Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinMikaela Mallani Ştraus (19 dekabr 1998, Bruklin, Nyu-York ştatı) — King Princess kimi tanınan ABŞ müğənnisi və bəstəkarı. "Columbia Records"un alt şirkəti olan "Zelig Records" şirkəti (sahibi: Mark Ronson) ilə əməkdaşlıq edir.[1] 2018-ci ildə "Make My Bed" (tərc. "Yatağımı səhmana salıram") minialbomunu və "1950" sinqlını buraxıb. Mahnı müxtəlif ölkələrin musiqi siyahılarına düşüb və RIAA-dan platin sertifikat alıb.[2] "Talia" adlı ikinci sinqlı ARIA-dan qızıl sertifikat qazanıb. 2019-cu ildə "Cheap Queen" (tərc. "Dəyər-dəyməzi olan kraliça") adlı ilk studiya albomunu buraxıb. "Doqquz ideal qərib" (orij. "Nine Perfect Strangers") serialında rol alıb.[3]
| King Princess | |
|---|---|
 | |
| Ümumi məlumatlar | |
| Doğum tarixi | 19 dekabr 1998 (26 yaş) |
| Doğum yeri | |
| Musiqiçi məlumatları | |
| Fəaliyyəti | müğənni-bəstəkar |
| Fəaliyyət illəri | 2015-ci ildən |
| Janr | pop musiqisi |
| kingprincessmusic.com | |
 Vikianbarda əlaqəli mediafayllar | |
Oliver H. Ştraus Cr. və Agnes Mallaninin övladı olan M. Ştraus Bruklində anadan olub. Kiçik yaşlarında valideynləri ayrılıb. Ana xətti ilə irlandiyalı, italyan və polyak mənşəlidir. Ata tərəfdən ABŞ Konqresinin üzvü və "Macy's" ticarət şirkətinin şəriki İsidor Ştraus və həyat yoldaşı İda Ştrausun nəslindəndir. Alman-yəhudi əsilli əcdadları Bavariya və Reynland-Pfaltsdan ABŞ-yə mühacirət edib. İsidor və İda Ştraus "Titanik" gəmisinin qəzasında həlak olub.[4][5][6] Özünün "Rolling Stone" nəşrinə açıqlamasına görə, varis deyil və ailə sərvətindən pay almayıb.[7]
Erkən yaşlarında atasının "Mission Sound" səsyazma studiyasında vaxt keçirib. Burada bas, gitara, piano və barabanda ifa etmək, həmçinin musiqi istehsalı və sənaye haqqında əsas texniki bilikləri mənimsəyib. "Led Zeppelin", "T. Rex" qrupları və Cek Vaytın yaradıcılığından təsirlənib.[8] 2012-ci ildə bəstələdiyi mahnıların yazıldığı CD əsasında Nyu-Yorkun Manhetten rayonundakı "Avenues: The World School" özəl məktəbinə təqaüd əldə edib.
Ali təhsilini Los-Anceles şəhərində "USC Tornton" musiqi məktəbində almağa başlayıb. Bir il sonra təhsilini yarımçıq qoyaraq musiqi fəaliyyətinə üstünlük verib.[9][10][11]
Şəxsi həyatında M. Ştraus özünü lezbiyan və gender-kuir kimi təqdim edir.[12][13][14][15][16] O, 2018-ci ildə aktrisа Amandla Stenberq ilə münasibətdə olub. 2019-cu ilin əvvəlində Lizzonun kreativ direktoru Kuinn Vaytni Vilson ilə münasibəti başlayıb və bu münasibət 2023-cü ilin sonunadək davam edib.[17]
Gender kimliyi barədə "W" jurnalına müsahibəsində qeyd edib ki, bəzən qadın olmağı məqbul sayır və vaxtın 49 faizində qadın fizioloji xüsusiyyətlərindən məmnundur. Lakin özünü tam olaraq qadın hesab etmir və gender spektrinin mərkəzində mövqe tutduğunu, bu mövqenin gündəlik dəyişdiyini bildirib.[18] 2023-cü ildə sosial şəbəkədə qeyri-binar olduğunu bəyan edib və gender mövzusunda bir sıra digər paylaşımlar edib.[19] 2022-ci ildə "Rolling Stone" nəşrinə müsahibəsində şəxs əvəzliklərinin istifadəsinə münasibətdə neytral mövqe tutduğunu və "he", "she", "it", "they", "ksenogender" əvəzliklərinin istifadəsinin məqbul olduğunu bildirib.
