Kirnan Brennan Şipka (10 noyabr 1999, Çikaqo, İllinoys) — ABŞ aktrisası. O, televiziya tamaşaçılarına üç məşhur serialdan tanışdır. 2007–2015-ci illərdə AMC kanalında yayımlanan "Mad Men" serialında Salli Dreyper obrazını canlandırıb. Daha sonra "Netflix" platformasının "Sabrinanın tükürpədici sərgüzəştləri" layihəsində baş rol olan Sabrina Spellmanı oynayıb. Eyni obrazla "Riverdeyl" serialının altıncı mövsümündə də tamaşaçıların qarşısına çıxıb.[2]
| Kirnan Şipka | |
|---|---|
 K. Şipka 2024-cü ildə | |
| Doğum adı | Kiernan Brennan Shipka |
| Doğum tarixi | 10 noyabr 1999 (26 yaş) |
| Doğum yeri | |
| Fəaliyyəti | televiziya aktrisası, kino aktrisası, aktrisa, səsləndirmə aktrisası[d], model[d] |
| Fəaliyyət illəri | 2006-cı ildən |
| Təhsili |
|
| Boyu | 157 sm[1] |
| IMDb | ID2215143 |
 Vikianbarda əlaqəli mediafayllar | |
K. Şipka son illər bir çox filmlərdə rol alıb. 2024-cü ildə "Uzunbacaq", "Burulğanlar" və "Sonuncu estrada ulduzu" filmlərində yardımçı rollar oynayıb. Aktrisanın əsas rollarda çəkildiyi filmlər də var. Bunların arasında 2015-ci ildə ekranlara çıxan "Qara plaşlının qızı", 2023-cü ildə tamaşaçıların qarşısına çıxan "Əsl cani" və bu il nümayiş olunan "Məhəbbət quşları" filmləri xüsusilə seçilir.
Kirnan Şipka sənət aləminə Çikaqodan gəlib. Daşınmaz əmlak işləri ilə məşğul olan atası Con və anası Erin övladlarının istedadını erkən yaşlarından görüblər.[3] İrland və slovak köklərə malik olan gənc aktrisanın nəsil şəcərəsində alman, ingilis, şotland və italyan qanı da qarışıb.[4] Balaca Kirnan hələ beş yaşından səhnə sənətinə həvəs göstərib və bal rəqsləri öyrənməyə başlayıb. Bu məşğələlərə uzun illər davam edib.[5] Ailəsi qızlarının aktrisalıq istedadını dəstəkləmək üçün ciddi addım atıb və o, altı yaşında ikən hamılıqla Los-Ancelesə köçüblər. Sənətə vəsiqəsini məhz bu şəhərdə alıb.
- ↑ https://www.imdb.com/name/nm2215143/.
- ↑ Petski, Denise. "Kiernan Shipka To Star In Netflix's Sabrina The Teenage Witch Series". Deadline Hollywood. 5 yanvar 2018. 19 oktyabr 2021 tarixində arxivləşdirilib. İstifadə tarixi: 5 yanvar 2018.
- ↑ "Erin Brennan, John Shipka". Chicago Tribune. 23 dekabr 1995. 19 mart 2013 tarixində arxivləşdirilib. İstifadə tarixi: 19 iyun 2020.
- ↑ "Kiernan Shipka & Isabela Merced Answer the Web's Most Searched Questions". Wired. 9 noyabr 2019. ISSN 1078-3148. 31 mart 2023 tarixində arxivləşdirilib.
Indeed I am, 62% Irish, hence the name Kiernan. Ay. My middle name is Brennan which is also very Irish. Have a lot of Irish people in my family. My mom's name is Erin, also very Irish.
- ↑ Chang, Bee-Shyuan. "Growth Spurts Considered: Kiernan Shipka of 'Mad Men' — What I Wore". The New York Times. 23 mart 2012. İstifadə tarixi: 21 sentyabr 2012.
- Kirnan Şipka — IMDb səhifəsi
- Kirnan Şipka — Facebook səhifəsi
- Kirnan Şipka Rotten Tomatoes saytında (ing.)