Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinKeyko Kitaqava (北川 景子?, 22 avqust 1986, Kobe) – Yaponiya aktrisası və fotomodeli. 2003–2006-cı illərdə Yaponiyanın "Seventeen" jurnalı üçün model kimi işləmişdir. Stardust Promotion ilə əməkdaşlıq edir.[1]
| Keyko Kitaqava | |
|---|---|
| yap. 北川景子 | |
 | |
| Doğum tarixi | 22 avqust 1986 (39 yaş) |
| Doğum yeri | |
| Təhsili | Meyci Universiteti |
| Fəaliyyəti | aktrisa, model[d], fotomodel[d], kino aktrisası |
| Fəaliyyət illəri | 2003-cü ildən |
|
official.stardust.co.jp/… keiko-kitagawa.jp |
|
 Vikianbarda əlaqəli mediafayllar | |
Aktrisa kimi ilk rolu "Gözəl mühafizəçi Seylor Mun" (2003–04) serialında canlandırdığı Seylor Mars rolu olmuşdur. "Mamiya qardaşları" filmindəki rolundan sonra model karyerasını başa çatdıraraq diqqətini filmlərə yönəltmişdir. "Sürətli və Qəzəbli: Tokio drifti" (2006), "Yaraşıqlı kostyum" (2008) kimi bir çox filmdə görünmüş, "Lif qızı" (2007), "Çimərlikdə ev otağı" (2008), "Radio ritmi" (2008), "Akumu-çan" (2012) kimi seriallarda baş rolları canlandırmışdır.[2]
Keyko Kitaqava 22 avqust 1986-cı ildə Yaponiyanın Hyoqo prefekturasında doğulmuşdur.[3] Kobe şəhərində böyümüş, bir çox dostunu 1995-ci ildəki Böyük Hanşin zəlzələsində itirmişdir.[4] Uşaqlıqda həkim olmaq istəmiş, lakin liseydə ikən hansı peşəni seçmək istədiyi barədə tərəddüd etmişdir.[5] Bu dövrdə bir agentlik tərəfindən kəşf edilmiş və Kitaqava əyləncə sektoruna daxil olmaq qərarına gəlmişdir. Valideynləri əvvəlcə buna qarşı çıxmış, lakin iki şərtlə buna icazə vermişdirlər: bir il ərzində irəliləyişi olmasa, bundan əl çəkəcək; universitetdən məzun olacaq.[6] 2009-cu ilin martında Meyci Universitetindən məzun olmuşdur.[7]
Agentliyə qoşulduqdan bir həftə sonra model və aktrisa kimi seçilmişdir.[8] 2003-cü ildə Miss Seventeen seçilmiş[9] və 2006-cı ilin sentyabrına kimi "Seventeen" jurnalı üçün model kimi işləmişdir.[10]
Aktrisa kimi ilk rolu "Gözəl mühafizəçi Seylor Mun" serialındakı Rey Hino rolu olmuşdur. İlk əsas rolu isə "Mamiya qardaşları" filmində olmuşdur. Bu filmdə oynadıqdan sonra model karyerasını tərk edərək filmlərə köklənmək qərarı vermiş, "Albalı piroqu" və "Dəyərli dostlar" filmlərində baş rollarda oynamışdır.[1] 2007-ci ildə "Lif qızı" serialında baş rolu canlandırmışdır. 2008-ci ildə isə "Çimərlikdə ev otağı" serialında baş qəhrəmanı oynamışdır.[8]
"Sürətli və Qəzəbli: Tokio drifti" filminin çəkilişləri üçün Kaliforniyaya getmiş, 2006-cı ildə ingiliscə təhsil almaq üçün yenə buraya qayıtmışdır.[11] 2007-ci ilin may-dekabr aylarında Yaponiyanın həftəlik televiziya jurnalı olan "Weekly The Television" jurnalı üçün köşə yazarı olmuşdur.[1]
2016-cı ildə "Ev satan qadın" filmindəki roluna görə Ən yaxşı aktrisa nominasiyasında Yaponiya Televiziya Mükafatının qalibi olmuşdur.[12]
Model və aktrisa kimi işləməyə başladıqdan sonra Tokioya köçmüşdür və o vaxtdan burada yaşayır. Kitaqava evdə oturmağı, DVD izləməyi, musiqiyə qulaq asmağı və kitab oxumağı sevir.