Studiya albomları
- Cheap Queen (2019)
- Hold On Baby (2022)
- Girl Violence (2025)
- ↑ Jessica. "Future Stars: King Princess (Columbia/Zelig Records)". This Must Be Pop. 26 fevral 2018. 10 mart 2018 tarixində orijinalından arxivləşdirilib. İstifadə tarixi: 14 iyun 2018.
- ↑ "Gold & Platinum". RIAA (ingilis). İstifadə tarixi: 7 dekabr 2020.
- ↑ Gomez, Dessi. "King Princess Unpacks 'Nine Perfect Strangers' Character Tina's Trauma And Creating "The Most Toxic Lesbian Relationship Possible"". Deadline (ingilis). 4 iyun 2025. İstifadə tarixi: 6 iyul 2025.
- ↑ Straus, Isidor. Autobiography of Isidor Straus. Smithtown, NY: The Straus Historical Society. 2011. 168–176.
- ↑ Newstead, Al. "King Princess on reappropriating White Stripes and her "extra as hell" family history". triple j. 19 oktyabr 2018. İstifadə tarixi: 19 noyabr 2018.
- ↑ Wood, Mikael. "Genderqueer pop sensation King Princess: 'The tea is we've always been the tea'". Los Angeles Times (ingilis). 30 oktyabr 2019. İstifadə tarixi: 21 avqust 2020.
- ↑ Martoccio, Angie. "King Princess on her Drag Persona and Titanic Lineage". Rolling Stone (ingilis). 31 oktyabr 2019. İstifadə tarixi: 20 iyul 2020.
- ↑ Dunn, Frankie. "you probably know her debut single 1950, now get to know king princess". i-D. 30 aprel 2018. 31 may 2022 tarixində arxivləşdirilib. İstifadə tarixi: 14 iyun 2018.
- ↑ Martoccio, Angie. "King Princess: An Untamed Pop Queen Arrives". Rolling Stone (ingilis). 2 iyun 2022. İstifadə tarixi: 11 iyun 2022.
- ↑ "Mikaela Straus - Stats". MileSplit New York.
- ↑ "Issue 5 by The Highliner - Issuu". issuu.com. 24 oktyabr 2016.
- ↑ Gilmour, Paisley. "King Princess just got very real about identifying as a lesbian". Cosmopolitan (ingilis). 4 iyun 2019. İstifadə tarixi: 1 dekabr 2022.
- ↑ Gutowitz, Jill. "King Princess Is a Genderqueer Pop Icon for the Next Generation of Queer Youth". Them. 15 iyun 2018. İstifadə tarixi: 15 iyun 2018.
- ↑ Daly, Rhian. "King Princess: Meet the gay icon-in-waiting who's come to wreak glorious havoc on pop". NME. 23 iyul 2018. İstifadə tarixi: 23 iyul 2018.
- ↑ Tilchen, Jordyn. "King Princess Is 'Bored Of Heteronormative Narrative' — But Don't Put Her Music Into A Box". MTV News (ingilis). 31 oktyabr 2019. 1 noyabr 2019 tarixində orijinalından arxivləşdirilib. İstifadə tarixi: 21 avqust 2020.
- ↑ Robinson, Lisa. "King Princess Is Pop Music's Newest Crown Jewel". Vanity Fair (ingilis). 9 sentyabr 2019. İstifadə tarixi: 21 avqust 2020.
- ↑ Gilmour, Paisley. "Is King Princess dating Quinn Wilson, Lizzo's creative director?". Cosmopolitan UK. 20 sentyabr 2019. İstifadə tarixi: 13 iyul 2022.
- ↑ Bagley, Christopher. "King Princess on the Limits of Being Pop's New Queer Idol: "I'd Rather Put Out Good Art"". W Magazine (ingilis). 5 iyun 2019. İstifadə tarixi: 21 avqust 2020.
- ↑ https://www.instagram.com/p/CppDAVVJBKk/?hl=en and https://www.instagram.com/p/Cg5fmkypx9_/?hl=en
- kingprincessmusic.com — rəsmi saytı
- King Princess — AllMusic saytında
- King Princess — Discogs diskoqrafiyası
- King Princess — IMDb səhifəsi
- King Princess — MusicBrainz diskoqrafiyası
