Kenquru siçanı — ABŞ-nin cənub-qərbindəki çöl ərazilərinə xas olan, ikiayaqlı hərəkət etmə və tullanma bacarığı ilə seçilən kiçik gəmiricilər. Əsasən Nevada ştatında rast gəlinir. Adını qeyri-adi tullanma qabiliyyətindən və hərəkət tərzindən alan bu siçanlar, eyni Dipodomyinae altfəsiləsinə aid olan kenquru siçovulları ilə yaxından əlaqəlidir.
| Kenquru siçanı | ||||||||||||
|---|---|---|---|---|---|---|---|---|---|---|---|---|
 | ||||||||||||
| Elmi təsnifat | ||||||||||||
|
XƏTA: parent və rang parametrlərini doldurmaq lazımdır. ???: Kenquru siçanı |
||||||||||||
| Beynəlxalq elmi adı | ||||||||||||
| ||||||||||||
Kenquru siçanlarının iki əsas növü vardır: Qara kenquru siçanı və ağ kenquru siçanı. Hər iki növ əsasən qumlu çöl ərazilərində yaşayır. Qara kenquru siçanı bəzən həşəratlar və ölü heyvanlarla da qidalanır, ağ kenquru siçanı isə daha çox toxum və bitkilərlə qidalanır. Kenquru siçanları nadir hallarda su içir, bunun əvəzinə metabolik olaraq yediyi qidalardan su əldə edir. Onlar topladıqları qidanı yuvalarında saxlayır, bu yuvalar isə 1–2.5 metr uzunluqda ola bilər.[3]
Kenquru siçanları gecə aktivdir və gün batdıqdan sonra ilk iki saat ərzində daha fəal olurlar. Soyuq hava şəraitində qış yuxusuna (hibernasiya) gedə bilirlər. Bu siçanlar mürəkkəb yuvalar qurur və burada həm qida saxlayır, həm də 2–7 arası bala yetişdirirlər. Ağ kenquru siçanı yalnız incə qumlu ərazilərdə yuva qurur, qara kenquru siçanı isə həm qumlu, həm də daşlı torpaqlarda yaşaya bilir. Gecə aktivlikləri yırtıcılardan qorunmalarına kömək edir. Mitoxondrial məlumatlara əsasən, bu siçanların populyasiyalarında genetik sabitlik müşahidə olunur, lakin Böyük Hovuz Səhrasındakı təhdidlər kiçik və həssas altpopulyasiyaların sağ qalması ilə bağlı narahatlıq yaradır.[4]
Kenquru siçanları əsasən ot yeyən (qranivor) gəmiricilərdir. Onların qidalanması toxumlar, çiçəklər və qozalara əsaslanır. Yay aylarında həşəratlarla da qidalanırlar. Onlar qabaq dişlərindən istifadə edərək toxumların qabığını qırır və həmin toxumları yanaqlarındakı tüklü kisələrdə daşıyaraq yuvalarına aparırlar. Kenquru siçanlarının diqqətəlayiq xüsusiyyəti su içmədən uzun müddət sağ qala bilmələridir. Bu, çox səmərəli böyrəkləri və yediyi qidalardan su əldə etmə qabiliyyəti ilə mümkündür. Yediyi qidalardan əldə etdiyi yağları isə quyruqlarında saxlayır.[4]
- ↑ Integrated Taxonomic Information System (ing.). 2012.
- ↑ Mammal Species of the World (ing.): A Taxonomic and Geographic Reference. / D. E. Wilson, D. M. Reeder 3 Baltimore: JHU Press, 2005. 35, 2142 p. ISBN 978-0-8018-8221-0
- ↑ Amos, Emily. "Microdipodops megacephalus (dark kangaroo mouse)". Animal Diversity Web (ingilis). 2021-04-25 tarixində arxivləşdirilib. İstifadə tarixi: 2021-04-24.
- ↑ 1 2 Peterson, Emily. "Microdipodops pallidus (pale kangaroo mouse)". Animal Diversity Web (ingilis). 2021-04-25 tarixində arxivləşdirilib. İstifadə tarixi: 2021-04-24.