Kitabüt-Təbəqatil-kəbir (ərəb. كتاب الطبقات الكبير) və ya ət-Təbəqatül-kəbir[1][2] (ərəb. الطبقات الكبير) — İbn Sədin siyər-məğazi və təbəqat sahəsinə aid əsəri. Əsər İslam və ərəb dünyasında "ət-Təbəqatül-kübrə" (ərəb. الطبقات الكبرى) adı ilə tanınır.[3]
| Kitabüt-Təbəqatil-kəbir | |
|---|---|
| ərəb. كتاب الطبقات الكبير | |
 | |
| Müəllif | Məhəmməd ibn Səd |
| Mövzu | bioqrafiya |
| Orijinalın dili | ərəb dili |
| Ölkə | Abbasilər xilafəti |
Bu əsər İbn Sədin təbəqat kitablarının ilki və dövrümüzə qədər gəlib çatmış ən qədimidir. Əsərdə Məhəmməd peyğəmbər, səhabələr, tabiinlər, təbəut-tabiinlər və digər şəxs haqqında təbəqə şəklində məlumatlar vardır. Əsərdə Əbu Bəkr, Ömər, Osman, Əli, Həsən, Hüseyn və Ömər ibn Əbdüləziz kimi bəzi şəxslərə daha geniş yer verilmişdir. Həmçinin əsərdə ictimai-siyasi hadisələrin və dövlət qurumlarının fəaliyyətləri haqqında da geniş məlumatlar vardır. Əsər alman, fars, ingilis və türk dillərinə tərcümə edilmişdir. Əsər müxtəlif tarixlərdə (1904, 1986, 1989, 1995 və s.) və yerlərdə (Leyden, Beyrut, Qahirə, Yeni Dehli və s.) dəfələrlə nəşr edilmişdir. Əsərə doktorluq dissertasiyası yazılmışdır.[4]
- ↑ Zəhəbi. Siyəru Aləmin-Nubəla (ərəb). X. Beyrut. 1981–1985. 664.
- ↑ Zəhəbi. Təzkirətül-hüffaz (ərəb). I. Heydərabad. 1955–1958. 425.
- ↑ İbn Səd. ət-Təbəqatül-kübrə (ərəb). Beyrut: Abbas. 1957–1968.
- ↑ Fayda, Mustafa. "İbn Sa'd". TDV İslâm Ansiklopedisi. 1999. Archived from the original on 30 may 2025. İstifadə tarixi: 30 may 2025.