Karuizava Yeni İncəsənət Muzeyi (軽井沢ニューアートミュージアム, Karuizava Nyu Ato Myuciamu?) – Yaponiyanın Naqano prefekturasının Karuizava qəsəbəsində yerləşən müasir incəsənət muzeyi.
| Karuizava Yeni İncəsənət Muzeyi | |
|---|---|
 | |
 | |
| Açılış tarixi | aprel 2012 |
| Ölkə | |
| Yerləşir | Karuizava[d] |
| knam.jp knam.jp/en/ | |
 Vikianbarda əlaqəli mediafayllar | |
Karuizava Yeni İncəsənət Muzeyi 2012-ci ildə açılmışdır.[1] Rikuo Nişimori tərəfindən dizayn olunmuş muzey binası 2007-ci ilin aprelində tamamlanmış[2] və əvvəlcə biznes binası kimi istifadə olunmuşdur.[3]
Muzey şüşə panellərdən və sütunlardan tikilmişdir. Bu, muzey binasına şam meşəsi görkəmi vermək məqsədi daşıyır.[3] Muzeydə Yayoi Kusama kimi müasir Yaponiya incəsənətinin nümayəndələrinin, eləcə də, Yaponiyaya ilk dəfə gəlmiş xarici sənətçilərin əsərlərindən ibarət sərgilər keçirilir.[1] "Müasir yapon incəsənətini yeni prespektivdən yenidən kəşf etmək" muzeyin mövzusunu təşkil edir.[4]
Muzey iki mərtəbədən ibarətdir. Birinci mərtəbədə banket zalı, üç qalereya, kafe və restoran, suvenir dükanı, kapella və salon, ikinci mərtəbədə 6 sərgi zalı yerləşir. Xüsusi və daimi sərgilər qalereya və sərgi zallarında keçirilir. Ən böyük sərgi zalının sahəsi 211 m² təşkil edir. Birinci mərtəbənin çölündə memar Kenqo Kuma tərəfindən 2015-ci ilin iyulunda hazırlanmış "Küləkli ağcaqayın və mamır meşəsi" kapellası və fransız sənətçi Jan Mişel Otoniel tərəfindən 2014-cü ildə hazırlanmış "Ürək darvazası" adlı instalyasiya yerləşir. Bu intalyasiya bir-birinə keçirilmiş iki ürəkdən ibarətdir. Burada evlilik mərasimləri keçirilir.[2]
-
-
"Ürək darvazası" -
-
Sərgi zalı
- ↑ 1 2 "美術館について". Muzeyin rəsmi saytı (yaponca). 22 sentyabr 2024 tarixində arxivləşdirilib. İstifadə tarixi: 22 sentyabr 2024.
- ↑ 1 2 "施設概要". Muzeyin rəsmi saytı (yaponca). 22 sentyabr 2024 tarixində arxivləşdirilib. İstifadə tarixi: 22 sentyabr 2024.
- ↑ 1 2 "About". Muzeyin rəsmi saytı (ingiliscə). 22 sentyabr 2024 tarixində arxivləşdirilib. İstifadə tarixi: 22 sentyabr 2024.
- ↑ "軽井沢ニューアートミュージアム". Nagano Museum (yaponca). 22 sentyabr 2024 tarixində arxivləşdirilib. İstifadə tarixi: 22 sentyabr 2024.
- knam.jp — rəsmi saytı