Kitaniva Tsukuba (北庭 筑波?, 1842, Nihonbaşi[d], Tokio – 10 dekabr 1887) – Yaponiya fotoqrafı. O, 1870-ci illərdə Tokionun birinci dərəcəli fotoqrafı hesab olunurdu.[1] Yaponiyada fotojurnalistikanın qabaqcıllarından biri olmuşdur.[2]
| Kitaniva Tsukuba | |
|---|---|
| Doğum tarixi | 1842 |
| Doğum yeri | |
| Vəfat tarixi | 10 dekabr 1887 |
| Uşağı |
|
| Fəaliyyəti | fotoqraf |
| Fəaliyyət illəri | 1871–1885 |
1842-ci ildə Edonun Nihonbaşi bölgəsində İi Konosuke adı ilə doğulmuşdur.[2] Atası Edoda topdan yağ satışı ilə məşğul olurdu. Təxminən 30 yaşı olanda Kitaniva Tsukuba adını götürmüşdür.[1]
Kitaniva 1868-ci ildə fotoqraf Yokoyama Matsusaburonun şagirdi olmuş və ondan fotoqrafiyanı öyrənmişdir.[1] O, müxtəlif vaxtlarda Ukay Qyokusen, Kuze Cisaku və Şimooka Renconun da şagirdi olmuşdur.[3] İlk fotostudiyasını 1871-ci ildə Tokioda yerləşən Asakusa gül bağçalarında açmışdır. Qısa müddət sonra Tokioda ikinci studiyası fəaliyyətə başlamışdır. Baron Raymund fon Stillfriddən fiksasiya və işıqlandırma üzrə dərslər almış, fotoqrafiya biliklərini yaxşılaşdırmışdır. 1874-cü ildə Fukasava Yokitsu ilə birlikdə "Datsuei Yawa" (hərf. "Fotoqrafiya nağılları") jurnalını təsis etmişdir. Bu, Yaponiyada ilk fotoqrafiya jurnalı hesab olunur.[1] 1869–1873-cü illərdə fotoqraf Futami Asamanın müəllimi olmuşdur.[4] 1873-cü ilin mayında uğurla gecə fotoqrafiyası ilə məşğul olmuşdur.[5]
Kitanivanın biznesi böyümüş, Uçida Kuiçinin ölümündən sonra 1875-ci ildə ona məxsus olan mülkün bir hissəsini və əsas iqamətgahı almışdır. Burada "Kyu Uçida-şa" (hərf. "Keçmiş Uçida studiyası") adlı fotostudiya açmışdır. 1876-cı ildə tibbi fotoşəkillər satmağa başlamış və fotoqrafiya məktəbi qurmuşdur.[1] 1881-ci ildə studiyasında keçirdiyi xatirə banketində qoca kişiləri əks etdirən real ölçülü fotolar sərgiləmişdir.[3] 1885-ci ildə bütün fotoqrafiya fəaliyyətlərini dayandırmış, 1887-ci ildə ölmüşdür.[1] Oğlu İi Yoho teatr aktyoru olmuşdur.
- ↑ 1 2 3 4 5 6 Bennett. səh. 195
- ↑ 1 2 朝日 日本歴史人物事典 (yaponca). Asahi Shimbun Publishing. 1994. ISBN 9784023400528. İstifadə tarixi: 17 dekabr 2024.
- ↑ 1 2 Fukuoka, Maki. "Selling Portrait Photographs: Early Photographic Business in Asakusa, Japan". History of Photography (ingiliscə). 34 (4). 12 oktyabr 2011: 356. doi:10.1080/03087298.2011.611425. 2023-11-15 tarixində arxivləşdirilib. İstifadə tarixi: 18 dekabr 2024.
- ↑ Bennett. səh. 315
- ↑ Tucker, Anne; Iizawa, Kōtarō; Friis-Hansen, Dana; Ryuichi, Kaneko; Kinoshita, Naoyuki; Joe, Takeba. The History of Japanese Photography (ingiliscə). Yale University Press. 1 yanvar 2003. səh. 314. ISBN 9780300099256. İstifadə tarixi: 17 dekabr 2024.
- Bennett, Terry. Photography in Japan: 1853–1912 (ingiliscə). Tuttle Publishing. 2006. 195. ISBN 0-8048-3633-7. İstifadə tarixi: 17 dekabr 2024.
- Kitaniva Tsukuba Kotobank saytında.