Ketrin Encel britaniyalı akademik və yazıçıdır. Onun 2012-ci ildə nəşr olunan ədəbi qeyri-bədii əsəri - "Unmastered : A Book on Desire, Most Difficult to Tell" (İdarə olunmayan: istək haqqında bir kitab, danışılması ən çətin olan)" ilə insanların diqqətini cəlb etmişdir.
| Ketrin Encel | |
|---|---|
| Doğum tarixi | 1976[1] |
| Doğum yeri |
|
| Təhsili | |
| Fəaliyyəti | yazıçı |
Encel Brüsseldə doğulmuşdur və fəlsəfə üzrə bakalavr dərəcəsi almışdır.[2] Harvard Universitetində Jozef Xodjes Çoat Təqaüdü ilə təhsil almış və Kembric Universitetində psixiatriya və seksual tarix sahəsində doktorluq dərəcəsi qazanmışdır.[3]
O, Varvik Universitetində Tibb Tarixi üzrə postdoktorantura tədqiqatçısı olmuşdur. Encel London Universitetinin Birkbek Kollecində bədii yazı üzrə müəllim kimi çalışmış və hazırda Londonun Kvin Meri Universitetində İngilis dili və dram məktəbində baş müəllimdir.
2012-ci ildə, Encel "Unmastered: A Book on Desire, Most Difficult to Tell (İdarə olunmayan: istək haqqında bir kitab, danışılması ən çətin olan)" adlı əsərini nəşr etdirmişdir. Bu kitab seksual istək mövzusunda ədəbi və eksperimental düşüncə yazısı kimi qiymətləndirilmiş və beynəlxalq diqqət cəlb etmişdir.
2019-cu ildə, Encelin "Daddy Issues" adlı kitabı Peninsula Press tərəfindən nəşr olunmuşdur.
2021-ci ildə, onun "Tomorrow Sex Will Be Good Again: Women and Desire in the Age of Consent" adlı əsəri Verso nəşriyyatı tərəfindən çap edilmişdir.
"İdarə olunmayan" əsəri ümumilikdə müsbət rəylər almışdır. Talita Stivenson Ze Qardian qəzetində yazdığı məqalədə kitabda "fərqli bir həssaslıq" olduğunu qeyd etmiş və heyranlıqla belə yazmışdır: "Encelin partnyoru ilə münasibətinin möhtəşəm bir təsviri yaranır və o, sevgini adi ilə ali olanın birləşməsinə imkan verən bir qüvvə kimi təqdim edir." Stivenson yekun olaraq qeyd edir ki, "İdarə olunmayan" adlı əsər bəzi qüsurlara baxmayaraq, özünü daim təhlil etməyə və feminist qəhrəmanların təsirinə qarşı durmağa çalışan qadın libidosunun güclü ifadəsidir."[4]
Stüart Hammond, Dazed Digital platformasında "İdarə olunmayan" kitabını yüksək qiymətləndirərək onu belə təsvir etmişdir: "Tamamilə gözlənilməz, təsnif olunması mümkünsüz, qəribə, yeni və möhtəşəm olan o qeyri-bədii kitablardan biridir ki, arada bir üzə çıxaraq sənə 'Vay, məhz indi bizə lazım olan budur!' deditdirir."[5]
Henna Butt, "For Books' Sake" jurnalında yazdığı rəyində vurğulamışdır ki, Encelin keçmişi, "İdarə olunmayan" kitabını bürüyən inamlı feminizmin əsasını təşkil edir və onu başqa feministlər fikirlərini qəbuledilməz hesab etsələr belə gücləndirir." O qeyd edir ki, "Encel bəzi hallarda feminizmin, əslində, qadın seksual azadlığını dəstəkləmək əvəzinə, eyni "utandırma və susdurma" praktikasını tətbiq etdiyini hiss etdiyini göstərir." [6]
Kirkus Revyus, "İdarə olunmayan" kitabını "postmodern feminizmə və onun qadın istəklərindəki roluna bir qadının şəxsi hekayələri, düşüncələri və peşəkar araşdırmaları vasitəsilə işıq salan açıqlayıcı bir əsər" kimi təsvir etmişdir. Onlar qeyd edirlər ki, "Encel bugünkü qadınların ehtiyac və istəklərini necə təmin etdiklərini ağıllı şəkildə araşdırır."
Tənqidçi vurğulamışdır ki, Encel sevgi və şəhvət arasındakı şəxsi prinsipləri ilə mübarizə aparır və kitabın "gücləndirici nəticəsini" tərifləyərək, "İdarə olunmayan" kitabını "qadınların öz seksual və emosional ehtiyaclarını ifadə etmək istəkləri barədə qeyri-ənənəvi və olduqca poetik bir müşahidə" kimi tövsiyə etmişdir.[7]
- Unmastered: A Book on Desire, Most Difficult to Tell (2012)
- Daddy Issues (2019)
- Tomorrow Sex Will Be Good Again: Women and Desire in the Age of Consent (2021)
- Stevenson, Talitha. "Unmastered by Katherine Angel (review): There are many pleasures in a series of reflections on female desire, finds Talitha Stevenson". The Guardian. 2012. İstifadə tarixi: 21 October 2018.
- Kaminsky, Theresa. "Unmastered Angel: PW Talks with Katherine Angel". Publishers Weekly. 5 April 2013. İstifadə tarixi: 21 October 2018.
- Hammond, Stuart. "Q&A / Books: Katherine Angel". Dazed Digital. 23 September 2012. İstifadə tarixi: 21 October 2018.
- Butt, Henna. "For Books' Sake Talks To: Katherine Angel". For Books' Sake. 9 October 2012. İstifadə tarixi: 21 October 2018.
- "Katherine Angel Biography". Internationales Literaturfestival Berlin. 2013. İstifadə tarixi: 21 October 2018.
- "Katherine Angel Faculty Profile". Birkbeck, University of London. 2018. İstifadə tarixi: 21 October 2018.
- "Review of Unmastered". Kirkus Reviews. 4 May 2013. İstifadə tarixi: 21 October 2018.
- Ketrin Encel — Twitter səhifəsi
- Katherine Angel profile on Birkbeck, University of London