Klüver-Büsi sindromu – beynin iki gicgah payının ön bölgələrinin daxilində yerləşən badamabənzər cisimlərin dağılması nəticəsində müşahidə olunan bir sıra davranış dəyişiklikləri ilə xarakterizə olunan xəstəlik.[1]
Xəstəliyin müşahidə olunduğu heyvanlarda yüksək dərəcəli qorxusuzluq, hər şeyə qarşı maraq, unutqanlıq, hər şeyi ağzına aparma, hətta bərk cisimləri yeməyə çalışma, tez-tez körpə heyvanlarla, hətta fərqli cinsiyyət və növə aid heyvanlarla belə cütləşməyə çalışacaq səviyyədə cinsi impulslar meydana çıxır. Bənzər xəstəlik nadir hallarda insanlarda rast gəlinsə də, simptomlar heyvandakılara oxşar olur.[1]
Bu xəstəliyin öyrənilməsində meymunların qan qrupları önəmli rol oynayıb.[1]
Xəstəlik ilk dəfə insanlarda 1955-ci ildə gicgah lobektomiyası zamanı qeydə alınmışdır. Lakin herpes səbəbli ensefalit və meninqoensefalit zamanı da insanda müşahidə oluna bilər. Həmçinin bir sıra situasiyalar Klüver-Byüsi sindromuna səbəb ola bilər. Məsələn, Pik xəstəliyi, Altshaymer xəstəliyi, işemiya, anoksiya, proqressiv subkortikal qlioz, Rett sindromu, porfiriya və dəm qazı zəhərlənməsi və s. kimi hallar sindorum səbəbkarlarından hesab olunur.[1]
Sindromun simptomlarını aşağıdakılardır:
- Xatirələri yada salmaq bacarığının itməsi. Bu zaman həm köhnədən qalan, həm də yeni yaranan məlumatlar xatırlanmır. Amneziya dərəcəsi yetərincə yüksək olur.
- Aqressiya və etirazın itməsi.
- Həddən artıq yemə və uyğunsuz cisimləri yeməyə meyilli olmaq.
- Qarşısına çıxan cisimləri ağzına aparmaq.
- Uyğunsuz obyektlərə qarşı cinsi meylin olması.
- Vizual aqnoziya. Gördüyü cisimləri, hətta ailə üzvü olsa belə başa düşmür.
- Hipermetamorfoz. Neyrologiyada ətraf-mühitə kəskin maraqla xarakterizə olunan vəziyyət.
- Apatiya və ya qeydsizlik, vecsizlik.[1]
- ↑ 1 2 3 4 5 "Klüver-Bucy sindromu. (Pedofiliya və zoofiliyaya yol açan sindrom)". Rezonans (az.). 21 noyabr 2016. 2018-10-01 tarixində orijinalından arxivləşdirilib. İstifadə tarixi: 7 iyul 2018.