Bu məqalədəki və ya bölmədəki məlumatlar köhnədir. |
"Kitabçı" jurnalı — 2014-cü ilin martından rəngli çap olunan aylıq jurnal[1].
| Kitabçı | |
|---|---|
.jpg) Jurnalın 1-ci sayının cildi | |
| Baş redaktor | Səlim Babullaoğlu |
| Əməkdaşlar | Fərid Hüseyn |
| Növ | jurnal |
| Format | 28 sm x 32 sm |
| Təsisçi | Vüqar Qaradağlı |
| Təsis tarixi | Mart, 2014 |
| Şirkət | Kitabçı MMC |
| Qərargah | Bakı, Şərifzadə küçəsi 10 |
| Dil | Azərbaycan dili |
| Səhifə | 54 |
| Qiymət | 3 manat |
Jurnal Türkiyənin İstanbul şəhərindəki MEGA Basım Mətbəəsində yüksək çap üsulu ilə nəşr olunur[2].
"Kitabçı" jurnalı məzmunu və formatı etibarilə yenilikçi bir sənət və ədəbiyyat dərgisidir. Jurnalın ilk nömrəsində yaradıcılıq nümunələri yer almış müəlliflər sırasında müasir Azərbaycan ədəbiyyatının ən yeni və ən istedadlı gəncləri vardır[1].
"Kitabçı" jurnalının baş redaktoru şair Səlim Babullaoğludur[1].
Jurnalın şef-redaktoru ədəbiyyatşünas Seyfəddin Hüseynli, redaktor-koordinator yazıçı Fərid Hüseyndir[3].
Jurnalda çağdaş ədəbiyyat və sənət mühitinin istedadlı imzaları - Zahir Əzəmət, Tehran Əlişanoğlu, Mahir Qarayev, Qismət, Aygün Aslanlı, Xəyal Rza, Rəbiqə Nazimqızı, Ceyhun Əli kimi yazarların imzası var. Jurnalın yaradıcı işində tanınmış yazıçı, eyni zamanda vaxtilə "Press fakt" kimi maraqlı qəzetin yaradıcısı olmuş Məqsəd Nur yaxından iştirak edir[3].
Jurnalla Polşa, Rusiya, Türkiyə, Ukrayna, Böyük Britaniya, İran, Gürcüstan, Yaponiya kimi ölkələrdən daimi yazı yazanların olacağı nəzərdə tutulur[3].
- ↑ 1 2 3 ""Kitabçı" jurnalı oxucularla görüşə gələcəkdir". AzərTAc (az.). azertag.com. 01.03.2014 - 10:23. 2014-03-02 tarixində arxivləşdirilib. İstifadə tarixi: 2014-06-14.
- ↑ "Kitabçı" №4 iyun 2014
- ↑ 1 2 3 Kənan. "Gələn həftə "Kitabçı" gəlir" (az.). publika.az. 27 Fevral 2014 - 18:47. 2016-03-10 tarixində arxivləşdirilib. İstifadə tarixi: 2014-06-14.
- ""Kitabçı" jurnalının yeni sayı gəldi" (az.). shahbulaq.az. 10.04.14 17:56. 2014-04-21 tarixində orijinalından arxivləşdirilib. İstifadə tarixi: 2014-06-14.