Kit Harinqton

Harinqton Londonun Akton rayonunda^[7] keçmiş dramaturq Debora Ceyn Keytsbi və iş adamı 15-ci baronet ser Devid Riçard Harinqtonun ailəsində anadan olub.^[8][9] Anası onu Kristofer Marlonun şərəfinə adlandırmışdı^[10] (Harinqton bu adın qısadılmış Kit formasını istifadə etməyi üstün tutur)^[11]. Kitin əmisi Ser Nikolas Con Harinqton 14-cü baronet Harinqtondur^[12][13], ata tərəfdən ulu babası isə Ser Riçard Harinqton 12-ci baronet idi.

Ata tərəfdən nənəsi Lavender Sesilia Denni tərəfindən, kral II Karlın 10-cu nəslindəndir.^[14][15] Həmçinin o, ata tərəfdən şotland siyasətçisi Henri Dandasın^[ing.], 1-ci Vikont Melvilin nəslindəndir.^[16]

Harinqton 1992-1998-ci illərdə Sautfild İbtidai Məktəbində oxuyub. 11 yaşında olanda ailəsi Vusterşıra^[ing.] köçür^[17][18] və o, 2003-cü ilə qədər Martley Mərkəzi Məktəbində oxuyurdu.^[19] 14 yaşında “Qodonu gözləyərkən” tamaşasına baxandan sonra aktyorluğa maraq yaranır^[20] və bir neçə məktəb tamaşasında iştirak edir^[19].

O, Vuster kollecində 2003 - 2005-ci illərdə dram və teatr üzrə təhsili almışdır. 2004-cü ildə Ben Uişounun^[ing.] Hamlet rolunu oynamasından ilhamlanan on yeddi yaşlı Harinqton aktyorluq məktəbinə getməyə başlayır.^[17][21] 18 yaşında Londona köçür, bir il sonra Mərkəzi Nitq və Dram məktəbində^[ing.] oxumağa başlayır və 2008-ci ildə oranı bitirir.^[22].

Kit Harinqtonun 2012-ci ildən "Tax-tac oyunları" serialında oynayan həmkarı Rouz Lesli^[ing.] ilə münasibətdə olduğu 2016-cı ildə rəsmən təsdiqləndi.^[23][24][25] Harinqton və Lesli 2017-ci ildə birlikdə yaşamağa başlayırlar.^[26][27] 2017-ci ilin sentyabrında onlar The Times'da nişanlandıqlarını elan etdilər.^[28] Toy mərasimi 23 iyun 2018-ci ildə Aberdinşırdakı^[ing.] Lesli klanının ailə qalasında keçirildi.^[29][30] 26 sentyabr 2020-ci ildə cütlüyün ilk övladını gözlədikləri məlum oldu.^[31] 2021-ci ilin fevralında Kit Harinqton və Rouz Lesli ilk dəfə valideyn oldular. Cütlüyün bir oğlu dünyaya gəldi.^[32]

2019-cu ilin yazında Harinqton klinikada müalicə almağa başlayır. O, "Taxt-tac oyunları" serialın çəkilişləri zamanı keçirdiyi təzyiq və əsəb böhranından danışmışdı.^[33][34][35]

Harinqton futbol izləyicisidir və Mançester Yunayted FK azarkeşidir.^[36]