2016-cı ildə müğənni və söz yazarı Dayqo ilə evlənmişdir.[13] 22 aprel 2020-ci ildə ilk hamiləliyini açıqlamışdır. 7 sentyabrda qızı olmuşdur.[14][15]
- ↑ 1 2 3 "Keiko's Blog". 12 mart 2010 tarixində orijinalından arxivləşdirilib. İstifadə tarixi: 24 mart 2010.
- ↑ "出演者". www.tbs.co.jp. 2 dekabr 2020 tarixində arxivləşdirilib. İstifadə tarixi: 19 noyabr 2015.
- ↑ Kitagawa, Keiko. "初メキシコ". 北川景子のBlog♪Blog♪Blog♪ (yapon). 26 fevral 2006. 20 mart 2006 tarixində orijinalından arxivləşdirilib. İstifadə tarixi: 4 aprel 2007.
- ↑ Kitagawa, Keiko. 北川景子写真集 Dear Friends (yapon). Kadokawa Media House. 2007. ISBN 978-4-04-894906-4.
- ↑ Kitagawa, Keiko. "Ms. ティッシュー". 北川景子のBlog♪Blog♪Blog♪ (yapon). 28 fevral 2006. 3 mart 2006 tarixində orijinalından arxivləşdirilib. İstifadə tarixi: 19 mart 2007.
- ↑ Wakayama, Aya. "Six Elements of Woman". J Nude. Asahi Shimbun. 3 mart 2016 tarixində arxivləşdirilib. İstifadə tarixi: 19 mart 2007.
- ↑ 北川景子、卒業は家族と事務所のおかげ. Daily Sports Online (yapon). 26 mart 2009. 27 mart 2009 tarixində orijinalından arxivləşdirilib. İstifadə tarixi: 26 mart 2009.
- ↑ 1 2 Hidaka, Ikuko. "Keiko Kitagawa". Nikkei Entertainment! (yapon). Nikkei BP Sha. 4 iyul 2008. 20–23.
- ↑ "Cast & Staff". Cherry Pie website. Cinemusica. 10 may 2007 tarixində orijinalından arxivləşdirilib. İstifadə tarixi: 21 mart 2007.
- ↑ Kitagawa, Keiko. "ＳＥVＥＮＴＥＥＮ 卒業". 北川景子のBlog♪Blog♪Blog♪ (yapon). 15 sentyabr 2006. 18 iyun 2007 tarixində orijinalından arxivləşdirilib. İstifadə tarixi: 19 mart 2007.
- ↑ Kitagawa, Keiko. Stylish Street Book ハリウッドへ行っちゃった！ (yapon). SDP. 2006. ISBN 4-903620-01-8.
- ↑ "受賞履歴 - 2016年 | ザテレビジョンドラマアカデミー賞". ザテレビジョン (yapon). 21 yanvar 2022 tarixində arxivləşdirilib. İstifadə tarixi: 23 dekabr 2019.
- ↑ 北川, 景子. "ご報告" (yapon). 11 yanvar 2016. 11 yanvar 2016 tarixində arxivləşdirilib. İstifadə tarixi: 11 yanvar 2016.
- ↑ "ご報告". Keiko Kitagawa Official Website (yapon). 30 mart 2022 tarixində arxivləşdirilib. İstifadə tarixi: 25 aprel 2020.
- ↑ "Kitagawa Keiko & DAIGO welcome their baby girl". tokyohive.com. 2 oktyabr 2020. 30 iyul 2021 tarixində arxivləşdirilib. İstifadə tarixi: 22 iyun 2021.
- Rəsmi agentlik profili
- Rəsmi bloqu
- Keyko Kitaqava — IMDb səhifəsi