||
| Beynəlxalq elmi adı | ||||||||||
|
||||||||||
| ||||||||||
Vətəni Yaponiya və Koreyadır.
Ən iri və soyuğadavamlı maqnoliya növlərindən biridir. Vətənində hündürlüyü 25-30 m-ə, mədəni şəraitdə hündürlüyü 10 m-ə çatan, yarpağı tökülən ağacdır. Təbii şəraitdə çayların ətrafında, bəzən bataqlıq sahələrdə digər yarpağı tökülən ağaclarla birgə bitir. Cavanlıqda çətiri ensiz-piramidal, sonra şarşəkilli olur. Çiçəkləri ağ rəngli, diametri 10 sm-ə qədər, xoş ətirlidir. Yazda yarpaqların açılmasına qədər çiçəkləyir. Tez böyüyür. Yarpaqları enli, yumurtaşəkilli, uzunluğu 10-12 sm, eni 4-6 sm, üst tərəfi parlaq yaşıl, alt tərəfi açıq yaşıl rənglidir. Saplaqların uzunluğu 2,5 sm-dir. Meyvələri qırmızı rəngli, uzunluğu 12 sm-ə qədər, qozaşəkillidir.
İşıqsevəndir, nəmişli, yaxşı drenajlı torpaq tələb edir. Çox soyuq illərdə çiçək tumurcuqları donur.
Azərbaycanda park və bağlarda rast gəlinir.
Bu növ şəhərlərin yaşıllaşdırılması, parklarda, bağlarda əkilməsi üçün məsləhət görülür.
- Yulania kobus (DC.) Spach
- Buergeria obovata Siebold & Zucc.
- Magnolia borealis (Sarg.) Kudô
- Magnolia kobus var. borealis Sarg.
- Magnolia kobus f. horisontalidivaricata V.V.Byalt & Firsov
- Magnolia kobushii Mayr
- Magnolia praecocossima Koidz.
- Magnolia pseudokobus S.Abe & Akasawa
- Magnolia thurberi G.Nicholson
- Michelia gracilis Kostel.
- Talauma obovata (Siebold & Zucc.) Benth. & Hook.f. ex Hance