Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinKlayv Erik Kassler (15 iyul 1931 — 24 fevral 2020) — Amerikan macəra romanları yazıçısı və sualtı araşdırmalar edən alim.[4] "Dirk Pitt" personajını əks etdirən triller romanları "The New York Times" qəzetinin ən çox satılan bədii əsərlər siyahısına, 20 dəfədən çox düşmüşdür. Kassler 60-dan çox gəmi qəzası yeri və çoxsaylı digər məşhur sualtı qalıqlarını kəşf etmiş, "Milli Sualtı və Dəniz Agentliyi"nin (NUMA) təsisçisi və sədri idi.[5] O, 80-dan çox kitabın yeganə və ya əsas müəllifi olmuşdur. O, özünü, tez-tez kitablarında özü kimi təsvir edirdi. Onun romanları,müxtəlif başqa bədii əsərlərə ilham vermişdir.
| Klayv Kassler | |
|---|---|
| ing. Clive Cussler | |
.jpg) | |
| Doğum tarixi | 15 iyul 1931[1] |
| Vəfat tarixi | 24 fevral 2020[2][3] (88 yaşında) |
| Uşaqları | 3 (Dayna Cussler, Dirk Cussler daxil olmaqla) |
| Fəaliyyəti | yazıçı, ssenarist, romançı, fantastika yazıçısı[d], arxeoloq |
| Fəaliyyət illəri | 1973-cü ildən |
| Mükafatları |
 |
| cusslerbooks.com | |
 Vikianbarda əlaqəli mediafayllar | |
Klayv Kassler İllinoys ştatının Aurora şəhərində Erik Edvard Kassler və Emi Adelin (qızlıq soyadı Hunnewell) ailəsində anadan olmuş və Kaliforniyanın Alhambra şəhərində böyümüşdür.[6] Atası Almaniyadan, anasının əcdadları isə İngiltərədən idi.[7] "Dəniz ovçuları: Məşhur gəmi qəzaları ilə əsl macəralar" adlı xatirə kitabında Kassler atasının Birinci Dünya müharibəsi zamanı Qərb cəbhəsində Almaniya imperiyası ordusunda xidmət etdiyini açıqlamışdır. Bundan əlavə, Kasslerin əmilərindən biri "İmperator Alman Hərbi Hava Qüvvələri"ndə xidmət etmiş və 14 müttəfiq təyyarəsini vuraraq, as pilot olmuşdur.[8] O, 14 yaşında "Qartal Skaut" rütbəsinə layiq görülmüşdür.[9] O, iki il "Pasadena City College"-də oxumuş, sonra Koreya müharibəsi zamanı ABŞ Hərbi Hava Qüvvələrinə qoşulmuşdur.[5][10] "Hərbi Hava Qüvvələri"ndə xidmət edərkən çavuş rütbəsinə yüksəlmiş və "Hərbi Hava Nəqliyyat Xidməti" (MATS) üçün təyyarə mexaniki və uçuş mühəndisi kimi çalışmışdır.[11]
Ordudan tərxis olduqdan sonra Kassler reklam sənayesində işləməyə başlamışdır, əvvəlcə mətn yazıçısı, sonra isə ölkənin ən uğurlu iki reklam agentliyinin yaradıcı direktoru kimi çalışmışdır.[5] Öz vəzifələrinin bir hissəsi olaraq, Kassler radio və televiziya reklamları istehsal etmişdir, onların bir çoxu "Kann Şirləri Beynəlxalq Reklam Festivalı"nda mükafat da daxil olmaqla, beynəlxalq mükafatlar qazanmışdır.[12]
- ↑ Clive Cussler // Internet Speculative Fiction Database (ing.). 1995.
- ↑ McFadden R. D. https://www.nytimes.com/2020/02/26/books/clive-cussler-dead.html?action=click&module=News&pgtype=Homepage. The New York Times, 2020.
- ↑ Clive Cussler obituary (ing.). // The Guardian.com 2020. ISSN 1756-3224; 1354-4322; 0261-3077
- ↑ Tall, Kevin. "Clive Cussler Dead, Bestselling Author Of 'Sahara' Dies At Age 88". Inquisitr. 26 fevral 2020. İstifadə tarixi: 11 aprel 2020.
- ↑ 1 2 3 "NUMA.Net Clive Cussler Biography". NUMA. İstifadə tarixi: 6 oktyabr 2007.
- ↑ Who's Who in Finance and Industry (19th). Marquis Who's Who. 1975. səh. 164. ISBN 9780837903194. İstifadə tarixi: 11 aprel 2020.
- ↑ Cussler, Clive; Dirgo, Craig. Clive Cussler and Dirk Pitt Revealed. Simon and Schuster. 1 oktyabr 1998. ISBN 9780671026226 – Google Books vasitəsilə.
- ↑ Clive Cussler (1996),The Sea Hunters: True Adventures with Famous Shipwrecks, pages 274-275.
- ↑ Cussler, Clive; Dirgo, Craig. Clive Cussler and Dirk Pitt Revealed. New York: Pocket Books. oktyabr 1998. ISBN 0-671-02622-4.
- ↑ Cain, Sian. "Clive Cussler, bestselling adventure novelist, dies aged 88". The Guardian. 26 fevral 2020. İstifadə tarixi: 11 aprel 2020.
- ↑ "Bestselling author Clive Cussler no more". The Times of India. 27 fevral 2020. İstifadə tarixi: 2 yanvar 2021.
- ↑ Arnold, Helen Ruth. "The historic novels, true adventures of Clive Cussler". McCook Gazette. 1 dekabr 2017. İstifadə tarixi: 11 aprel 2020.
- clive-cussler-books.com — rəsmi saytı
- NUMA website
- Klayv Kassler (ing.) Find a Grave saytında
- Audio interview with Clive Cussler Talking about The Chase
- Clive Cussler Fans Website
- The Cussler Museum
- clivecussler.com.au
- Cussler Down Under newsletter
- Klayv Kassler — Discogs diskoqrafiyası
- Klayv Kassler — IMDb səhifəsi